ಶಿವರಾಜ್‌ ಕುಮಾರ್ ಮನೆಗೆ ಹಳೆಯ ಗೆಳೆಯ ವೆಂಕಟೇಶ್ ಪ್ರಸಾದ್ ಭೇಟಿ

Published: Friday, August 7, 2020, 23:02 [IST]

ಶಿವರಾಜ್ ಕುಮಾರ್ ನಿವಾಸ ಈಗ ಕನ್ನಡ ಚಿತ್ರರಂಗದ ಶಕ್ತಿ ಕೇಂದ್ರವಾಗಿದೆ. ಶಿವಣ್ಣನಿಗೆ ಚಂದನವನದ ಜವಾಬ್ದಾರಿ ವಹಿಸಿದಮೇಲೆ ಶಿವಣ್ಣನ ನಿವಾಸಕ್ಕೆ ಭೇಟಿ ನೀಡುತ್ತಿರುವವರ ಸಂಖ್ಯೆ ಹೆಚ್ಚಾಗುತ್ತಿದೆ.

Recommended Video

KABZA A NEW VISION OF UNDERWORLD PHOTOSHOOT | UPENDRA | KABZA | R CHANDRU| Filmibeat Kannada

ಇತ್ತೀಚೆಗಷ್ಟೆ ಡಿ.ಕೆ.ಶಿವಕುಮಾರ್, ಸಿಟಿ ರವಿ ಅಂಥಹಾ ಸಕ್ರಿಯ ರಾಜಕೀಯದ ಪ್ರಭಲ ನಾಯಕರು ಭೇಟಿ ನೀಡಿದ್ದರು. ಇದೀಗ ಮಾಜಿ ಕ್ರಿಕೆಟಿಗರೊಬ್ಬರು ಶಿವರಾಜ್ ಕುಮಾರ್ ನಿವಾಸಕ್ಕೆ ಭೇಟಿ ನೀಡಿದ್ದಾರೆ.

ಶಿವರಾಜ್ ಕುಮಾರ್ ಅವರ ಹಳೆಯ ಸ್ನೇಹಿತರೂ ಆಗಿರುವ ಮಾಜಿ ಕ್ರಿಕೆಟಿಗ ವೆಂಕಟೇಶ್ ಪ್ರಸಾದ್ ಅವರು ಇಂದು ಶಿವಣ್ಣನ ನಿವಾಸಕ್ಕೆ ಭೇಟಿ ನೀಡಿ ಕೆಲಕಾಲ ಮಾತುಕತೆ ನಡೆಸಿದರು. ಈ ಸಂದರ್ಭದಲ್ಲಿ ನಿರ್ದೇಶಕರಾದ ಆರ್.ಚಂದ್ರು, ಕೆ.ಪಿ.ಶ್ರೀಕಾಂತ್ ಸಹ ಜೊತೆಯಲ್ಲಿದ್ದರು.

ಇಬ್ಬರೂ ಹಳೆಯ ಸ್ನೇಹಿತರು

ಶಿವರಾಜ್ ಕುಮಾರ್ ಹಾಗೂ ವೆಂಕಟೇಶ್ ಪ್ರಸಾದ್ ಹಳೆಯ ಸ್ನೇಹಿತರು. ಮುಂಚೆ ಕೆಲವು ಬಾರಿ ಒಟ್ಟಿಗೆ ಕ್ರಿಕೆಟ್ ಆಡಿದ್ದು ಸಹ ಉಂಟು. ಕರ್ನಾಟಕದ ಸಾಕಷ್ಟು ಕ್ರಿಕೆಟಿಗರೊಂದಿಗೆ ಶಿವರಾಜ್ ಕುಮಾರ್ ಉತ್ತಮ ಸ್ನೇಹ ಹೊಂದಿದ್ದಾರೆ. ಅನಿಲ್ ಕುಂಬ್ಳೆ ಸಹ ಶಿವಣ್ಣನಿಗೆ ಆತ್ಮೀಯರು.

ಶಿವಣ್ಣನಿಗೆ ಕ್ರಿಕೆಟ್ ಅಚ್ಚು-ಮೆಚ್ಚು

ಶಿವರಾಜ್‌ ಕುಮಾರ್ ಅವರಿಗೆ ಕ್ರಿಕೆಟ್‌ ಎಂದರೆ ಪಂಚಪ್ರಾಣ. ಕೊರೊನಾ ಸಮಯದಲ್ಲಿ ತಮ್ಮ ನಿವಾಸದ ಬಳಿ ಬಾರಿ ಕ್ರಿಕೆಟ್ ಆಡುವುದನ್ನು ಅಭ್ಯಾಸ ಮಾಡಿಕೊಂಡಿದ್ದಾರೆ ಶಿವಣ್ಣ. ಈ ಕ್ರಿಕೆಟ್ ಆಟಕ್ಕೆ ಸಿನಿಮಾದ ಕೆಲವು ಸ್ನೇಹಿತರನ್ನು ಆಹ್ವಾನಿಸುತ್ತಾರೆ.

ರಣಜಿ ತಂಡಕ್ಕೆ ಪ್ರಯತ್ನಿಸಿದ್ದರು

ಉತ್ತಮ ಕ್ರಿಕೆಟ್ ಪಟು ಆಗಿದ್ದ ಶಿವರಾಜ್ ಕುಮಾರ್, ತಮಿಳುನಾಡು ರಣಜಿ ಕ್ರಿಕೆಟ್ ತಂಡಕ್ಕೆ ಆಯ್ಕೆ ಆಗುವ ಕನಸು ಇಟ್ಟುಕೊಂಡಿದ್ದರು. ಆದರೆ ಕೊನೆಯ ಹಂತದಲ್ಲಿ ಶಿವರಾಜ್ ಕುಮಾರ್ ಆಯ್ಕೆ ಆಗಲಿಲ್ಲ. ನಂತರ ಅವರ ಸಿನಿಮಾ ರಂಗಕ್ಕೆ ಬಂದರು.