ಶಕೀಲಾ ಚಿತ್ರದಲ್ಲಿ ನಟ ಸಂತೋಷ್ ಗೆ ಮಸ್ತ್ ಚಾನ್ಸ್

'ಬಿಗ್ ಬಾಸ್ ಕನ್ನಡ 2' ಮನೆಯಿಂದ ಹೊರಬಿದ್ದ ಮೇಲೆ ನಟ ಸಂತೋಷ್ ಅವರಿಗೆ ಅದೃಷ್ಟ ಕೈಹಿಡಿದೆ. ಮನೆಯಲ್ಲಿ ಇದ್ದಷ್ಟು ದಿನವೂ ದೀಪಿಕಾ ಕಾಮಯ್ಯ ಹಿಂದೆಯೇ ಸುತ್ತುತ್ತಿದ್ದ ಸಂತೋಷ್ ರೊಮ್ಯಾಂಟಿಕ್ ಸ್ಟಾರ್ ಎನ್ನಿಸಿಕೊಂಡಿದ್ದರು.

ಇದೀಗ ಅವರು ಬಿಗ್ ಬಾಸ್ ಮನೆಯಲ್ಲಿ ಸ್ವಲ್ಪ ಸಮಯ ಇದ್ದ ಶಕೀಲಾ ಅವರ ಚಿತ್ರದಲ್ಲಿ ಭರ್ಜರಿ ಚಾನ್ಸ್ ಗಿಟ್ಟಿಸಿದ್ದಾರೆ. ಶಕೀಲಾ ಅವರು ಆಕ್ಷನ್ ಕಟ್ ಹೇಳುತ್ತಿರುವ ಚಿತ್ರದಲ್ಲಿ ಸಂತೋಷ ಅವರಿಗೆ ಚಾನ್ಸ್ ಕೊಟ್ಟಿದ್ದಾರೆ ಶಕೀಲಾ ಆಂಟಿ.

ಶಕೀಲಾ ಹಾಗೂ ಸಂತೋಷ್ ಇಬ್ಬರೂ ಬಿಗ್ ಬಾಸ್ ಮನೆಯಲ್ಲಿದ್ದಾಗ ಒಬ್ಬರನ್ನೊಬ್ಬರು ತುಂಬಾ ಹತ್ತಿರದಿಂದ ನೋಡಿಕೊಳ್ಳುವ ಅವಕಾಶ ಸಿಕ್ಕಿತು. ಆಗಲೇ ಶಕೀಲಾ ತಮ್ಮ ಚಿತ್ರದ ನಾಯಕ ಸಂತೋಷ್ ಎಂದುಕೊಂಡಿದ್ದರಂತೆ. ಸಂತೋಷ್ ಗೆ 'ಮಠ' ಗುರುಪ್ರಸಾದ್ ಅವರು ಚಾನ್ಸ್ ಕೊಡುವ ಸಾಧ್ಯತೆಗಳಿವೆ ಎನ್ನಲಾಗಿದೆ.

ಅಂದಹಾಗೆ ಶಕೀಲಾ ಅವರು 'ಬಿ' ಗ್ರೇಡ್ ಚಿತ್ರಗಳಿಗೆ ಹೆಸರಾದವರು. ಬಳಿಕ ಅವರು ಪೋಷಕ ಪಾತ್ರಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಇನ್ನು ಸಂತೋಷ್ ಅವರಿಗೆ ಯಾವ ರೀತಿಯ ಪಾತ್ರ ಕೊಡುತ್ತಾರೆ ಎಂಬುದು ಕಾದು ನೋಡಬೇಕು. (ಫಿಲ್ಮಿಬೀಟ್ ಕನ್ನಡ)