ಡಾಕ್ಟರ್ ಆದ್ರು ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್.!

ಡಾಕ್ಟರ್ ಆದ್ರು ಸುದೀಪ್

ಕಾಲೇಜ್ ಬಾಯ್, ಪೊಲೀಸ್ ಆಫೀಸರ್, ಬಿಜಿನೆಸ್ ಮ್ಯಾನ್ ಹೀಗೆ ಹಲವು ಪಾತ್ರದಲ್ಲಿ ಸುದೀಪ್ ಅವರು ನಿಮ್ಮನ್ನೆಲ್ಲಾ ತೆರೆಯ ಮೇಲೆ ರಂಜಿಸಿದ್ದಾರೆ. ಆದರೆ ವೈದ್ಯರಾಗಿ ಇದೇ ಮೊದಲ ಬಾರಿಗೆ ತಮ್ಮ ಅಭಿಮಾನಿಗಳನ್ನು ರಂಜಿಸಲಿದ್ದಾರೆ.

ಯಾವ ಚಿತ್ರದಲ್ಲಿ.?

ನಟಿ ರಾಗಿಣಿ ದ್ವಿವೇದಿ ಮತ್ತು ದ್ರುವ ಶರ್ಮಾ ಅವರು ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ 'ಕಿಚ್ಚು' ಚಿತ್ರದಲ್ಲಿ ನಟ ಸುದೀಪ್ ಅವರು ವೈದ್ಯರ ಪಾತ್ರ ವಹಿಸಿದ್ದಾರೆ.

ಅತಿಥಿ ಪಾತ್ರ

ಸುದೀಪ್ ಹಾಗೂ ನಟ ದ್ರುವ ಅವರು ಸಿಸಿಎಲ್ ಮ್ಯಾಚ್ ನಿಂದಾಗಿ ಅತ್ಯುತ್ತಮ ಸ್ನೇಹಿತರಾಗಿದ್ದಾರೆ. ಆದ್ದರಿಂದ ಸ್ನೇಹಿತ ದ್ರುವ ಅವರಿಗೋಸ್ಕರ 'ಕಿಚ್ಚು' ಚಿತ್ರದಲ್ಲಿ ಸುದೀಪ್ ಅವರು ಡಾಕ್ಟರ್ ಆಗಿ ಅತಿಥಿ ಪಾತ್ರ ವಹಿಸಿದ್ದಾರೆ.

'ಹೆಬ್ಬುಲಿ' ಶೂಟಿಂಗ್ ನಲ್ಲಿ ಬಿಜಿ

ಕಿಚ್ಚ ಸುದೀಪ್ ಅವರು 'ಹೆಬ್ಬುಲಿ' ಚಿತ್ರದ ಶೂಟಿಂಗ್ ನಲ್ಲಿ ಬಿಜಿಯಾಗಿದ್ದರೂ ಕೂಡ ಆತ್ಮೀಯ ಗೆಳೆಯನಿಗೋಸ್ಕರ, ಹಾಗೂ ಚಿತ್ರತಂಡದ ಜೊತೆಗಿನ ಆತ್ಮೀಯ ಬಂಧದಿಂದ, ಬಿಡುವು ಮಾಡಿಕೊಂಡು ಈ ಚಿತ್ರದಲ್ಲಿ ಅತಿಥಿ ಪಾತ್ರ ಮಾಡಿದ್ದಾರೆ.

ಕೂಲಿ ಮಾಡಲಿರುವ ರಾಗಿಣಿ

'ಕಿಚ್ಚು' ಚಿತ್ರದಲ್ಲಿ ನಟಿ ರಾಗಿಣಿ ದ್ವಿವೇದಿ ಅವರು ಕಾಫಿ ತೋಟದಲ್ಲಿ ದುಡಿಯುವ ಕೂಲಿ ಕೆಲಸದಾಳು ಪಾತ್ರ ವಹಿಸಲಿದ್ದಾರೆ. ಆದ್ದರಿಂದ ನಿಮಗೆ ಬೇಕು ಅಂದ್ರೂ ರಾಗಿಣಿ ಅವರು ಈ ಚಿತ್ರದಲ್ಲಿ ಗ್ಲಾಮರ್ ಅವತಾರ ತಾಳೋದಿಲ್ಲ. ಪ್ರದೀಪ್ ರಾಜ್ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದಲ್ಲಿ ನಟ ದ್ರುವ ಅವರು ವಾಕ್ ಮತ್ತು ಶ್ರವಣ ದೋಷ ಇರೋ ಪಾತ್ರ ವಹಿಸಿದ್ದಾರೆ. ಜೊತೆಗೆ ನಟಿ ರಾಗಿಣಿ ಅವರು ಕೂಡ ಈ ಚಿತ್ರಕ್ಕಾಗಿ ಸಂಕೇತ ಭಾಷೆಯನ್ನು ಕಲಿತುಕೊಂಡಿದ್ದಾರೆ.