ಅಪ್ಪ-ಅಮ್ಮನಂತೆ ಸಿನಿಲೋಕಕ್ಕೆ ಕಾಲಿಟ್ಟ ಉಪೇಂದ್ರ ಮುದ್ದಿನ ಮಗಳು

ಚಿತ್ರರಂಗಕ್ಕೆ ಉಪ್ಪಿ ಮಗಳ ಎಂಟ್ರಿ

ನಟ ಉಪೇಂದ್ರ ಅವರ ಮಗಳು ಐಶ್ವರ್ಯ ಉಪೇಂದ್ರ ಸಿನಿಮಾರಂಗಕ್ಕೆ ಕಾಲಿಡುತ್ತಿದ್ದಾರೆ. ಪ್ರಿಯಾಂಕ ಉಪೇಂದ್ರ ನಟನೆಯ ಹೊಸ ಚಿತ್ರ 'ಹೌರಾ ಬ್ರಿಡ್ಜ್' ಚಿತ್ರದಲ್ಲಿ ಐಶ್ವರ್ಯ ಉಪೇಂದ್ರ ನಟಿಸಲಿದ್ದಾರೆ.

ಪಾತ್ರ ಏನು..?

'ಹೌರಾ ಬ್ರಿಡ್ಜ್' ಚಿತ್ರದಲ್ಲಿ ಐಶ್ವರ್ಯ ಉಪೇಂದ್ರ ನಟಿಸುವುದು ಪಕ್ಕಾ ಆಗಿದ್ದು, ಅವರ ಪಾತ್ರದ ಬಗ್ಗೆ ಹೆಚ್ಚಿನ ಮಾಹಿತಿ ಹೊರ ಬಂದಿಲ್ಲ. ಆದರೆ ಚಿತ್ರದಲ್ಲಿ ಐಶ್ವರ್ಯ ಒಂದು ಒಳ್ಳೆಯ ಪಾತ್ರವನ್ನು ನಿರ್ವಹಿಸಲಿದ್ದಾರಂತೆ.

'ಮಮ್ಮಿ' ನಿರ್ದೇಶಕ

ಈ ಹಿಂದೆ ಪ್ರಿಯಾಂಕ ಉಪೇಂದ್ರ ಅವರ ಜೊತೆ 'ಮಮ್ಮಿ' ಸಿನಿಮಾವನ್ನು ಮಾಡಿದ್ದ ಲೋಹಿತ್ ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಕನ್ನಡ ಮತ್ತು ತಮಿಳು ಎರಡು ಭಾಷೆಯಲ್ಲಿ ಚಿತ್ರ ತೆರೆಗೆ ಬರಲಿದೆ.

ಹಿಂದೆಯೇ ಆಫರ್ ಬಂದಿತ್ತು

ಈ ಹಿಂದೆಯೇ 'ಮಮ್ಮಿ' ಚಿತ್ರದಲ್ಲಿ ಪ್ರಿಯಾಂಕ ಉಪೇಂದ್ರ ಅವರ ಮಗಳ ಪಾತ್ರದಲ್ಲಿ ಐಶ್ವರ್ಯ ನಟಿಸಬೇಕಾಗಿತ್ತು. ಆದರೆ ಕೊನೆಗೆ ಚಿತ್ರದ ಆ ಪಾತ್ರದಲ್ಲಿ ಯುವಿನಾ ಅಭಿನಯಿಸಿದ್ದರು.

ನಾಯಿ ಅಂದರೆ ಸಖತ್ ಲವ್

ಐಶ್ವರ್ಯ ಉಪೇಂದ್ರ ಶ್ವಾನ ಪ್ರಿಯೆ. ಉಪೇಂದ್ರ ಮನೆಯಲ್ಲಿ ನಾಲ್ಕು ನಾಯಿಗಳಿದ್ದು, ಅವುಗಳನ್ನು ಕಂಡರೆ ಪುಟ್ಟ ಹುಡುಗಿ ಐಶ್ವರ್ಯಗೆ ಸಖತ್ ಲವ್. ಹಾಗೆ ನೋಡಿದರೆ ಐಶ್ವರ್ಯ ಇನ್ಸ್ಟಾಗ್ರಾಮ್ ಅಕೌಂಟ್ ನಲ್ಲಿ ಆಕೆಗಿಂತ ಆಕೆಯ ನಾಯಿಗಳ ಫೋಟೋಗಳೇ ಹೆಚ್ಚಿವೆ.!

ಉಪ್ಪಿ ಅಣ್ಣನ ಮಗ

ಉಪೇಂದ್ರ ಅಣ್ಣ ಸುದೀಂದ್ರ ಅವರ ಪುತ್ರ ನಿರಂಜನ್ ಕೂಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಪ್ರಿಯಾಂಕ ಉಪೇಂದ್ರ ನಟನೆಯ 'ಸೆಕೆಂಡ್ ಆಫ್' ಚಿತ್ರದ ಮೂಲಕ ಮೊದಲ ಬಾರಿಗೆ ನಿರಂಜನ್ ಬಣ್ಣ ಹಚ್ಚಿದ್ದಾರೆ.