ನಟ ದರ್ಶನ್ ಹುಟ್ಟುಹಬ್ಬಕ್ಕೆ ಕ್ರಾಂತಿ ಫಸ್ಟ್ ಲುಕ್ ಪಕ್ಕಾ!

ಕ್ರಾಂತಿ ಫಸ್ಟ್ ಲುಕ್ ರಿಲೀಸ್ ದಿನಾಂಕ 16/2/2022!

ಕ್ರಾಂತಿ ಸಿನಿಮಾ ಸೆಟ್ಟೇರಿದಾಗ ಪೋಸ್ಟರ್ ಒಂದನ್ನು ರಿಲೀಸ್ ಮಾಡಲಾಗಿತ್ತು. ಅಲ್ಲಿ ದರ್ಶನ್ ಅವರ ಭಾವ ಚಿತ್ರದ ಮೇಲೆ ಅಕ್ಷರ ಮಾಲೆ ಇತ್ತು. ಈ ಪೋಸ್ಟರ್ ವಿಭೀನ್ನವಾಗಿ ಗಮನ ಸೆಳೆದಿತ್ತು. ಅದರೆ ಅದು ಚಿತ್ರದಲ್ಲಿನ ದರ್ಶನ್ ಅವರ ಲುಕ್ ಆಗಿರಲಿಲ್ಲ. ಈಗ ಕ್ರಾಂತಿ ಸಿನಿಮಾದಲ್ಲಿ ನಟ ದರ್ಸನ್ ಅವರು ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಲುಕ್ ರಿವೀಲ್ ಆಗಲಿದೆ. ಈ ಬಗ್ಗೆ ಚಿತ್ರ ತಂಡ ಅಧಿಕೃತ ಮಾಹಿತಿ ಹಂಚಿಕೊಂಡಿದೆ. ಹಾಗಾಗಿ ಅಭಿಮಾನಿ ಬಳಗದಲ್ಲಿ ಈ ಬಗ್ಗೆ ಕುತೂಹಲ ಹೆಚ್ಚಾಗಿದೆ.

ಪೋಸ್ಟರ್ ಹಂಚಿಕೊಂಡ ನಿರ್ದೇಶಕ ಹರಿಕೃಷ್ಣ!

ನಾಳೆ (16/2/2022) ನಟ ದರ್ಶನ್ ಅವರ ಹುಟ್ಟುಹಬ್ಬ ಹಾಗಾಗಿ ಕ್ರಾಂತಿ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಅಗುತ್ತಿದೆ. ಈ ಬಗ್ಗೆ ನಿರ್ದೇಶಕ ಹರಿಕೃಷ್ಣ ಅವರು ಟ್ವೀಟ್ ಮಾಡಿದ್ದಾರೆ. ಈ ಪೋಸ್ಟರ್ ಹಂಚಿಕೊಂಡ ಅವರು, ನಮಸ್ಕಾರದ ಚಿಹ್ನೆಯನ್ನು ಹಾಕಿಕೊಂಡಿದ್ದಾರೆ. ಇನ್ನು ಇದೇ ಪೋಸ್ಟನ್ನು ನಿರ್ಮಾಪಕಿ ಶೈಲಜಾ ನಾಗ್ ಅವರು ಕೂಡ ಹಂಚಿಕೊಂಡಿದ್ದಾರೆ. "ಮೀಡಿಯಾ ಹೌಸ್‌ನ 10ನೆ ಸಿನಿಮಾ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಕ್ರಾಂತಿ ಚಿತ್ರದ ಫಸ್ಟ್ ಲುಕ್ 16.2.2022 ರಂದು ಬೆಳಗ್ಗೆ 10 ಗಂಟೆಗೆ ಡಿ ಬೀಟ್ಸ್ ಯುಟ್ಯೂಬ್ ಚಾನೆಲ್‌ನಲ್ಲಿ ರಿಲೀಸ್ ಆಗಲಿದೆ." ಎಂದು ಬರೆದುಕೊಂಡಿದ್ದಾರೆ.

ಬರ್ತ್ ಡೆ ಡಿಪಿ ಮೂಲಕ ದರ್ಶನ್ ದಾಖಲೆ!

ಹುಟ್ಟುಹಬ್ಬಕ್ಕೆ ನಾಲ್ಕು ದಿನ ಮೊದಲೇ ಕಾಮನ್ ಡಿಪಿ ರಿಲೀಸ್ ಆಗಿದೆ. ಮೊದಲ ಎರಡು ದಿನ ಈ ಡಿಪಿ ಟ್ಟಿಟ್ಟರ್‌ನಲ್ಲಿ ಟ್ರೆಂಡಿಂಗ್‌ನಲ್ಲಿ ಇತ್ತು. ದರ್ಶನ್ ಅಭಿಮಾನಿಗಳು ಡಿಪಿಯನ್ನು ಪೋಸ್ಟ್ ಮಾಡುತ್ತಾ, ಟ್ರೆಂಡ್ ಹುಟ್ಟು ಹಾಕಿದ್ದರು. ಎರಡು ದಿನಗಳ ಬಳಿಕ ಒಟ್ಟಾರೆ ಅಂಕಿ ಅಂಶ ನೋಡಿದರೆ. ದರ್ಶನ್ ಅವರ ಈ ಬಾರಿಯ ಕಾಮನ್ ಡಿಪಿ, 4 ಮಿಲಿಯನ್ ಟ್ವೀಟ್ ಗಡಿ ಮುಟ್ಟಿದೆ. ಒಂದು ಮೂಲದ ಪ್ರಕಾರ ಈ ಮಟ್ಟಿನ ದಾಖಲೆ ಮಾಡಿದ ಮೊದಲ ಹುಟ್ಟುಹಬ್ಬದ ಕಾಮನ್ ಡಿಪಿ ಇದಾಗಿದೆ. ಈ ಮೂಲಕ ದರ್ಶನ್ ಅಭಿಮಾನಿ ಬಳಗ ದಾಸನ ಹುಟ್ಟುಹಬ್ಬಕ್ಕೆ ದೊಡ್ಡ ಗಿಫ್ಟ್ ಕೊಟ್ಟಿದೆ.

ಅದ್ದೂರಿ ಆಚರಣೆಗೆ ದರ್ಶನ್ ಬ್ರೇಕ್!

ಸದ್ಯ ಎಲ್ಲೆಡೆ ಕೊರೊನಾ ಹಾವಳಿ ಹೆಚ್ಚಾಗಿದೆ. ಹಾಗಾಗಿ ಈ ಬಾರಿಯೂ ದರ್ಶನ್‌ ಅವರು ತಮ್ಮ ಅಭಿಮಾನಿಗಳೊಂದಿಗೆ, ಅದ್ದೂರಿಯಾಗಿ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುವುದು ಅನುಮಾನ. ಪ್ರತೀ ಬಾರಿಯಂತೆ ಬೇರೆ, ಬೇರೆ ಊರುಗಳಿಂದ ಜನ ದರ್ಶನ್ ಅವರ ಮನೆ ಮುಂದೆ ಸೇರುವಂತೆ ಇಲ್ಲ. ಅದರಲ್ಲೂ ಸಂಪೂರ್ಣ ಲಾಕ್‌ ಡೌನ್‌ ಆದರೆ, ಎಲ್ಲರೂ ಸಾಮಾಜಿಕ ಜಾಲತಾಣದ ಮೂಲಕವೇ ದರ್ಶನ್‌ ಅವರಿಗೆ ಶುಭಾಷಯ ತಿಳಿಸ ಬೇಕಾಗುತ್ತದೆ.