Click it and Unblock the Notifications
ಐಶ್ವರ್ಯಾ ರೈ ಮಗಳ ಜೊತೆ ಮಂಗ್ಳೂರಿಗೆ ಬಂದೋದ್ರು!
ಬಾಲಿವುಡ್ ನಟಿ, ಕುಡ್ಲದ ಪೊಣ್ಣು (ಮಂಗಳೂರಿನ ಹುಡುಗಿ) ಐಶ್ವರ್ಯಾ ರೈ ಪುತ್ರಿ ಆರಾಧ್ಯ ಜೊತೆ ಸದ್ದಿಲ್ಲದೆ ಮಂಗಳೂರಿಗೆ ಬಂದು ಮುಂಬೈಗೆ ವಾಪಾಸಾಗಿದ್ದಾರೆ. ಸೋದರತ್ತೆಯ ಮೊಮ್ಮಗಳ ಸೀಮಂತ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ತಂದೆ ಕೃಷ್ಣರಾಜ ರೈ ಹಾಗೂ ವೃಂದಾ ರೈ ಜೊತೆ ಐಶು ಮಂಗಳೂರಿಗೆ ಆಗಮಿಸಿದ್ದರು.
ನವೆಂಬರ್ 9ಕ್ಕೆ ಮಧ್ಯಾಹ್ನ 12 ಗಂಟೆಗೆ ಆಗಮಿಸಿದ ಅವರು ಸಂಜೆ ಮುಂಬೈಗೆ ವಾಪಾಸಾಗಿದ್ದಾರೆ. ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಐಶ್ವರ್ಯಾ ರೈ ಅಲ್ಲಿಂದ ನೇರವಾಗಿ ಮಂಗಳೂರಿನ ನವಭಾರತ್ ಸರ್ಕಲ್ ನಲ್ಲಿರುವ ಓಷಿಯನ್ ಪರ್ಲ್ ಹೋಟೆಲ್ ಗೆ ತೆರಳಿ ಕೆಲಕಾಲ ವಿಶ್ರಾಂತಿ ಪಡೆದಿದ್ದಾರೆ.
ನ.16ಕ್ಕೆ ಆರಾಧ್ಯ ಬರ್ತ್ ಡೇ: ಇದೇ ನವೆಂಬರ್ 16ರಂದು ಐಶ್ವರ್ಯಾ ರೈ-ಅಭಿಷೇಕ್ ಬಚ್ಚನ್ ಪುತ್ರಿ ಆರಾಧ್ಯಾಗೆ ಮೂರು ವರ್ಷ ತುಂಬುತ್ತಿದೆ. ಇವೆಲ್ಲದರ ನಡುವೆ ಕುಟುಂಬದ ಶುಭ ಕಾರ್ಯದಲ್ಲಿ ಪಾಲ್ಗೊಂಡಿದ್ದು ವಿಶೇಷವಾಗಿತ್ತು. [ಹದಿನಾರರ ಪ್ರಾಯಕ್ಕೆ ಐಶ್ವರ್ಯಾ ರೈ ರೀ ಎಂಟ್ರಿ]
ಸೆಲೆಬ್ರಿಟಿ ಎಂಬ ಹಮ್ಮಿಲ್ಲ: ಮಂಗಳೂರಿಗೆ ಆಗಮಿಸಿದ ಐಶ್ವರ್ಯಾ ರೈಗೆ ಸೆಲೆಬ್ರಿಟಿ ಎಂಬ ಹಮ್ಮಿರಲಿಲ್ಲ. ಐಶೂ ಎಲ್ಲರ ಜೊತೆಗೆ ಮನೆ ಮಗಳಂತೆ ಬೆರೆತರು. ಕಾರ್ಯಕ್ರಮಕ್ಕೆ ಆಗಮಿಸಿದ್ದ ಮಕ್ಕಳು ಆರಾಧ್ಯಾಳ ಜೊತೆ ಗ್ರೂಪ್ ಫೋಟೋ ತೆಗೆಸಿಕೊಂಡರು. ಮಗಳ ಜೊತೆ ಐಶ್ವರ್ಯಗೆ ಇದು ಮೊದಲ ಮಂಗಳೂರು ಭೇಟಿಯಾಗಿತ್ತು.
ಇದಕ್ಕೂ ಮುನ್ನ ಅಭಿಷೇಕ್ ಬಚ್ಚನ್ ಜೊತೆ ತನ್ನ ತಂದೆಯ ಬರ್ತ್ ಡೇಗೆ ಬಂದಿದ್ದರು. ಆದರೆ ಐಶ್ವರ್ಯಾ ರೈ ಆಗಮನದ ಬಗ್ಗೆ ಮಂಗಳೂರಿನ ಪೊಲೀಸರಿಗೆ ಹಾಗೂ ಮಾಧ್ಯಮಗಳಿಗೆ ಯಾವುದೇ ಮಾಹಿತಿ ಇರಲಿಲ್ಲ. (ಕೃಪೆ: ಪಬ್ಲಿಕ್ ಟಿವಿ)
Continue with Google