ತಮಿಳಿನಿಂದ ಡಬ್ ಆಗಿರುವ ಚಿತ್ರ ಸತ್ಯದೇವ್ IPS ಸಾಂಗ್

ನೋವಿನ ಬಾಳಿಂದ ಬೇಸರ ಕಳಿಸೋಣ
ನಗುವಿನ ನಂದನವಾ ಹುಡುಕಿ ಸಾಗೋಣ
ಬಾನಿನ ಅಂಚಲೀ ಹಾರುತ ನಲಿಯೋಣ
ಬಯಸಿದ ಭಾಗ್ಯವನೂ ಬಾಚಿಕೊಳ್ಳೋಣ
ಬಾಳಿನ ಬಾಂದಳಕೆ ಹುಣ್ಣಿಮೆ ಚಂದ್ರಮನ
ತಂಪಿನ ತಂಬೆಲರ ತುಂಬಿಕೊಳ್ಳೋಣ
ಉಸಿರಿನ ಬಸಿರಲ್ಲಿ ಸಂತಸ ಸಂಭ್ರಮದ
ಬದುಕಿನ ಪ್ರೀತಿ ಪದವ ಹಾಡಿಕೊಳ್ಳೋಣ
ಈ ಭೂಮಿ ಬುಗುರಿ ಮೇಲೆ ಅವನಾಟ ನಿಲ್ಲೋದಿಲ್ಲ
ನಾವು ಬಯಸಿದಂತೆ ಎಂದೂ ಈ ಬಾಳು ಸಾಗೋದಿಲ್ಲ....

ಇನ್ನಾದರೂ 'ಡಬ್ಬಿಂಗ್ ಬಂದರೆ ಭಾಷೆ ಹಾಳಾಗುತ್ತದೆ' ಅನ್ನೋರ ಕಣ್ತೆರೆದೀತೆ? ಅಂದಹಾಗೆ ಸತ್ಯದೇವ್ IPS ಚಿತ್ರದ ಅಷ್ಟೂ ಹಾಡುಗಳನ್ನು ಹಾಡಿರೋದು ಕನ್ನಡಿಗರೇ... ನೀವೊಮ್ಮೆ ಕೇಳಿ.. - ಆನಂದ್ ಗುರು ಅವರು ತಮ್ಮ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.

ಗೌತಮ್ ವಾಸುದೇವ ಮೆನನ್ ಬರೆದು, ನಿರ್ದೇಶಿಸಿ, ಅಜಿತ್, ಅನುಷ್ಕಾ ಶೆಟ್ಟಿ, ತ್ರೀಶಾ ಅಭಿನಯಿಸಿದ್ದ 'ಯೆನ್ನೈ ಅರಿಂಧಾಳ್' ಚಿತ್ರ ತಮಿಳಿನಲ್ಲಿ ಭರ್ಜರಿ ಯಶಸ್ಸು ಕಂಡಿತ್ತು. ಹ್ಯಾರೀಸ್ ಜಯರಾಜ್ ಕೂಡಾ ಉತ್ತಮ ಸಂಗೀತ ನೀಡುವ ಮೂಲಕ ರೀ ಎಂಟ್ರಿ ಪಡೆದುಕೊಂಡಿದ್ದರು. ಈಗ ಈ ಚಿತ್ರ ಡಬ್ ಆಗಿ ಕನ್ನಡಕ್ಕೆ ಎಂಟ್ರಿ ಪಡೆದುಕೊಂಡಿದೆ. ಜನವರಿ ಅಂತ್ಯಕ್ಕೆ ಚಿತ್ರ ಬಿಡುಗಡೆಯಾಗುವ ಸಾಧ್ಯತೆಯಿದೆ.