ಹಸೆಮಣೆ ಏರಿದ ಖ್ಯಾತ ನಟಿ 'ಜಾಕಿ' ಭಾವನಾ

ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಜಾಕಿ ಭಾವನಾ

ಕನ್ನಡ ಸಿನಿಮಾರಂಗದಲ್ಲಿ ಜಾಕಿ, ಬಚ್ಚನ್, ರೋಮಿಯೋ, ವಿಷ್ಣುವರ್ಧನ ಸಿನಿಮಾ ಮೂಲಕ ಕನ್ನಡ ಸಿನಿ ರಸಿಕರ ಮನಸ್ಸಿಗೆ ಹತ್ತಿರವಾಗಿದ್ದ ನಟಿ ಭಾವನಾ ಅವರ ಮದುವೆ ಇಂದು ಕೇರಳದಲ್ಲಿ ನಡೆದಿದೆ. ಬೆಳ್ಳಿಗ್ಗೆ 9 ಗಂಟೆಯಲ್ಲಿ ನವೀನ್ ಹಾಗೂ ಭಾವನಾ ಸಪ್ತಪದಿ ತುಳಿದಿದ್ದಾರೆ.

ಶ್ರೀಕೃಷ್ಣನ ಸನ್ನಿಧಾನದಲ್ಲಿ ಸರಳ ವಿವಾಹ

ಕೇರಳದ ತಿರುವಂಬಾಡಿ ಶ್ರೀಕೃಷ್ಣನ ದೇವಾಲಯದಲ್ಲಿ ಭಾವನಾ ಮತ್ತು ನವೀನ್ ಮದುವೆ ನಡೆದಿದೆ. ಇಬ್ಬರು ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದು ಸರಳ ವಿವಾಹವಾಗಿ ತಮ್ಮ ಅಭಿಮಾನಿಗಳಿಗೆ ಮಾದರಿ ಆಗಿದ್ದಾರೆ.

ಚಿನ್ನದ ಬಣ್ಣದ ರೇಷ್ಮೆ ಸೀರೆಯಲ್ಲಿ ಭಾವನಾ

ಮದುವೆಯ ಮಹೂರ್ತದಲ್ಲಿ ನಟಿ ಭಾವನಾ ರೇಷ್ಮೆ ಬಣ್ಣದ ಸೀರೆಯಲ್ಲಿ ಕಂಗೊಳಿಸಿದ್ದಾರೆ. ಕೃಷ್ಣನ ಎಂಬ್ರಾಯಿಡರಿ ಇರುವ ಸೀರೆಯಲ್ಲಿ ಭಾವನಾ ಮಿಂಚಿದ್ರೆ ನವೀನ್ ಬಿಳಿ ಪಂಚೆ ಶಲ್ಯ ಹಾಕಿ ಮದುಮಗನಾಗಿದ್ದರು.

ಭಾವನಾ-ನವೀನ್ ಕುಟುಂಬಸ್ಥರಿಗೆ ಆಹ್ವಾನ

ಭಾವನಾ ಹಾಗೂ ನವೀನ್ ಮದುವೆಯಲ್ಲಿ ಕೇವಲ ಸಂಬಂಧಿಕರು ಮಾತ್ರ ಭಾಗಿಯಾಗಿದ್ದಾರೆ. ಸಿನಿಮಾರಂಗದಲ್ಲಿ ತುಂಬಾ ಆಪ್ತರನ್ನ ಮದುವೆ ಮಹೂರ್ತಕ್ಕೆ ಆಹ್ವಾನ ಮಾಡಲಾಗಿದೆ. ಅಭಿಮಾನಿಗಳಿಗೆ ಮತ್ತು ಚಿತ್ರರಂದ ಗಣ್ಯರಿಗಾಗಿ ಫೆಬ್ರವರಿ 4ರಂದು ಅದ್ಧೂರಿ ಆರತಕ್ಷತೆ ಮಾಡಿಕೊಳ್ಳಲಿದ್ದಾರೆ ನವೀನ್ ಮತ್ತು ಭಾವನಾ.