ಫೇಸ್ ಬುಕ್ ಲೈವ್ ತಂದ ಅವಾಂತರ: 'ಬಾಹುಬಲಿ-2' ಸಿನಿಮಾ ಪುಕ್ಕಟೆ ಪ್ರಸಾರ.!

ಕುವೈಟ್ ನಿಂದ ಫೇಸ್ ಬುಕ್ ಲೈವ್

ಅಂದ್ಹಾಗೆ, 'ಬಾಹುಬಲಿ-2' ಚಿತ್ರವನ್ನ ಫೇಸ್ ಬುಕ್ ಲೈವ್ ಮೂಲಕ ಪ್ರಸಾರ ಮಾಡಿರುವವನು ಭಾರತೀಯನಲ್ಲ ಬದಲಾಗಿ ಕುವೈತ್ ನವನು ಎಂದು ವರದಿ ಅಗಿದೆ.['ಬಾಹುಬಲಿ 2' ನೋಡಿ ಭಾರತೀಯ ಸಿನಿಮಾದ ಕಿಂಗ್ ಎಂದ ಪ್ರೇಕ್ಷಕರು]

ಅರ್ಧಕರ್ಧ ಸಿನಿಮಾ ಫೇಸ್ ಬುಕ್ ನಲ್ಲಿ.!

ಕುವೈತ್ ನಲ್ಲಿ 'ಬಾಹುಬಲಿ-2' ಚಿತ್ರ ವೀಕ್ಷಿಸುತ್ತಿದ್ದಾತ, ಸುಮಾರು 55 ನಿಮಿಷಗಳ ಕಾಲ ಫೇಸ್ ಬುಕ್ ನಲ್ಲಿ ಲೈವ್ ಮಾಡಿ, 'ಬಾಹುಬಲಿ-2' ಚಿತ್ರವನ್ನ ಬಿಟ್ಟಿಯಾಗಿ ಪ್ರಸಾರ ಮಾಡಿದ್ದಾನೆ.[ತಮಿಳುನಾಡಿನಲ್ಲಿ 'ಬಾಹುಬಲಿ'ಗೆ ಬ್ರೇಕ್: ಮಾರ್ನಿಂಗ್ ಪ್ರದರ್ಶನ ರದ್ದು!]

ಸಾವಿರಾರು ಮಂದಿಯಿಂದ 'ಫ್ರೀ' ವೀಕ್ಷಣೆ

ಫೇಸ್ ಬುಕ್ ಲೈವ್ ಮೂಲಕ 'ಬಾಹುಬಲಿ-2' ಚಿತ್ರವನ್ನ ಬರೋಬ್ಬರಿ ಇಪ್ಪತ್ತು ಸಾವಿರಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಎರಡು ಸಾವಿರಕ್ಕೂ ಹೆಚ್ಚು ಜನ ಆ ಲೈವ್ ವಿಡಿಯೋನ ಶೇರ್ ಮಾಡಿದ್ದಾರೆ.

ನಿನ್ನೆ ಬಿಡುಗಡೆ

ಕುವೈತ್ ಸೇರಿದಂತೆ ಅರಬ್ ರಾಷ್ಟ್ರಗಳಲ್ಲಿ 'ಬಾಹುಬಲಿ-2' ಚಿತ್ರ ನಿನ್ನೆ ತೆರೆಕಂಡಿದೆ.

ಈಗಲೂ ಲೈವ್ ಬರುತ್ತಿದೆ.!

ಸಾಫ್ಟ್ ವೇರ್ ಎಂಜಿನಿಯರ್ ಒಬ್ಬ ಈಗಲೂ 'ಬಾಹುಬಲಿ-2' ಚಿತ್ರವನ್ನ ಫೇಸ್ ಬುಕ್ ನಲ್ಲಿ ಲೈವ್ ಮಾಡುತ್ತಿದ್ದಾನೆ. ಇಂಥವ್ರಿಗೆ ಕಡಿವಾಣ ಹಾಕುವವರು ಯಾರು.?

ನಾವು ಯಾರ ಪರವೂ ಅಲ್ಲ.!

ಯಾವುದೇ ಸಿನಿಮಾ ಆಗಲಿ, ಅದನ್ನ ಉತ್ತಮವಾಗಿ ತೆರೆಗೆ ತರಲು ಇಡೀ ಚಿತ್ರತಂಡ ಹಗಲು ರಾತ್ರಿ ಶ್ರಮ ಪಟ್ಟಿರುತ್ತಾರೆ. ನಿರ್ಮಾಪಕ ಕೋಟ್ಯಾಂತರ ರೂಪಾಯಿ ಬಂಡವಾಳ ಹಾಕಿರುತ್ತಾರೆ. ಇಷ್ಟೆಲ್ಲ ಇರುವಾಗ, ಸಾಮಾಜಿಕ ಜಾಲತಾಣಗಳನ್ನ ದುರ್ಬಳಕೆ ಮಾಡಿ ಪುಕ್ಕಟೆಯಾಗಿ ಹೀಗೆ ಸಿನಿಮಾ ಪ್ರಸಾರ ಮಾಡುವುದು ಸರಿಯೇ.? ಒಮ್ಮೆ ನೀವೇ ಯೋಚಿಸಿ...

ನಾಳೆ ಕನ್ನಡ ಸಿನಿಮಾಗೂ ಆಗಬಹುದು.!

ಇಂದು 'ಬಾಹುಬಲಿ-2' ಚಿತ್ರಕ್ಕೆ ಹೀಗಾಗಿದೆ. ಮುಂದೆ ಕನ್ನಡ ಚಿತ್ರಕ್ಕೂ ಆಗಬಹುದು. ಸಾಮಾಜಿಕ ಜಾಲತಾಣಗಳನ್ನು ಬಳಸುವ ವಿದ್ಯಾವಂತರೇ... ಇಂತಹ ಕೆಲಸಕ್ಕೆ ದಯವಿಟ್ಟು ಕೈ ಹಾಕಬೇಡಿ. ನಿಮ್ಮ ವಿದ್ಯೆಯನ್ನ ಒಳ್ಳೆಯ ಕೆಲಸಕ್ಕೆ ಉಪಯೋಗಿಸಿ...

ಪೈರಸಿ ಆಯ್ತು ಈಗ ಫೇಸ್ ಬುಕ್ ಲೈವ್

ಪೈರಸಿ ಕಾಟದಿಂದ ಚಿತ್ರರಂಗ ಇನ್ನೂ ತಪ್ಪಿಸಿಕೊಂಡಿಲ್ಲ. ಹೀಗಿರುವಾಗಲೇ, 'ಫೇಸ್ ಬುಕ್ ಲೈವ್' ಎಂಬ ಹೊಸ ತಲೆ ನೋವು ಬೇರೆ.!