ಕನ್ನಡ ಚಿತ್ರರಂಗದಲ್ಲಿ ಅರಳಿರುವ ಹೊಸ ಹೂವುಗಳು

ಸಿನಿಮಾದಲ್ಲಿ ಒಂದು ಚಾನ್ಸ್ ಸಿಗುತ್ತೇ ಅಂದ್ರೆ ಯಾರು ತಾನೆ ಬೇಡ ಅನ್ನಲ್ಲ ಹೇಳಿ? ಮೊದಲ ಪ್ರೀತಿಯ ಹಾಗೆ ಮೊದಲ ಸಿನೆಮಾ ಅಂದ್ರೆ ಏನೋ ಒಂಥರಾ ಥ್ರಿಲ್. ಇಂಥ ರೋಮಾಂಚನ ಅನುಭವಿಸಿಕೊಂಡವರಲ್ಲಿ ಹಲವಾರು ಹೊಸ ಪ್ರತಿಭೆಗಳು ಯಶಸ್ಸಿನ ರುಚಿ ಉಂಡಿವೆ.

ಇದು ನಿಜಕ್ಕೂ ಕನ್ನಡ ಚಿತ್ರರಂಗಕ್ಕೆ ಉತ್ತಮವಾದ ಬೆಳವಣಿಗೆ. ಹಳೆ ನೀರು ಕೊಚ್ಚಿ ಹೋಗದಿದ್ದರೂ, ಹೊಸ ನೀರು ಹರಿದು ಬರುತ್ತಿರಲೇಬೇಕು. 2015 ನಿಜಕ್ಕೂ ಹೊಸಬರಿಗೆ ಹೊಸ ಅವಕಾಶಗಳನ್ನು ತೆರೆದಿಟ್ಟಂಥ ವರ್ಷ. ನಟ, ನಟಿ, ನಿರ್ದೇಶಕ, ತಂತ್ರಜ್ಞರು ಮೊದಲ ಸಿನೆಮಾದಲ್ಲೇ ತಮ್ಮ ಛಾಪನ್ನು ಮೂಡಿಸಿ ಭರವಸೆಯ ಬೆಳಕು ಹರಿಸಿದ್ದಾರೆ.

2015ರಲ್ಲಿ ತೆರೆಕಂಡಿರುವ ರಾಧಿಕಾ ಪಂಡಿತ್ ಹಾಗೂ ಬಹು ಬೇಡಿಕೆಯ ನಟ ರಾಕಿಂಗ್ ಸ್ಟಾರ್ ಯಶ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಚಿತ್ರಕ್ಕೆ ಮೊಟ್ಟ ಮೊದಲ ಬಾರಿಗೆ ಆ್ಯಕ್ಷನ್ ಕಟ್ ಹೇಳಿರುವ ಸಂತೋಷ್ ಆನಂದ್ರಾಮ್ ಅವರು ಭರ್ಜರಿ ಯಶಸ್ಸನ್ನು ಕಂಡರು. [2015ರಲ್ಲಿ ಚಂದನವನವನ್ನು ಬೆಳಗಿದ ಅತ್ಯುತ್ತಮ 10 ಚಿತ್ರಗಳು]

ಈ ಚಿತ್ರಕ್ಕಿಂತಲೂ ದೊಡ್ಡ ಯಶಸ್ಸು ಮತ್ತು ಅಚ್ಚರಿ ಮೂಡಿಸಿದ್ದ ಚಿತ್ರವೆಂದರೆ 'ರಂಗಿತರಂಗ'. ಅನೂಪ್ ಭಂಡಾರಿ ಪ್ರಥಮ ನಿರ್ದೇಶನದ, ನಿರೂಪ್ ಭಂಜಾರಿ, ರಾಧಿಕಾ ಚೇತನ್, ಅವಂತಿಕಾ ಪ್ರಥಮ ಬಾರಿ ಬಣ್ಣ ಬಳಿದುಕೊಂಡ ಚಿತ್ರ ಗಳಿಸಿದ ಪ್ರಶಸ್ತಿಗಳನ್ನಿಡಲು ಸಣ್ಣ ಶೋಕೇಸ್ ಸಾಲುವುದಿಲ್ಲ. ಈ ಚಿತ್ರದ ಯಶಸ್ಸಿನ ನಾಗಾಲೋಟ ಇನ್ನೂ ಸಾಗಿದೆ. [ಮತ್ತೊಂದು ಮೈಲಿಗಲ್ಲು ಸೃಷ್ಟಿಸಿದ 'ರಂಗಿತರಂಗ']

ಕಳೆದ ವರ್ಷ ಸೆಪ್ಟಂಬರ್ 11ರಂದು ತೆರೆಕಂಡ 'ದುನಿಯಾ' ಸೂರಿ ನಿರ್ದೇಶನದ ಸಂತೋಷ್ ರಿವಾ ಮತ್ತು ಮನ್ವಿತಾ ಹರೀಶ್ ಜೋಡಿಯ 'ಕೆಂಡಸಂಪಿಗೆ' ಚಿತ್ರ ಕರ್ನಾಟಕದಲ್ಲಿ ಮಾತ್ರವಲ್ಲದೆ ಜಗತ್ತಿನಾಂಧ್ಯಂತ ಅಲೆ ಎಬ್ಬಿಸಿದೆ. ಹೀಗೆ ಚಿತ್ರಪ್ರೇಮಿಗಳನ್ನು ಸೆಳೆದವರು ಒಬ್ಬರಾ, ಇಬ್ಬರಾ? ಅವರು ಯಾರ್ಯಾರೆಂದು ಕೆಳಗಿನ ಚಿತ್ರಗಳಲ್ಲಿ ನೋಡುತ್ತಾ ಹೋಗಿರಿ. ['ಕೆಂಡಸಂಪಿಗೆ' ವಿಮರ್ಶೆ - ಸೂರಿಯ ಹೊಸ 'ದುನಿಯಾ']

ಮಾಸ್ಟರ್ ಪೀಸ್ ನಾಯಕಿ ಶಾನ್ವಿ ಶ್ರೀವಾಸ್ತವ್

ಗಣಪ ಚಿತ್ರದ ನಾಯಕ ಸಂತೋಷ್

ಗಣಪದ ನಾಯಕಿ ಪ್ರಿಯಾಂಕಾ

ಮದುವೆಯ ಮಮತೆಯ ಕರೆಯೋಲೆ ನಾಯಕ ಸೂರಜ್ ಗೌಡ

ಕೃಷ್ಣ ಲೀಲೆಯಲ್ಲಿ ಮಿಂಚಿದ ಮಯೂರಿ

ಇಷ್ಟಕಾಮ್ಯದ ನಾಯಕ ವಿಜಯ್ ಸೂರ್ಯ

ವಾಸ್ತು ಪ್ರಕಾರದಲ್ಲಿ ಛಾಪೊತ್ತಿದ ಐಶಿನಿ ಶೆಟ್ಟಿ

ಮುದ್ದು ಮನಸೆ ಚಿತ್ರದಲ್ಲಿ ಮೋಡಿ ಮಾಡಿದ ಅರುಣ್ ಗೌಡ

ಕೆಂಡಸಂಪಿಗೆಯಲ್ಲಿ ಮಿಂಚಿದ ಮನ್ವಿತಾ ಹರೀಶ್

ಫಸ್ಟ್ Rank ರಾಜು ಗುರುನಂದನ್

ರಂಗಿತರಂಗದ ಬೆಡಗಿ ರಾಧಿಕಾ ಚೇತನ್

ಕೆಂಡಸಂಪಿಗೆಯಲ್ಲಿ ನೈಜ ಅಭಿನಯ ನೀಡಿದ ಸಂತೋಷ್ ರೇವಾ (ವಿಕ್ಕಿ)

ರಂಗಿತರಂಗದ ಆವಂತಿಕಾ ಶೆಟ್ಟಿ

ರಂಗಿತರಂಗದಲ್ಲಿ ಹೃದಯ ಕತ್ತ ನಿರೂಪ್ ಭಂಡಾರಿ