ಫೋಟೊ ತೆಗೆಸಿಕೊಳ್ಳಲು ಇಷ್ಟೆಲ್ಲ ಕಷ್ಟಪಟ್ಟರಂತೆ ಮೋಹಕತಾರೆ ರಮ್ಯಾ

ಒಂದು ವರ್ಷದ ಹಿಂದೆ ಪೋಸ್ಟ್

'ನನ್ನ ಕಳೆದ ಪೋಸ್ಟ್ ಹಾಕಿದ್ದ ನಂತರ ಒಂದು ವರ್ಷಕ್ಕೂ ಸ್ವಲ್ಪ ಹೆಚ್ಚು ಸಮಯ ಕಳೆದಿದೆ. ಮರಗಳು, ಹಕ್ಕಿಗಳು, ಪುಸ್ತಕಗಳು ಮತ್ತು ನನ್ನ ನಾಯಿಗಳ ಫೋಟೊಗಳ ಮೂಲಕ ನಿಧಾನವಾಗಿ ಸಾಮಾಜಿಕ ಜಾಲತಾಣದಲ್ಲಿ ತೊಡಗಿಕೊಳ್ಳಲು ಶುರುಮಾಡಿದ್ದೆ' ಎಂದು ರಮ್ಯಾ ಹೇಳಿದ್ದಾರೆ.

ಏಲಿಯನ್ ರೀತಿ ಅನಿಸಿತು

'ತುಂಬಾ ಸಮಯದಿಂದ ನಿಮ್ಮನ್ನು ನೋಡಿಲ್ಲ. ಒಂದು ಸೆಲ್ಫಿ ಪೋಸ್ಟ್ ಮಾಡಿ ಎಂದು ಮನವಿಗಳ ಪ್ರವಾಹವೇ ಬಂದಿತ್ತು. ಯಾಕಾಗಬಾರದು ಎಂದು ಯೋಚಿಸಿದೆ. ಆದರೆ ತೀರಾ ಹೀನಾಯವಾಗಿ ವಿಫಲಳಾದೆ. ಕ್ಯಾಮೆರಾ ಮುಂದೆ ನಿಂತು ಪೋಸ್‌ ಕೊಡುವುದು ನನಗೆ ಏಲಿಯನ್ ರೀತಿ ಅನಿಸಿತು.

ಒಬ್ಬಳಿಗೇ ಸಾಧ್ಯವಾಗಲಿಲ್ಲ

ಕೆಲವು ಪ್ರಯತ್ನಗಳ ನಂತರ ಬಿಟ್ಟುಬಿಟ್ಟೆ. ಸೆಲ್ಫಿಯಲ್ಲಿ ನನ್ನ ನಾಯಿಗಳನ್ನೂ ಸೇರಿಸಿಕೊಳ್ಳಲು ಪ್ರಯತ್ನಿಸಿದೆ. ಏಕೆಂದರೆ ನಾನೊಬ್ಬಳೇ ಸೆಲ್ಫಿ ತೆಗೆದುಕೊಳ್ಳಲು ಕಷ್ಟ ಮತ್ತು ಕಿರಿಕಿರಿಯೆನಿಸಿತು. ಈ ಕಷ್ಟವನ್ನು ಅರಿತುಕೊಂಡು ಶಮನ ಮಾಡಲು ಪ್ರಯತ್ನಿಸುತ್ತಿದ್ದೇನೆ.

ಇನ್ನೂ ಚೆನ್ನಾಗಿದ್ದೇನೆ...

ಹೀಗಾಗಿ ನನ್ನ ಹಿಂದಿನ ಕೆಲವು ಸೆಲ್ಫಿಗಳನ್ನು ಪೋಸ್ಟ್ ಮಾಡಲು ನಿರ್ಧರಿಸಿದೆ. ನನ್ನ ಫೋನ್‌ನಲ್ಲಿರುವ ಸೆಲ್ಫಿಗಳು ಹೀಗೆ ಕಾಣಿಸುತ್ತಿವೆ. ಇದು ವಿಶ್ರಾಂತಿಯಲ್ಲಿರುವ ನನ್ನ ಮುಖ ಎಂದು ನಾನು ಖಚಿತಪಡಿಸಬಲ್ಲೆ. ಗಮನಿಸಿ, ಈ ಚಿತ್ರಗಳು ಫೋಟೊಶಾಪ್ ಮಾಡಿರುವುದಲ್ಲ. ಕೆಲವನ್ನು ಕ್ರಾಪ್ ಮಾಡಿರಬಹುದು. ಹಾಗೆಯೇ ದಯವಿಟ್ಟು ಗಮನಿಸಿ, ಈ ಫೋಟೊಗಳಿಗಿಂತಲೂ ನಾನು ಚೆನ್ನಾಗಿದ್ದೇನೆ ಎಂದು ರಮ್ಯಾ ಹೇಳಿದ್ದಾರೆ.