ಸದ್ದಿಲ್ಲದೇ ನಿಶ್ಚಿತಾರ್ಥ ಮಾಡಿಕೊಂಡ 'ಬಿಗ್ ಬಾಸ್' ಗೌತಮಿ

ಪ್ರೀತಿಸಿದ ಹುಡುಗನ ಜೊತೆ ನಿಶ್ಚಿತಾರ್ಥ

ಜಾರ್ಜ್ ಕ್ರಿಸ್ಟಿ ಎಂಬುವವರನ್ನ ಪ್ರೀತಿಸುತ್ತಿದ್ದ ಗೌತಮಿ ಗೌಡ ನಂತರ ಪ್ರೀತಿಯ ವಿಚಾರವನ್ನ ಎರಡು ಮನೆಯವರಿಗೆ ತಿಳಿಸಿ ಗುರು-ಹಿರಿಯರು ಸಮ್ಮುಖದಲ್ಲಿ ನಿಶ್ಚಿತಾರ್ಥವನ್ನು ಮಾಡಿಕೊಂಡಿದ್ದಾರೆ. ಖುದ್ದು ಈ ಫೋಟೋವನ್ನ ಗೌತಮಿ ಗೌಡ ಮತ್ತು ಫೇಸ್ ಬುಕ್ ಮತ್ತು ಇನ್ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಮಾಡಿಕೊಂಡಿದ್ದಾರೆ.

in pics: ಗೌತಮಿ ಗೌಡ ನಿಶ್ಚಿತಾರ್ಥ ಫೋಟೋಗಳು

ಹಲವು ವರ್ಷಗಳ ಸ್ನೇಹಿತ

ಅಂದ್ಹಾಗೆ, ಜಾರ್ಜ್ ಕ್ರಿಸ್ಟಿ ಮತ್ತು ಗೌತಮಿ ಗೌಡ ಹಲವು ವರ್ಷಗಳ ಸ್ನೇಹಿತರು. ತಮ್ಮ ಸ್ನೇಹ, ಪ್ರೀತಿ ನಂತರ ಈಗ ದಾಂಪತ್ಯದ ಕಡೆ ಸಾಗಿದೆ. ಮೂಲತಃ ಕ್ರಿಶ್ಚಿಯನ್ ಸಮುದಾಯದವರಾಗಿರುವ ಜಾರ್ಜ್ ಕ್ರಿಸ್ಟಿ ಅವರು, ಗೌತಮಿ ಅವರ ಕುಟುಂಬಕ್ಕೂ ಪರಿಚಯ ಇದ್ದರು. ಹೀಗಾಗಿ, ಇವರ ನಡುವಿನ ಬಾಂಧವ್ಯ ಮದುವೆಗೆ ತಿರುಗಿದೆ.

ಉಂಗುರ ಬದಲಿಸಿಕೊಂಡ ಬಾಲಿವುಡ್ ನಟ ಪ್ರತೀಕ್ ಬಬ್ಬರ್

ಮದುವೆ ದಿನಾಂಕದ ಬಗ್ಗೆ ಮಾಹಿತಿ ಇಲ್ಲ

ಸದ್ಯ, ಸಂಪ್ರದಾಯವಾಗಿ ಎಂಗೇಜ್ ಮೆಂಟ್ ಮಾಡಿಕೊಂಡಿರುವ ಗೌತಮಿ ಗೌಡ ಮತ್ತು ಜಾರ್ಜ್ ಕ್ರಿಸ್ಟಿ ಅವರ ವಿವಾಹದ ದಿನಾಂಕದ ಬಗ್ಗೆ ಮಾಹಿತಿ ಸಿಕ್ಕಿಲ್ಲ. ಇದೇ ವರ್ಷ ಮುಹೂರ್ತ ನಡೆಯಲಿದೆ ಎನ್ನಲಾಗುತ್ತಿದೆ.

ಗೌತಮಿ ಗೌಡ ಅವರ ಕುರಿತು

‘ಚಿ.ಸೌ. ಸಾವಿತ್ರಿ', ‘ಮುತ್ತಿನ ಪಲ್ಲಕ್ಕಿ' ಸೇರಿದಂತೆ ಹಲವಾರು ಧಾರಾವಾಹಿ, ಸಿನಿಮಾಗಳಲ್ಲಿ ಅಭಿನಯಿಸಿರುವ ನಟಿ ಗೌತಮಿ ಗೌಡ ಬಿಗ್ ಬಾಸ್ ರಿಯಾಲಿಟಿ ಶೋನಿಂದ ಹೆಚ್ಚು ಖ್ಯಾತಿ ಗಳಿಸಿಕೊಂಡಿದ್ದರು.