ಸೆಂಚುರಿ ಹೊಡೆದ ಅರ್ಜುನ್ ಜನ್ಯ : ಯಾವುದು 100ನೇ ಸಿನಿಮಾ?

'99' ಸಿನಿಮಾ 100ನೇ ಸಿನಿಮಾ

ತಮಿಳಿನ '96' ಸಿನಿಮಾ '99' ಹೆಸರಿನಲ್ಲಿ ಕನ್ನಡಕ್ಕೆ ಬರುತ್ತಿದೆ. ಗಣೇಶ್ ಅಭಿನಯದ ಈ ಸಿನಿಮಾದ ಮುಹೂರ್ತ ಇತ್ತೀಚಿಗಷ್ಟೆ ನೆರವೇರಿತ್ತು. '99' ಚಿತ್ರಕ್ಕೆ ಅರ್ಜುನ್ ಜನ್ಯ ಮ್ಯೂಸಿಕ್ ನೀಡುತ್ತಿದ್ದು, ವಿಶೇಷ ಅಂದರೆ, ಈ ಸಿನಿಮಾ ಜನ್ಯ ಅವರ ನೂರನೇ ಸಿನಿಮಾವಾಗಿದೆ.

14ನೇ ಸಿನಿಮಾಗೆ ಬ್ರೇಕ್

ಅರ್ಜುನ್ ಜನ್ಯಗೆ ಬ್ರೇಕ್ ನೀಡಿದ ಸಿನಿಮಾ ಅಂದರೆ, 'ಕೆಂಪೇಗೌಡ'. ಅದು ಅವರ 14ನೇ ಸಿನಿಮಾವಾಗಿತ್ತು. ಅದಕ್ಕು ಮುಂಚೆ ಅರ್ಜುನ್ ಜನ್ಯ ಎಂದರೆ ಯಾರಿಗೂ ತಿಳಿದಿರಲಿಲ್ಲ. ಹಾಡುಗಳು ಒಂದು ಮಟ್ಟಕ್ಕೆ ಹಿಟ್ ಆದರೂ ಸಿನಿಮಾ ಫ್ಲಾಪ್ ಆಗುತ್ತಿತ್ತು. ತಾಳ್ಮೆಯಿಂದ ಕಾದ ಜನ್ಯ ಬದುಕಿನಲ್ಲಿ 'ಕೆಂಪೇಗೌಡ' ಬಿರುಗಾಳಿಯಂತೆ ಬಂತು.

ಬ್ಯಾಕ್ ಟು ಬ್ಯಾಕ್ ಹಿಟ್

'ಕೆಂಪೇಗೌಡ' ಬಳಿಕ ಒಂದರ ನಂತರ ಒಂದರಂತೆ ಅರ್ಜುನ್ ಜನ್ಯ ಹಿಟ್ ನೀಡಿದರು. ಹಸಿದು ಕೂತ ಜನ್ಯಗೆ ಅವಕಾಶಗಳ ಬುತ್ತಿ ಬಂದವು. ಆಗ ಮ್ಯೂಸಿಕ್ ನೀಡಿದ್ದ 'ಅಲೆಮಾರಿ', 'ರಾಜಧಾನಿ' 'ರೋಮಿಯೋ' 'ಆಟೋರಾಜ', 'ರಾಂಬೋ' 'ವಿಕ್ಟರಿ' ಎಲ್ಲ ಸಿನಿಮಾಗಳ ಹಾಡು ಸೂಪರ್ ಹಿಟ್ ಆದವು. ಆಗ ಜನ್ಯ ಕೀ ಬೋರ್ಡ್ ಗೆ ಮತ್ತಷ್ಟು ಕೆಲಸ ಜಾಸ್ತಿಯಾಯ್ತು.

ಸೂಪರ್ ಡೂಪರ್ ಹಿಟ್

'ವಿಕ್ಟರಿ', 'ಅಧ್ಯಕ್ಷ', 'ಮಾಣಿಕ್ಯ', 'ಭಜರಂಗಿ', 'ವಜ್ರಕಾಯ' 'ರಿಕ್ಕಿ', ರನ್ನ', 'ಮುಂಗಾರು ಮಳೆ 2', 'ರಾಗ', 'ಮುಕುಂದ ಮುರಾರಿ', 'ಕಾಲೇಜ್ ಕುಮಾರ್', 'ಚೌಕ', 'ಚಕ್ರವರ್ತಿ' 'ಹೆಬ್ಬುಲಿ', 'ತಾರಕ್' 'ರಾಂಬೋ 2' ಅರ್ಜುನ್ ಜನ್ಯ ಅಕೌಂಟ್ ನಲ್ಲಿ ಇರುವ ಸೂಪರ್ ಡೂಪರ್ ಹಿಟ್ ಸಿನಿಮಾಗಳು.

ಜನ್ಯ ಈಗ ನಂ 1

ಅರ್ಜುನ್ ಜನ್ಯ ಈಗ ಕನ್ನಡದ ನಂ 1 ಸಂಗೀತ ನಿರ್ದೇಶಕ. ಈಗ ಜನ್ಯ ಸಿಕ್ಕಾಪಟ್ಟೆ ಬ್ಯುಸಿ ಇದ್ದಾರೆ. 'ದಿ ವಿಲನ್', 'ಅಂಬಿ ನಿಂಗೆ ವಯಸ್ಸಾಯ್ತೋ', 'ಅಯೋಗ್ಯ' 'ವಿಕ್ಟರಿ 2' ಹಾಡುಗಳ ಸಕ್ಸಸ್ ನಂತರ 'ಕೋಟಿಗೊಬ್ಬ 3', 'ಅಮರ್' ಹಾಗೂ '99' ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ಅವರು ಕೆಲಸ ಮಾಡುತ್ತಿದ್ದಾರೆ.