ದಾಂಪತ್ಯ ಜೀವನಕ್ಕೆ ಕಾಲಿಡಲು ಅಣಿಯಾದ ಮತ್ತೊಬ್ಬ ಕನ್ನಡದ ನಟ

ಮದುವೆ ಆಗಲು ಅಣಿಯಾದ ನಟ

ಹರ್ಷಿಕಾ ಪೂಣಚ್ಚ ಜೊತೆಯಲ್ಲಿ 'ಅಲೆ' ಸಿನಿಮಾ ಮೂಲಕ ಚಂದನವನದಲ್ಲಿ ನಾಯಕನಾಗಿ ಪರಿಚಯವಾದ ತನುಷ್ ಶಿವಣ್ಣ ಅವರ ನಿಶ್ಚಿತಾರ್ಥ ಸಮಾರಂಭ ನಿನ್ನೆ ನಡೆದಿದೆ.

ಟೀಚರ್ ಕೈ ಹಿಡಿಯಲಿರುವ ನಟ

ಬೆಂಗಳೂರು ನಿವಾಸಿ ಆಗಿರುವ ಇಂಚರಾ ಅವರನ್ನು ನಟ ತನುಷ್ ಮದುವೆ ಆಗಲಿದ್ದಾರೆ. ಗುರು-ಹಿರಿಯರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ನಡೆದಿದೆ. ಏರ್ಪಿಲ್ 20 ರಂದು ತನುಷ್ ಹಾಗೂ ಇಂಚರಾ ಸಪ್ತಪದಿ ತುಳಿಯಲಿದ್ದಾರೆ.

ಇಂಚರಾ ವೃತ್ತಿಯಲ್ಲಿ ಟೀಚರ್

ಇಂಚರಾ ಎಂ ಕಾಂ ವಿದ್ಯಾಭ್ಯಾಸವನ್ನ ಮುಗಿಸಿದ್ದು ತಾನು ಓದಿದ ಶಾಲೆಯಲ್ಲೇ ಮಕ್ಕಳಿಗೆ ಟೀಚರ್ ಆಗಿ ಪಾಠ ಹೇಳುತ್ತಿದ್ದಾರೆ. ನೆಲಮಂಗಲ ಬಳಿ ಇರುವ ತಸ್ರುಘಟ್ಟದಲ್ಲಿ ಇಂಚರಾ ಹಾಗೂ ಅವರ ತಂದೆ ತಾಯಿ ವಾಸವಿದ್ದಾರೆ.

ತೆರೆಗೆ ಬರಲು ಸಿದ್ದವಾಗಿರುವ ಸಿನಿಮಾ

ಅಲೆ ಸಿನಿಮಾ ಮೂಲಕ ಚಿತ್ರರಂಗದ ಪ್ರಯಾಣವನ್ನ ಆರಂಭಿಸಿದ ತನುಷ್ ನಂತರ 'ಮಡಮಕ್ಕಿ' ಚಿತ್ರದಲ್ಲಿ ನಾಯಕನಾಗಿ ಕಾಣಿಸಿಕೊಂಡಿದ್ದರು. ಸದ್ಯ ಶ್ರಾವ್ಯ ಹಾಗೂ ತನುಷ್ ಅಭಿನಯದ ನಂಜುಂಡಿ ಕಲ್ಯಾಣ ಸಿನಿಮಾ ತೆರೆಗೆ ಬರುವುದಕ್ಕೆ ಸಿದ್ದವಾಗಿದೆ.