ಡಿಸೆಂಬರ್ 21ಕ್ಕೆ 'ಕೆಜಿಎಫ್' ಜೊತೆ 7 ದೊಡ್ಡ ಸಿನಿಮಾಗಳು ರಿಲೀಸ್

ಕೆಜಿಎಫ್ ವರ್ಸಸ್ ಜೀರೋ

ಕೆಜಿಎಫ್ ಚಿತ್ರಕ್ಕೆ ದೇಶಾದ್ಯಂತ ಟಫ್ ಪೈಪೋಟಿ ನೀಡಲಿರುವ ಚಿತ್ರ ಜೀರೋ. ಯಾಕಂದ್ರೆ, ಶಾರೂಖ್ ಖಾನ್ ಗೆ ವರ್ಲ್ಡ್ ವೈಡ್ ಅಭಿಮಾನಿಗಳು ಇದ್ದಾರೆ. ಎರಡು ಸಿನಿಮಾ ಒಂದೇ ದಿನ ಬರ್ತಿರುವುದು ಬಾಲಿವುಡ್ ಮಟ್ಟಿಗೆ ದೊಡ್ಡ ಹಬ್ಬ ಎನ್ನಲಾಗ್ತಿದೆ. ಇದು ಬಾಕ್ಸ್ ಆಫೀಸ್ ನಲ್ಲಿ ವ್ಯತಿರಿಕ್ತ ಪರಿಣಾಮ ಬೀರಬಹುದು.

ಕೆಜಿಎಫ್ ವರ್ಸಸ್ ಮಾರಿ-2

ದಕ್ಷಿಣದಲ್ಲಿ ತನ್ನದೇ ಆದ ಬ್ರ್ಯಾಂಡ್ ಹೊಂದಿರುವ ನಟ ಧನುಶ್. ಈಗ ಧನುಶ್ ಅಭಿನಯದ 'ಮಾರಿ-2' ಸಿನಿಮಾ ಡಿಸೆಂಬರ್ 21ಕ್ಕೆ ಬರ್ತಿದೆ. ಈ ಹಿಂದೆ ಮಾರಿ ಸಿನಿಮಾ ಬಂದಿತ್ತು. ಆ ಚಿತ್ರ ಹಿಟ್ ಆಗುತ್ತು. ಹಾಗಾಗಿ, 'ಮಾರಿ-2' ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ. ತಮಿಳಿನಲ್ಲೂ ಕೆಜಿಎಫ್ ಸಿನಿಮಾ ಬರ್ತಿರುವುದರಿಂದ ಧನುಶ್ ಸಿನಿಮಾ ಎದುರಾಳಿ ಎನ್ನಬಹುದು.

ವಿಜಯ್ ಸೇತುಪತಿ ಚಿತ್ರ

ಇತ್ತೀಚಿನ ವರ್ಷಗಳಲ್ಲಿ ತಮಿಳು ನಟ ವಿಜಯ್ ಸೇತುಪತಿ ಕ್ರೇಜ್ ಹೆಚ್ಚಿದೆ. ಕೇವಲ ತಮಿಳು ಮಾತ್ರವಲ್ಲದೇ ಯುನಿವರ್ಸಲ್ ಫ್ಯಾನ್ಸ್ ಹೊಂದಿದ್ದಾರೆ. ವಿಜಯ್ ಅಭಿನಯದ 'ಸೀತಾಕತ್ತಿ' ಚಿತ್ರವೂ ಡಿಸೆಂಬರ್ 21 ರಂದು ಬಿಡುಗಡೆಯಾಗ್ತಿದೆ. ಈ ಮೂಲಕ ಧನುಶ್ ಮಾರಿ ಮತ್ತು ವಿಜಯ್ ಸೇತುಪತಿಯ 'ಸೀತಾಕತ್ತಿ 'ನಡುವೆ ಬಿಗ್ ಫೈಟ್ ಇರಲಿದೆ. ಈ ಎರಡು ಚಿತ್ರಗಳನ್ನ ಕೆಜಿಎಫ್ ಎದುರಿಸಬೇಕಾಗಿದೆ.

ಜಯಂ ರವಿ ಸಿನಿಮಾ

ಧನುಶ್, ವಿಜಯ್ ಸೇತುಪತಿ ಚಿತ್ರಗಳಿಗೆ ಹೋಲಿಸಿಕೊಂಡರೇ ಜಯಂ ರವಿ ಅಭಿನಯದ 'ಅದಂಗ ಮಾರು' ಚಿತ್ರ ಸಾಧಾರಣ ಎನ್ನಬಹುದು. ಸದ್ಯದ ಮಾಹಿತಿ ಪ್ರಕಾರ ಸಿನಿಮಾನೂ ಅದೇ ದಿನ ಬರಲಿದೆ ಎನ್ನಲಾಗುತ್ತಿದೆ.

ವಿಷ್ಣು ವಿಶಾಲ್ ಸಿನಿಮಾ

ತಮಿಳು ನಟ ವಿಷ್ಣು ವಿಶಾಲ್, ನಟಿ ಓವಿಯಾ, ರೆಜಿನಾ ಅಭಿನಯದ ಕಾಮಿಡಿ ಎಂಟರ್ ಟೈನರ್ 'ಸಿಲುಕ್ಕುವಾರಿಪಟ್ಟಿ ಸಿಂಗಂ' ಚಿತ್ರವೂ ಡಿಸೆಂಬರ್ 21ರಂದೇ ತೆರೆಕಾಣ್ತಿದೆ.

ವರುಣ್ ತೇಜ ಸಿನಿಮಾ

ಮೆಗಾ ಸ್ಟಾರ್ ಫ್ಯಾಮಿಲಿಯ ನಟ ವರುಣ್ ತೇಜ ಅಭಿನಯದ ಅಂತರಿಕ್ಷಂ ಚಿತ್ರ ಡಿಸೆಂಬರ್ 20 ಬಿಡುಗಡೆಯಾಗ್ತಿದೆ. ಕೆಜಿಎಫ್ ಚಿತ್ರಕ್ಕೂ ಒಂದು ದಿನ ಮುಂಚೆ ಬರ್ತಿರುವ ಈ ತೆಲುಗು ಸಿನಿಮಾ ಹೈದಾರಬಾದ್ ಹಾಗೂ ತೆಲಂಗಾಣದಲ್ಲಿ ಯಶ್ ಸಿನಿಮಾಗೆ ಫೈಟ್ ನೀಡಬಹುದು.

ಸಾಯಿ ಪಲ್ಲವಿ ಸಿನಿಮಾ

ಖ್ಯಾತ ನಟ ಶಾರ್ವಾನಂದ್ ಅಭಿನಯದ 'ಪಡಿಪಡಿ ಲೇಚೆ ಮನಸು' ಚಿತ್ರ ಡಿಸೆಂಬರ್ 21ರಂದು ಥಿಯೇಟರ್ ಗೆ ಬರ್ತಿದೆ. ಈ ಚಿತ್ರದಲ್ಲಿ ಸಾಯಿ ಪಲ್ಲವಿ ನಾಯಕಿಯಾಗಿ ಅಭಿನಯಿಸಿದ್ದಾರೆ.