ಹಿಂದಿ ಆಲ್ಬಂ ಸಾಂಗ್ ಲೋಕದಲ್ಲಿ 'ಬಿಗ್ ಬಾಸ್' ಖ್ಯಾತಿಯ ನಟ ಶೈನ್ ಶೆಟ್ಟಿ

ಹಿಂದಿ ಆಲ್ಬಂ ಸಾಂಗ್ ನಲ್ಲಿ ಶೈನ್ ಶೆಟ್ಟಿ

ಈ ವಿಚಾರ ಬಿಗ್ ಬಾಸ್ ಗೆದ್ದ ಒಂದು ವರ್ಷದ ಸಂಭ್ರಮವನ್ನು ಶೈನ್ ಗೆ ಮತ್ತಷ್ಟು ಹೆಚ್ಚಿಸಿದೆ. ಅಂದಹಾಗೆ ಶೈನ್ ಬಾಲಿವುಡ್ ಕಡೆ ಹೊರಟಿರುವುದು ಆಲ್ಬಂ ಹಾಡಿಗಾಗಿ. ಹೌದು, ಶೈನ್ ಶೆಟ್ಟಿ ಹಿಂದಿ ಆಲ್ಬಂ ಸಾಂಗ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಶೇಷ ಎಂದರೆ ಹಾಡನ್ನು ಸಂಚಿತ್ ಹೆಗ್ಡೆ ಹಾಡುತ್ತಿದ್ದಾರೆ.

ಹಾಡಿನ ಬಗ್ಗೆ ಶೈನ್ ಹೇಳಿದ್ದೇನು?

ಹಾಡಿಗೆ ಧೂಂಡೆ ಎಂದು ಟೈಟಲ್ ಇಡಲಾಗಿದೆ. 'ಪಯಣದ ಹಾಡಾಗಿದ್ದು, ನಾಯಕ ತನ್ನನ್ನೆ ತಾನು ಪ್ರಶ್ನಿಸಿಕೊಳ್ಳುತ್ತಾ ಹೊಸ ಜೀವನವನ್ನು ನೋಡುತ್ತಿರುತ್ತಾನೆ. ಇದೊಂದು ಫ್ಯಾಂಟಸಿ ಪ್ರಯಾಣ ಕಥೆಯಾಗಿದೆ' ಎಂದು ಶೈನ್ ಟೈಮ್ಸ್ ಆಫ್ ಇಂಡಿಯಾಗೆ ನೀಡಿರುವ ಮಾಹಿತಿಯಲ್ಲಿ ಬಹಿರಂಗ ಪಡಿಸಿದ್ದಾರೆ.

ಯತೀಶ್ ರಾಜ್ ನಿರ್ದೇಶನ

ಈ ಹಾಡನ್ನು ಯತೀಶ್ ರಾಜ್ ಎನ್ನುವವರು ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಾಡಿಗೆ ಡ್ಯಾನಿ ಕುರಿಯನ್ ಮತ್ತು ಸುಮಿತ್ ಬಂಗೇರಾ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ. ಈ ಹಾಡಿನಲ್ಲಿ ಒಂದು ಕಾಲ್ಪನಿಕ ಹಳ್ಳಿಯ

ಹಿಂದಿ ಚಿತ್ರರಂಗಕ್ಕೆ ಕಾಲಿಟ್ಟ ಶೈನ್ ಶೆಟ್ಟಿ ಬ್ಯಾಗ್ ಡ್ರಾಪ್ ಇರಲಿದ್ದು, ಹಿಮಾಚಲ ಪ್ರದೇಶದ ಕಿನೌರ್ ಎನ್ನುವ ಹಳ್ಳಿಯನ್ನು ಸ್ಥಾಪಿಸಲಾಗಿದೆಯಂತೆ.

ಮಾರ್ಚ್ ನಿಂದ ಚಿತ್ರೀಕರಣ

ಅಂದಹಾಗೆ ಶೈನ್ ಶೆಟ್ಟಿಯ ಕನಸಿನ ಪ್ರಾಜೆಕ್ಟ್ ಮಾರ್ಚ್ ತಿಂಗಳಿಂದ ಪ್ರಾರಂಭವಾಗಲಿದೆ ಎನ್ನುವ ಮಾಹಿತಿ ತಿಳಿದುಬರುತ್ತಿದೆ. ಒಟ್ಟು 10 ದಿನಗಳ ಕಾಲ ಶೂಟಿಂಗ್ ನಡೆಯಲಿದೆಯಂತೆ. ಈ ಬಗ್ಗೆ ಉತ್ಸುಕರಾಗಿರುವ ಶೈನ್ ಈ ಹಾಡು ಬಾಲಿವುಡ್ ನಲ್ಲಿ ಮತ್ತಷ್ಟು ಅವಕಾಶಗಳ ಬಾಗಿಲು ತೆರೆಯಲಿದೆಯಾ ಎನ್ನುವ ದೊಡ್ಡ ನಿರೀಕ್ಷೆಯಲ್ಲಿದ್ದಾರೆ.