ನಟ ಯೋಗೀಶ್ ಸಂಜಯ್ ಗಾಂಧಿ ಆಸ್ಪತ್ರೆಗೆ ದಾಖಲು

ಲೂಸ್ ಮಾದ ಯೋಗೀಶ್ ಅವರು 'ಡಾರ್ಲಿಂಗ್' ಚಿತ್ರೀಕರಣ ವೇಳೆ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಬುಧವಾರ (ನ.13) ಬೆಂಗಳೂರಿನ ಕೆ.ಆರ್.ಮಾರ್ಕೆಟ್ ಬಳಿ ನಡೆಯುತ್ತಿದ್ದ ಸಾಹಸ ಚಿತ್ರೀಕರಣ ವೇಳೆ ಯೋಗಿ ಗಾಯಗೊಂಡಿದ್ದಾರೆ.

ಕೂಡಲೆ ಅವರನ್ನು ಚಿಕಿತ್ಸೆಗಾಗಿ ಜಯನಗರದ ಸಂಜಯ್ ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯೋಗೀಶ್ ಅವರ ಎರಡೂ ಕಾಲುಗಳಿಗೆ ಗಂಭೀರ ಗಾಯಗಳಾಗಿದ್ದು ವೈದ್ಯರು ಒಂದು ವಾರ ವಿಶ್ರಾಂತಿ ಪಡೆಯುವಂತೆ ಸೂಚಿಸಿದ್ದಾರೆ.

ಡಾರ್ಲಿಂಗ್

ಬೆಂಗಳೂರಿನಲ್ಲಿ ನಡೆಯುವ ಪ್ರೇಮಕಥೆ 'ಡಾರ್ಲಿಂಗ್‌' ಚಿತ್ರದ ವಸ್ತು. ಚಿತ್ರದಲ್ಲಿ ಲವ್, ಆಕ್ಷನ್ ಹಾಗೂ ಕಾಮಿಡಿಗೆ ಹೆಚ್ಚಿನ ಪ್ರಾಧಾನ್ಯತೆ ನೀಡಲಾಗಿದೆ. ಚಿತ್ರದಲ್ಲಿ ಯೋಗಿ ಅವರದು ಟ್ಯಾಟು ಸ್ಪೆಷಲಿಸ್ಟ್ ಪಾತ್ರ. ಅವನ ನಿಜವಾದ 'ಡಾರ್ಲಿಂಗ್' ಯಾರು ಎಂಬ ಪ್ರಶ್ನೆಗೆ ಕ್ಲೈಮ್ಯಾಕ್ಸ್ ನಲ್ಲಿ ಉತ್ತರ ಸಿಗುತ್ತದಂತೆ.

ಈ ಚಿತ್ರಕ್ಕೆ ನಾಯಕಿಯಾಗಿ ಮಲಯಾಳಂನ ಮುಕ್ತಾ (ಭಾನು) ಅಭಿನಯಿಸುತ್ತಿದ್ದಾರೆ. ಸಾಮಿ ಅಸೋಸಿಯೇಟ್ಸ್ ಲಾಂಛನದಲ್ಲಿ ಟಿಪಿ ಸಿದ್ಧರಾಜು ನಿರ್ಮಿಸುತ್ತಿರುವ ಚಿತ್ರವಿದು. ಅರ್ಜುನ್ ಜನ್ಯ ಸಂಗೀತ, ಮಂಜುನಾಥ್ ನಾಯಕ ಹಾಗೂ ಟಿಪಿ ಸಿದ್ಧರಾಜು ಛಾಯಾಗ್ರಹಣ ಇದೆ. (ಒನ್ಇಂಡಿಯಾ ಕನ್ನಡ)