ಬೆಂಗಳೂರಿಗೆ ಬರಲು ಹಾತೊರೆಯುತ್ತಿದ್ದಾರೆ ನಟಿ ಪ್ರಿಯಾಮಣಿ

ಬೆಂಗಳೂರು ಪ್ರಿಯಾಮಣಿ ತವರು

ನಟಿ ಪ್ರಿಯಾಮಣಿ ತವರು ಬೆಂಗಳೂರು. ಈ ನಗರದ ಮೇಲೆ ಅವರಿಗೆ ವಿಶೇಷ ಪ್ರೀತಿ. ಬೆಂಗಳೂರಿಗೆ ಬರಲು ಪ್ರಿಯಾಮಣಿ ಹಾತೊರೆಯುತ್ತಿದ್ದಾರಂತೆ. ಲಾಕ್‌ಡೌನ್ ಮುಗಿದ ಕೂಡಲೇ ಮೊದಲು ಬೆಂಗಳೂರಿಗೆ ಬರುತ್ತೇನೆ ಎಂದಿದ್ದಾರೆ ಪ್ರಿಯಾಮಣಿ.

ಮದುವೆಯಾದ ಮೇಲೆ ಮುಂಬೈ ಸೇರಿರುವ ಪ್ರಿಯಾಮಣಿ

ಉದ್ಯಮಿ ಮುಸ್ತಾಫಾ ರಾಜ್ ಅವರನ್ನು ಮದುವೆಯಾದ ಮೇಲೆ ಮುಂಬೈ ಸೇರಿಬಿಟ್ಟಿರುವ ಪ್ರಿಯಾಮಣಿ, ಆಗಾಗ್ಗೆ ಶೂಟಿಂಗ್‌ ಗೆ ಮಾತ್ರವೇ ಬೆಂಗಳೂರಿಗೆ ಬರುತ್ತಿದ್ದರು. ಬೆಂಗಳೂರಿಗೆ ಬಂದು ಮೂರು ತಿಂಗಳಾಗಿದೆಯಂತೆ. ಪ್ರಿಯಾಮಣಿ ಅಪ್ಪ-ಅಮ್ಮ ಬೆಂಗಳೂರಿನಲ್ಲಿಯೇ ಇದ್ದಾರೆ.

ಪ್ರಿಯಾಮಣಿ ಇರುವ ಏರಿಯಾ ಸೀಲ್‌ಡೌನ್

ಪ್ರಸ್ತುತ ಮುಂಬೈನಲ್ಲಿ ಪ್ರಿಯಾಮಣಿ ಇರುವ ಏರಿಯಾ ಪೂರ್ಣ ಸೀಲ್‌ಡೌನ್ ಆಗಿದೆಯಂತೆ. ದಿನಸಿಗಾಗಿ ಮಾತ್ರವೇ ಹೊರಗೆ ಹೋಗುತ್ತಿದ್ದೇವೆ. ಮನೆಯಲ್ಲಿ ಅತ್ತೆ ಅಡುಗೆ ಮಾಡುತ್ತಾರೆ, ಉಳಿದ ನಾವೆಲ್ಲರೂ ಮನೆಗೆಲಸವನ್ನು ಹಂಚಿಕೊಂಡು ಮಾಡುತ್ತೇವೆ. ಮನೆ ಬಿಟ್ಟರೆ ಎಲ್ಲೂ ಹೊರಗೆ ಹೋಗುತ್ತಿಲ್ಲ ಎಂದಿದ್ದಾರೆ ಪ್ರಿಯಾಮಣಿ.

ಅಸುರನ್ ಸಿನಿಮಾದ ರೀಮೇಕ್‌ನಲ್ಲಿ ನಟಿಸುತ್ತಿದ್ದಾರೆ

ಪ್ರಿಯಾಮಣಿ ಕೈಯಲ್ಲಿ ಎರಡು ತೆಲುಗು ಸಿನಿಮಾಗಳಿವೆ. ಅಸುರಸ್ ಸಿನಿಮಾದ ತೆಲುಗು ರೀಮೇಕ್‌ನಲ್ಲಿ ಪ್ರಿಯಾಮಣಿ ನಟಿಸುತ್ತಿದ್ದಾರೆ. ರಾಣಾದಗ್ಗುಬಾಟಿ ನಟನೆಯ ಸಿನಿಮಾದಲ್ಲೂ ಪಾತ್ರ ನಿರ್ವಹಿಸುತ್ತಿದ್ದಾರೆ. ಕನ್ನಡದಲ್ಲಿ ಪ್ರಿಯಾಮಣಿ ಅಭಿನಯದ ಡಾಕ್ಟರ್ 56 ಸಿನಿಮಾ ಬಿಡುಗಡೆ ಆಗಬೇಕಿದೆ. ಇದರ ಜೊತೆಗೆ ಹಲವು ರಿಯಾಲಿಟಿ ಶೋಗಳ ಜಡ್ಜ್ ಸಹ ಆಗಿದ್ದಾರೆ.