ಈ ಬಾರಿಯೂ ಚಾಂಪಿಯನ್ ಆಗುವತ್ತ ಸುದೀಪ್ ತಂಡ

ರಾಜೀವ್ ವಿರೋಚಿತ ಶತಕ

ಈ ಬಾರಿಯೂ ರಾಜೀವ್ ಅವರ ವಿರೋಚಿತ ಶತಕ (33 ಬಾಲ್ ಗೆ 111) ಹಾಗೂ ಪ್ರದೀಪ್ ಅವರ ಆಕರ್ಷಕ ಆಟ (16 ಬಾಲ್ ಗಳಿಗೆ 32 ರನ್) ತಂಡದ ಗೆಲುವಿಗೆ ಭದ್ರ ಬುನಾದಿ ಹಾಕಿತು. ರಾಹುಲ್ ಹಾಗೂ ಡಿ ಶರ್ಮ ಅವರ ಎಚ್ಚರಿಕೆಯ ನಡೆಯೂ ತಂಡದ ಗೆಲುವಿಗೆ ಸಹಕಾರಿಯಾಯಿತು.

ಪಾಯಿಂಟ್ ಪಟ್ಟಿಯಲ್ಲಿ ಮೇಲುಗೈ

ಒಟ್ಟಾರೆ ಈ ಪಂದ್ಯದಲ್ಲಿ ಬೆಂಗಲ್ ಟೈಗರ್ಸ್ ಅವರ ಕಳಪೆ ಪ್ರದರ್ಶನ ಕರ್ನಾಟಕ ಬುಲ್ಡೋಜರ್ಸ್ ಭರ್ಜರಿ ಜಯಭೇರಿಗೆ ಕಾರಣವಾಯಿತು. ಕರ್ನಾಟಕ ಬುಲ್ಡೋಜರ್ಸ್ ತಂಡ 4 ಪಾಯಿಂಟ್ ಗಳಿಂದ ಪಟ್ಟಿಯಲ್ಲಿ ಉಳಿದೆಲ್ಲ ತಂಡಗಳಿಗಿಂತ ಮೇಲಿದೆ.

ಜ.24ರಂದು ತೆಲುಗು ವಾರಿಯರ್ಸ್ ವಿರುದ್ಧ

ಜನವರಿ 24ರಂದು ಹೈದರಾಬಾದಿನ ಲಾಲ್ ಬಹದ್ದೂರ್ ಮೈದಾನದಲ್ಲಿ ತೆಲುಗು ವಾರಿಯರ್ಸ್ ತಂಡದೊಂದಿಗೆ ಕರ್ನಾಟಕ ಬುಲ್ಡೋಜರ್ಸ್ ತಂಡ ಮುಖಾಮುಖಿಯಾಗಲಿದೆ. ಆ ಪಂದ್ಯವೂ ಗೆದ್ದರೆ ಸೆಮಿ ಫೈನಲ್ ತಲುಪಲಿದೆ ಕಿಚ್ಚನ ತಂಡ.

ಹ್ಯಾಟ್ರಿಕ್ ಸಂಭ್ರಮದ ಕನಸು ನನಸಾಗುತ್ತಾ?

ಅಂದಹಾಗೆ ಕರ್ನಾಟಕ ಬುಲ್ಡೋಜರ್ಸ್ ತಂಡ 2013 ಹಾಗೂ 2014ರಲ್ಲಿ ಸತತ ಎರಡು ಬಾರಿ ಚಾಂಪಿಯನ್ ಆಗಿತ್ತು. ಈ ಬಾರಿಯೂ ಚಾಂಪಿಯನ್ ಆದರೆ ಕರ್ನಾಟಕ ಬುಲ್ಡೋಜರ್ಸ್ ತಂಡಕ್ಕೆ ಹ್ಯಾಟ್ರಿಕ್ ಸಂಭ್ರಮ.

ಕಿಚ್ಚ ಸುದೀಪ್ ತಂಡದ ಪಕ್ಕಾ ಪ್ಲಾನ್

ಕಿಚ್ಚ ಸುದೀಪ್ ತಂಡ ಪಕ್ಕಾ ಪ್ಲಾನ್ ಪ್ರಕಾರ ಆಡುತ್ತಿದೆ. ಉಳಿದ ತಂಡಗಳ ಆಟವನ್ನು ನೋಡಿದಾಗ ಸಾಕಷ್ಟ ತರಬೇತಿ, ಕರಸತ್ತು ಏನೂ ಮಾಡಿದಂತೆ ಕಾಣುತ್ತಿಲ್ಲ. ಅವರ ಆ ವೀಕ್ ನೆಸ್ ಕಿಚ್ಚನ ತಂಡಕ್ಕೆ ಪ್ಲಸ್ ಆಗಲಿದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ.