ಮುಖಪುಟ

ಸಿನಿ ಸಮಾಚಾರ

ಟಾಲಿವುಡ್ ನ ಮೆಗಾ ಸ್ಟಾರ್ ಚಿರಂಜೀವಿ ಅವರಿಗೆ ಇಂದು (ಆಗಸ್ಟ್ 22) ಹುಟ್ಟುಹಬ್ಬದ ಸಂಭ್ರಮ-ಸಡಗರ. ತೆಲುಗು ಚಿತ್ರರಂಗ ಕ್ಷೇತ್ರದ ಲೆಜೆಂಡ್ ನಟ ಚಿರಂಜೀವಿ ಹುಟ್ಟುಹಬ್ಬ ಅಂದ್ರೆ ಕೇಳಬೇಕೆ. ಅಭಿಮಾನಿಗಳು ಕೇಕೆ ಹಾಕಿ, ಕುಣಿಯುತ್ತಾ ತಮ್ಮ ನೆಚ್ಚಿನ ನಟನ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾರೆ.

ಇನ್ನು ಟಾಲಿವುಡ್ ಅಂಗಳದಲ್ಲಿ ಅಭಿಮಾನಿಗಳು, ಚಿರಂಜೀವಿ ಅವರ ಹುಟ್ಟುಹಬ್ಬವನ್ನು ದೀಪಾವಳಿ ಹಬ್ಬದಂತೆ ಆಚರಿಸುತ್ತಿದ್ದಾರೆ. ಅಭಿಮಾನಿಗಳ ಈ ಸಂತಸವನ್ನು ಇಮ್ಮಡಿಗೊಳಿಸುವಂತೆ, ನಟ ಚಿರಂಜೀವಿ ಅವರು ಕೂಡ ತಮ್ಮ ಅಭಿಮಾನಿಗಳಿಗೆ, ತಮ್ಮ 150ನೇ ಹೊಸ ಚಿತ್ರದ ಮೋಷನ್ ಪೋಸ್ಟರ್ ಮತ್ತು, ಫಸ್ಟ್ ಲುಕ್ ಪೋಸ್ಟರ್ ಗಳನ್ನು ಬಿಡುಗಡೆ ಮಾಡಿ, ಉಡುಗೊರೆಯಾಗಿ ನೀಡಿದ್ದಾರೆ.[ಬಿಟೌನ್ ನಿಂದ ಟಾಲಿವುಡ್ ಗೆ ಜಿಗಿತಾರಾ ದೀಪಿಕಾ ಪಡುಕೋಣೆ?]

ತುಂಬಾ ಲಾಂಗ್ ಗ್ಯಾಪ್ ತೆಗೆದುಕೊಂಡ ನಂತರ ಮತ್ತೆ ಚಿತ್ರರಂಗದತ್ತ ಮುಖ ಮಾಡಿರುವ ನಟ ಜಿರಂಜೀವಿ ಅವರು 'ಖೈದಿ ನಂ. 150' ಚಿತ್ರದ ಮೂಲಕ ಜಬರ್ದಸ್ತ್ ಎಂಟ್ರಿ ಕೊಟ್ಟಿದ್ದಾರೆ. ಕಾಲಿವುಡ್ ನಟ ಇಳೆಯದಳಪತಿ ವಿಜಯ್ ಅವರ ತಮಿಳು ಚಿತ್ರ 'ಕತ್ತಿ' ರೀಮೇಕ್ ಆಗಿರುವ ಈ ಚಿತ್ರದ ಪೋಸ್ಟರ್ ಗಳು ಇಂದು ಬಿಡುಗಡೆ ಆಗಿವೆ.[ವಿಡಿಯೋ; ಶ್ರೀಜಾ - ಕಲ್ಯಾಣ್ ಮದುವೆ ಸಂಭ್ರಮದ ಅದ್ಭುತ ಕ್ಷಣಗಳು]

'ಖೈದಿ ನಂ.150' ಚಿತ್ರದ ಮೋಷನ್ ಪೋಸ್ಟರ್ ನಲ್ಲಿ 'ಬಾಸ್ ಇಸ್ ಬ್ಯಾಕ್' ಎಂದು ಬರೆಯಲಾಗಿದೆ. ಖಡಕ್ ಲುಕ್ ನಲ್ಲಿ ಚಿರು ಅವರು ಯಂಗ್ ಅಂಡ್ ಎನರ್ಜಿಟಿಕ್ ಆಗಿ ಕಾಣಿಸುತ್ತಿದ್ದಾರೆ. ಸುಮಾರು 52 ಸೆಕೆಂಡ್ ಇರೋ ಈ ಸ್ಪೆಷಲ್ ಟೀಸರ್ ಸಾಮಾಜಿಕ ಜಾಲತಾಣಗಳಲ್ಲಿ ಸೌಂಡ್ ಮಾಡುತ್ತಿದೆ.

ಮೆಗಾಸ್ಟಾರ್ ಚಿರು ಅವರ 150ನೇ ಸಿನಿಮಾ 'ಖೈದಿ ನಂ 150' ಚಿತ್ರಕ್ಕೆ ರಾಮ್ ಚರಣ್ ತೇಜಾ ಅವರು ಬಂಡವಾಳ ಹೂಡುತ್ತಿದ್ದು, ನಿರ್ದೇಶಕ ವಿ.ವಿ ವಿನಾಯಕ್ ಆಕ್ಷನ್-ಕಟ್ ಹೇಳುತ್ತಿದ್ದಾರೆ. ಚಿತ್ರದಲ್ಲಿ ನಟಿ ಕಾಜಲ್ ಅಗರ್ ವಾಲಾ ಅವರು ಚಿರಂಜೀವಿ ಅವರ ಜೊತೆ ಡ್ಯುಯೆಟ್ ಹಾಡುತ್ತಿದ್ದಾರೆ.['ಮೆಗಾ' ಮದುವೆ; ಅದ್ಧೂರಿಯಾಗಿ ನಡೆದ ಶ್ರೀಜಾ 'ಎರಡನೇ' ಕಲ್ಯಾಣ]

ಸದ್ಯಕ್ಕೆ ಚಿರಂಜೀವಿ ಅವರ 61ನೇ ವರ್ಷದ ಹುಟ್ಟುಹಬ್ಬ ಟ್ವಿಟ್ಟರ್ ನಲ್ಲಿ ಟ್ರೆಂಡ್ ಆಗಿದ್ದು, ಇಡೀ ದಕ್ಷಿಣ ಭಾರತದ ಚಿತ್ರರಂಗ ಕ್ಷೇತ್ರ ಚಿರಂಜೀವಿ ಅವರಿಗೆ, ಹುಟ್ಟುಹಬ್ಬಕ್ಕೆ ಶುಭಾಶಯಗಳ ಸುರಿಮಳೆ ಸುರಿಸುತ್ತಿದ್ದಾರೆ. ಸದ್ಯಕ್ಕೆ ಬಿಡುಗಡೆ ಆಗಿರುವ ಚಿತ್ರದ ಮೋಷನ್ ಪೋಸ್ಟರ್ ನೋಡಿಬಿಡಿ..