ಶೈನ್ ಶೆಟ್ಟಿಯನ್ನು ಪ್ರೀತಿಸುತ್ತಿದ್ದೀರಾ? ಚೈತ್ರಾ ಕೋಟೂರ್ ಕೊಟ್ಟ ಉತ್ತರ

ಶೈನ್ ಶೆಟ್ಟಿ ಕುರಿತ ಪ್ರಶ್ನೆಗೆ ಚೈತ್ರಾ ಉತ್ತರ

ಶೈನ್ ಶೆಟ್ಟಿ ಬಗ್ಗೆ ತೂರಿಬಂದ ಪ್ರೇಮ ಪ್ರಶ್ನೆ ಓದಿ ನಕ್ಕುಬಿಟ್ಟ ಚೈತ್ರಾ ಕೋಟೂರ್, 'ಹಾಗೇನೂ ಇಲ್ಲ, ಆತ ನನಗೆ ಒಳ್ಳೆಯ ಗೆಳೆಯನಷ್ಟೆ, ಆತ ಮಾತ್ರವಲ್ಲ ಬಿಗ್‌ಬಾಸ್‌ ನಲ್ಲಿ ಜೊತೆಗಿದ್ದ ಎಲ್ಲರೂ ಒಳ್ಳೆಯ ಗೆಳೆಯರು' ಎಂದರು ಚೈತ್ರಾ ಕೊಟ್ಟೂರು.

ಸ್ಪರ್ಧಿಗಳೊಂದಿಗೆ ಒಂದು ಬಾಂಧವ್ಯ ಏರ್ಪಟ್ಟಿರುತ್ತದೆ: ಚೈತ್ರಾ

ಮುಂದುವರೆದು ಮಾತನಾಡಿದ ಚೈತ್ರಾ, ಬಿಗ್‌ಬಾಸ್ ಮನೆಯಲ್ಲಿದ್ದಾಗ ಎಲ್ಲರೂ ಒಟ್ಟಿಗೆ ಬದುಕಿರ್ತೀವಿ, ಎಲ್ಲವನ್ನೂ ಸಮನಾಗಿ ಹಂಚಿಕೊಂಡು ಬಾಳ್ವೆ ಮಾಡಿರ್ತೀವಿ, ಅದೊಂದು ಬಾಂಧವ್ಯ ನಮ್ಮೆಲ್ಲರ ನಡುವೆ ಏರ್ಪಟ್ಟಿರುತ್ತದೆ. ಹಾಗಾಗಿ ಬಿಗ್‌ಬಾಸ್ ಮುಗಿದ ಮೇಲೂ ಗೆಳೆತನ ಮುಂದುವರೆಸಿಕೊಂಡು ಹೋಗುತ್ತೀವಿ ಎಂದರು.

''ಜನರಿಗೆ ಇಷ್ಟವಾಗುವುದನ್ನು ಮಾತ್ರವೇ ಪ್ರಸಾರ ಮಾಡ್ತಾರೆ''

ದಿನದ 24 ಗಂಟೆ ನಡೆಯುವ ಘಟನೆಗಳನ್ನು ಎಡಿಟ್ ಮಾಡಿ ಒಂದು ಗಂಟೆಗೆ ಸೀಮಿತ ಮಾಡಿರುತ್ತಾರೆ. ಯಾವುದು ಜನರಿಗೆ ಇಷ್ಟವಾಗುತ್ತದೆಯೋ ಅದನ್ನೇ ಆಯ್ದುಕೊಂಡಿರುತ್ತಾರೆ, ಹಾಗಾಗಿ ಜನರಿಗೆ ಕೆಲವೊಮ್ಮೆ ಯಾವದೋ ಇಬ್ಬರು ಸ್ಪರ್ಧಿಗಳು ಹೆಚ್ಚು ಆಪ್ತರು ಎನಿಸಬಹುದು ಆದರೆ ನಿಜಕ್ಕೂ ಹಾಗೆ ಇರುವುದಿಲ್ಲ ಎಂದು ಚೈತ್ರಾ ಹೇಳಿದ್ದಾರೆ.

ಬಿಗ್‌ಬಾಸ್ ಎಂಬುದು ಆಟವಷ್ಟೆ: ಚೈತ್ರಾ

ಬಿಗ್‌ಬಾಸ್ ಎಂಬುದು ಆಟವಷ್ಟೆ, ಅದನ್ನು ಆಟವೆಂದೇ ನಾವೆಲ್ಲಾ ಆಡಿದ್ದೇವೆ, ಅಲ್ಲಿನ ಟಾಸ್ಕ್‌ಗಳಿಗೂ, ಅಲ್ಲಿನ ಆ ಕ್ಷಣದ ವರ್ತನೆಗೂ ನಿಜ ಜೀವನಕ್ಕೂ ಹೆಚ್ಚು ಸಂಬಂಧವಿಲ್ಲ, ಬಿಗ್‌ಬಾಸ್‌ ಮನೆಯ ಟಾಸ್ಕ್‌ಗಳನ್ನು ಗಂಭೀರವಾಗಿ ಪರಿಗಣಿಸಿದರೆ ಹೊರಗೆ ಬಂದ ಮೇಲೆ ನಾವುಗಳು ಒಬ್ಬರನ್ನೊಬ್ಬರು ಮಾತನಾಡಿಸುವಂತೆಯೇ ಇರಲಿಲ್ಲ ಅಷ್ಟು ಜಗಳ ಆಡಿದ್ದೆವು ಎಂದರು ಚೈತ್ರಾ.