'ರಾಜಮೌಳಿ' ಮುಂದಿನ ಸಿನಿಮಾ ಘೋಷಣೆ.! ನಾಯಕ ಯಾರು?

ಸಾಮಾಜಿಕ ಕುರಿತು ಸಿನಿಮಾ

'ಬಾಹುಬಲಿ' ಅಂತಹ ಸಿನಿಮಾ ಮಾಡಿ ಸಿನಿಪ್ರಪಂಚದ ಗಮನ ಸೆಳೆದ ರಾಜಮೌಳಿ ತಮ್ಮ ಮುಂದಿನ ಸಿನಿಮಾವನ್ನ ಸಾಮಾಜಿಕ ಕಾಳಜಿಯ ಕುರಿತು ಸಿನಿಮಾ ಮಾಡಲಿದ್ದಾರೆ.

ದಾನಯ್ಯ ನಿರ್ಮಾಪಕ

ರಾಜಮೌಳಿ ತಮ್ಮ ಮುಂದಿನ ಚಿತ್ರದ ಬಗ್ಗೆ ಖಾಸಗಿ ಮಾಧ್ಯಮದ ಜೊತೆ ಮಾತನಾಡಿದ್ದು, ''ನನ್ನ ಮುಂದಿನ ಸಿನಿಮಾ ಯಾವ ಭಾಷೆ ಮತ್ತು ಯಾವ ನಟನ ಜೊತೆ ಮಾಡಲಿದ್ದೇನೆ ಎಂಬುದು ಗೊತ್ತಿಲ್ಲ. ಆದ್ರೆ, ದಾನಯ್ಯ ಅವರು ಆ ಚಿತ್ರಕ್ಕೆ ಬಂಡವಾಳ ಹಾಕಲಿದ್ದಾರೆ'' ಎಂದು ಬಾಹುಬಲಿ ನಿರ್ದೇಶಕ ಸ್ಪಷ್ಟಪಡಿಸಿದ್ದಾರೆ.

ಪ್ರನ್ಸ್ ಮಹೇಶ್ ಜೊತೆ ಸಿನಿಮಾ

ನಿರ್ಮಾಪಕ ದಾನಯ್ಯ ಅವರ ಜೊತೆ ಮುಂದಿನ ಸಿನಿಮಾ ಘೋಷಣೆ ಮಾಡಿಕೊಂಡಿರುವ ರಾಜಮೌಳಿ, ಅದರ ಬೆನ್ನಲ್ಲೆ ಪ್ರಿನ್ಸ್ ಮಹೇಶ್ ಬಾಬು ಜೊತೆ ಸಿನಿಮಾ ಮಾಡಲಿದ್ದಾರೆ. ಈ ಚಿತ್ರವನ್ನ ಕೆ.ಎಲ್ ನಾರಾಯಣ್ ನಿರ್ಮಾಣ ಮಾಡಲಿದ್ದು, 2019ಕ್ಕೆ ಶುರುವಾಗಬಹುದು ಎನ್ನಲಾಗಿದೆ.

ರಾಜಮೌಳಿ ಮುಂದಿನ ಚಿತ್ರಕ್ಕೆ ನಾಯಕ ಯಾರು?

ಸದ್ಯ, ಕಥೆ ಮತ್ತು ನಿರ್ಮಾಪಕರನ್ನ ಅಂತಿಮಗೊಳಿಸಿಕೊಂಡಿರುವ ರಾಜಮೌಳಿ ನಾಯಕ ಯಾರಾಗಬಹುದು ಎಂಬ ಸಣ್ಣ ಸುಳಿವು ಕೂಡ ಬಿಟ್ಟುಕೊಟ್ಟಿಲ್ಲ. ಈ ಅವಕಾಶ ಯಾರಿಗೆ ಸಿಗುತ್ತೆ ಅಂತ ಕಾದುನೋಡಬೇಕಿದೆ.

ದಾನಯ್ಯ ಯಾರು?

ತೆಲುಗಿನ ಸ್ಟಾರ್ ನಿರ್ಮಾಪಕರಾಗಿರುವ ದಾನಯ್ಯ ಈ ಹಿಂದೆ 'ಬ್ರೂಸ್ ಲೀ', 'ನಾಯಕ್', 'ದೇಶಮುದುರು', 'ಜುಲಾಯ್', 'ಓಯ್', 'ದುಬಾಯ್ ಶೀನು' ಚಿತ್ರಗಳು ಸೇರಿದಂತೆ ಹಲವು ಹಿಟ್ ಸಿನಿಮಾಗಳನ್ನ ನೀಡಿದ್ದಾರೆ. ಸದ್ಯ, ಮಹೇಶ್ ಬಾಬು ಅಭಿನಯಿಸುತ್ತಿರುವ 'ಭರತ್ ಅನೆ ನೇನು' ಚಿತ್ರಕ್ಕೂ ಇವರೇ ನಿರ್ಮಾಪಕರು.

'ಮಹಾಭಾರತ' ಚಿತ್ರ ಸದ್ಯಕ್ಕಿಲ್ಲ

'ಬಾಹುಬಲಿ' ಸಕ್ಸಸ್ ನಂತರ ರಾಜಮೌಳಿ 'ಮಹಾಭಾರತ' ಚಿತ್ರವನ್ನ ಕೈಗೆತ್ತಿಕೊಳ್ಳಲಿದ್ದಾರೆ ಎಂಬ ಸುದ್ದಿ ಎಲ್ಲೆಡೆ ಹರಿದಾಡಿತ್ತು. ಆದ್ರೆ, ಈಗಿನ ಸಮಯದಲ್ಲಿ ಈ ಸಿನಿಮಾ ಮಾಡುವುದಿಲ್ಲ ಎಂದು ಸ್ವತಃ ರಾಜಮೌಳಿ ಅವರೇ ಹೇಳಿಕೊಂಡಿದ್ದಾರೆ.