ಮೇ 1 'ಜೆ ಕೆ' ಜೀವನದಲ್ಲಿ ಮಹತ್ವವಾದ ದಿನ

Recommended Video

ಜೆ ಕೆ ಕನ್ನಡ ಕಿರುತೆರೆಯಲ್ಲಿ ತನ್ನ ಅಭಿನಯದ ಮೂಲಕ ಇತಿಹಾಸವನ್ನ ಬರೆದ ನಟ. ಕಿರುತೆರೆಯಿಂದ ಬೆಳ್ಳಿತೆರೆಗೆ ಬಂದು ರಿಯಾಲಿಟಿ ಶೋ ಮೂಲಕವೇ ಸಾಕಷ್ಟು ಅಭಿಮಾನಿಗಳನ್ನ ಪಡೆದುಕೊಂಡ ನಟ ಜೆಕೆ ಅವರ ಜೀವನದಲ್ಲಿ ಮೇ1 ತುಂಬಾ ಸ್ಪೆಷಲ್ ದಿನ. ಸಾಕಷ್ಟು ಕಾರಣಗಳಿಂದ ಆ ದಿನ ವಿಶೇಷವಾಗಿದ್ದು ಮೇ1 ನೇ ತಾರೀಖಿಗೆ ಇನ್ನು ಕೆಲವೇ ದಿನಗಳಷ್ಟೇ ಬಾಕಿ ಉಳಿದಿವೆ.

ಹೌದು ಮೇ1 ಜಯರಾಂ ಕಾರ್ತಿಕ್ ಹುಟ್ಟುಹಬ್ಬದ ದಿನ ಅಷ್ಟೇ ಅಲ್ಲ ಅದೇ ದಿನ ಜೆಕೆ ಅಭಿನಯದ ಎರಡು ಸಿನಿಮಾಗಳ ವಿಶೇಷ ಕಾರ್ಯಕ್ರಮಗಳು ಅಂದೇ ನಡೆಯುತ್ತಿದೆ. ದಯಾಳ್ ಪದ್ಮನಾಭನ್ ನಿರ್ದೇಶನದ ಜೆಕೆ ಮತ್ತು ಅನುಪಮ ಗೌಡ ಅಭಿನಯದ 'ಆ ಕರಾಳ ರಾತ್ರಿ' ಚಿತ್ರದ ಟ್ರೇಲರ್ ಮೇ1 ರಂದು ಬಿಡುಗಡೆ ಆಗುತ್ತಿದೆ. ಚಿತ್ರತಂಡ ತಮ್ಮ ಸಿನಿಮಾ ನಾಯಕನ ಹುಟ್ಟುಹಬ್ಬಕ್ಕೆ ನೀಡುತ್ತಿರುವ ಕೊಡುಗೆ ಇದಾಗಿದೆ.

ಇನ್ನು ನಾಗೇಂದ್ರ ಅರಸ್ ನಿರ್ದೇಶನ ಮಾಡಿರುವ 'ಮೇ1' ಚಿತ್ರದ ಆಡಿಯೋ ಬಿಡುಗಡೆ ಜೆಕೆ ಹುಟ್ಟುಹಬ್ಬದಂದೆ ನಡೆಯುತ್ತಿರುವುದು ವಿಶೇಷ. ಮೇ1 ಸಿನಿಮಾಗೆ ಸತೀಶ್ ಬಾಬು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಈಗಾಗಲೇ ಸಿನಿಮಾ ತಂಡಗಳು ಜಯರಾಂ ಕಾರ್ತಿಕ್ ಹುಟ್ಟುಹಬ್ಬಕ್ಕಾಗಿ ವಿಶೇಷ ಪೋಸ್ಟರ್ ಗಳನ್ನು ಬಿಡುಗಡೆ ಮಾಡಿದೆ.

ಬಿಗ್ ಬಾಸ್ ನಿಂದ ಹೊರಬಂದ ನಂತರ ಜೆಕೆ ಕೈತುಂಬಾ ಅವಕಾಶಗಳಿದ್ದು ಕನ್ನಡ ಮಾತ್ರವಲ್ಲದೆ ಬಾಲಿವುಡ್ ಚಿತ್ರದಲ್ಲಿಯೂ ಅಭಿನಯ ಮಾಡುತ್ತಿದ್ದಾರೆ. 'ಪುಷ್ಪ ಐ ಹೇಟ್ ಟಿಯರ್ಸ್' ಎನ್ನುವ ಹಿಂದಿ ಸಿನಿಮಾದಲ್ಲಿ ಜಯರಾಂ ಕಾರ್ತಿಕ್ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.