ಯಶ್-ರಾಧಿಕಾ ಮಗುವಿಗೆ ಅಂಬರೀಶ್ ಬುಕ್ ಮಾಡಿದ್ರಂತೆ ಭರ್ಜರಿ ಗಿಫ್ಟ್.!

ತೊಟ್ಟಿಲು ಬುಕ್ ಮಾಡಿದ್ರಂತೆ ಅಂಬಿ

ರಾಧಿಕಾ ಪಂಡಿತ್ ಗರ್ಭಿಣಿ ಎಂದು ತಿಳಿದ ಮೇಲೆ ರೆಬೆಲ್ ಸ್ಟಾರ್ ಅಂಬರೀಶ್, ಪ್ರೀತಿಯಿಂದ ಅವರಿಗೆ ಏನಾದರೂ ಗಿಫ್ಟ್ ನೀಡಬೇಕು ಎಂದು ಯೋಚಿಸಿ, ಒಂದು ತೊಟ್ಟಿಲು ಬುಕ್ ಮಾಡಿದ್ದರಂತೆ. ಈ ವಿಷ್ಯ ಅಂಬಿಯನ್ನ ಮತ್ತು ತೊಟ್ಟಿಲು ರೆಡಿ ಮಾಡುವ ವ್ಯಕ್ತಿಗೆ ಬಿಟ್ಟರೇ ಬೇರೆ ಯಾರಿಗೂ ಗೊತ್ತಿರಲಿಲ್ಲವಂತೆ.

ಸುಮಲತಾ ನಂಬರ್ ಗೆ ಮೆಸೆಜ್ ಬಂದಿದೆ

ಸುಮಲತಾ ಅವರಿಗೆ ಒಂದು ಮಸೆಜ್ ಬಂದಿದೆ. ಆ ಮೆಸೆಜ್ ನಲ್ಲಿ 'ಸರ್ ನೀವು ಆರ್ಡರ್ ಮಾಡಿದ್ದ ತೊಟ್ಟಿಲು ಸಿದ್ಧವಾಗಿದೆ. ತೆಗೆದುಕೊಂಡು ಹೋಗಿ' ಎಂದು ಆ ವಾಟ್ಸಾಪ್ ಸಂದೇಶ ಬಂದಿದೆ. ನಾನು ಬುಕ್ ಮಾಡಿಲ್ಲ ಅಲ್ವಾ, ಮಿಸ್ ಆಗಿ ಮೆಸೆಜ್ ಬಂದಿದ್ಯಾ ಎಂದು ತಿಳಿಯಲು ವಾಪಸ್ ಆ ನಂಬರ್ ಗೆ ಕರೆ ಮಾಡಿದ್ದಾರೆ. ಕರೆ ಮಾಡಿದಾಗ ಅಂಬರೀಶ್ ತೊಟ್ಟಿಲು ಬುಕ್ ಮಾಡಿದ ವಿಷ್ಯ ಬಹಿರಂಗವಾಗಿದೆ. ಸಂಪರ್ಕಕ್ಕಾಗಿ ಸುಮಲತಾ ನಂಬರ್ ಕೊಟ್ಟಿದ್ದರಂತೆ. ಇಲ್ಲಿ ಗಮನಿಸಬೇಕಾದ ವಿಷ್ಯ ಅಂದ್ರೆ ಆ ತೊಟ್ಟಿಲು ಮಾಡುವ ವ್ಯಕ್ತಿಗೆ ಇದು ಅಂಬರೀಶ್ ಅವರು ಮಾಡಿರುವ ಆರ್ಡರ್ ಎಂದು ಗೊತ್ತೇ ಇರಲಿಲ್ಲವಂತೆ.

ಯಶ್ ಗೆ ವಿಷ್ಯ ತಿಳಿಸಿದ ಸುಮಲತಾ

ನಂತರ ಸುಮಲತಾ ಅವರು ಯಶ್ ಗೆ ಕರೆ ಮಾಡಿ, ಅಂಬರೀಶ್ ಅವರು ನಿಮ್ಮ ಮಗುವಿಗೊಂದು ಗಿಫ್ಟ್ ಬುಕ್ ಮಾಡಿದ್ದರಂತೆ. ಅದು ಸ್ವರ್ಗದಿಂದ ಬಂದಿದೆ ಎಂದು ತಿಳಿಸಿದರಂತೆ. ಬಹುಶಃ ಈ ಮಾತನ್ನ ಕೇಳಿದ ಯಶ್ ಅವರ ಆನಂದಕ್ಕೆ ಪಾರವೇ ಇರಲಿಲ್ಲ ಅನಿಸುತ್ತೆ ಬಿಡಿ.

ತೊಟ್ಟಿಲು ಬೆಲೆ ಎಷ್ಟು ಗೊತ್ತಾ?

ಅಂದ್ಹಾಗೆ, ಈ ತೊಟ್ಟಿಲು ಬೆಲೆ ಎಷ್ಟು ಅಂತ ಗೊತ್ತಾದ್ರೆ ಒಂದು ಕ್ಷಣ ಶಾಕ್ ಆಗ್ಬಿಡ್ತೀರ. ಹೌದು, ಯಶ್ ಮತ್ತು ರಾಧಿಕಾ ಮಗುವಿಗೆ ಅಂಬರೀಶ್ ಮಾಡಿಸಿದ್ದ ತೊಟ್ಟಿಲು ಒಂದೂವರೆ ಲಕ್ಷ ರೂಪಾಯಿ ಅಂತೆ. ಬಹುಶಃ ಯಶ್ ಮಗಳಿಗೆ ಇದೊಂದು ರೀತಿಯಲ್ಲಿ ತಾತ ನೀಡಿದ ಗಿಫ್ಟ್. ಮರೆಯೋದಕ್ಕೆ ಸಾಧ್ಯವಿಲ್ಲ. ಬಹಳ ಕಾಲ ನೆನಪಿನಲ್ಲಿ ಇಡುವಂತೆ ಆಗಲಿದೆ.

ಸೀಮಂತ ಕಾರ್ಯಕ್ರಮದಲ್ಲಿ ಅಂಬಿ

ರಾಧಿಕಾ ಪಂಡಿತ್ ಅವರ ಸೀಮಂತ ಕಾರ್ಯಕ್ರಮದಲ್ಲಿ ಅಂಬರೀಶ್ ದಂಪತಿ ಭಾಗವಹಿಸಿ, ಆಶೀರ್ವಾದ ಮಾಡಿದ್ದರು. ದುರಾದೃಷ್ಟ ಅಂದ್ರೆ, ರಾಧಿಕಾ ಅವರಿಗೆ ಮಗು ಜನಿಸುವ ಮೊದಲೇ ಅಂಬಿ ಇಹಲೋಕ ತ್ಯಜಿಸಿದ್ದರು.