ಶಿವಣ್ಣನ 'ಲೀಡರ್' ಮತ್ತು 'ಟಗರು' ಚಿತ್ರಗಳಿಗೆ ನಟ ಬಾಲಯ್ಯ ಸಾಥ್

ಆಡಿಯೋ ಲಾಂಚ್

ಶಿವಣ್ಣ ಅಭಿನಯದ 'ಲೀಡರ್' ಸಿನಿಮಾದ ಆಡಿಯೋವನ್ನು ನಟ ಬಾಲಕೃಷ್ಣ ಅವರ ಕೈ ನಲ್ಲಿ ಲಾಂಚ್ ಮಾಡಿಸುವ ತಯಾರಿ ನಡೆದಿದೆ. ಸೋಮವಾರ ಶಿವಣ್ಣ ನಿವಾಸಕ್ಕೆ ಬಂದಿದ್ದ ಬಾಲಕೃಷ್ಣ ಅವರಿಗೆ ಚಿತ್ರತಂಡ ಈ ಬಗ್ಗೆ ಕೇಳಿದೆಯಂತೆ.

'ಟಗರು' ಟೀಸರ್

'ಲೀಡರ್ 'ಸಿನಿಮಾದ ಆಡಿಯೋ ವೇದಿಕೆಯಲ್ಲಿಯೇ 'ಟಗರು' ಸಿನಿಮಾದ ಟೀಸರ್ ರಿಲೀಸ್ ಮಾಡುವ ಯೋಚನೆ ಇದ್ದು, ಅದನ್ನೂ ಸಹ ಬಾಲಕೃಷ್ಣ ಅವರೇ ರಿಲೀಸ್ ಮಾಡುವ ಸಾಧ್ಯತೆ ಇದೆ.

'ಶಿವಲಿಂಗ' ಶತಕ ಸಂಭ್ರಮ

ಈ ಹಿಂದೆ ಶಿವರಾಜ್ ಕುಮಾರ್ ಅವರ 'ಶಿವಲಿಂಗ' ಸಿನಿಮಾದ ನೂರರ ಸಂಭ್ರಮದ ಕಾರ್ಯಕ್ರಮಕ್ಕೂ ನಟ ಬಾಲಕೃಷ್ಣ ಅವರೇ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು.

ಶಿವಣ್ಣ ಅತಿಥಿ ಪಾತ್ರ

ಬಾಲಕೃಷ್ಣ ನಟನೆಯ 100ನೇ ಸಿನಿಮಾ 'ಗೌತಮಿಪುತ್ರ ಶಾತಕರಣಿ' ಸಿನಿಮಾದ ಒಂದು ಹಾಡಿನಲ್ಲಿ ಶಿವಣ್ಣ ಕಾಣಿಸಿಕೊಂಡಿದ್ದರು. ವಿಶೇಷ ಅಂದರೆ ಅದೇ ಮೊದಲ ಬಾರಿಗೆ ಶಿವಣ್ಣ ಬೇರೆ ಭಾಷೆಯ ಸಿನಿಮಾದಲ್ಲಿ ನಟಿಸಿದ್ದು.

ಇಬ್ಬರ ಸ್ನೇಹ ದೊಡ್ಡದು

ಶಿವಣ್ಣ ಮತ್ತು ಬಾಲಕೃಷ್ಣ ಇಬ್ಬರು ಒಳ್ಳೆಯ ಸ್ನೇಹಿತರು. ಇಬ್ಬರು ತಮ್ಮ ತಮ್ಮ ಸಿನಿಮಾಗಳಿಗೆ ಸಹಕಾರ ನೀಡುತ್ತಾ ಬಂದಿದ್ದಾರೆ.