'ಬೇಬಿ ಡಾನ್ಸ್ ಫ್ಲೋರ್ ರೆಡಿ..' ಹಾಡಿಗಾಗಿ ದರ್ಶನ್ ತಯಾರಿ ಹೇಗಿತ್ತು ನೋಡಿ!

ರಾಬರ್ಟ್ ನಲ್ಲಿ ದರ್ಶನ್ ಭರ್ಜರಿ ಡಾನ್ಸ್

ರಾಬರ್ಟ್ ಸಾಕಷ್ಟು ವಿಚಾರಗಳಿಗೆ ಅಭಿಮಾನಿಗಳ ಗಮನ ಸೆಳೆದಿದೆ. ಪ್ರಮುಖವಾಗಿ ದರ್ಶನ್ ಡಾನ್ಸ್ ನೋಡಿ ಅಭಿಮಾನಿಗಳು ಸಹ ಕುಣಿದು ಕುಪ್ಪಳಿಸುತ್ತಿದ್ದಾರೆ. ಬೇಬಿ ಡಾನ್ಸ್ ಫ್ಲೋರ್ ರೆಡಿ.. ಹಾಡಿನಲ್ಲಿ ಡಿ ಬಾಸ್ ಸಖತ್ ಸ್ಟೆಪ್ ನೋಡಿ ಫ್ಯಾನ್ಸ್ ಅಚ್ಚರಿ ಪಟ್ಟಿದ್ದಾರೆ.

ರಿಹರ್ಸಲ್ ಮೇಕಿಂಗ್ ವಿಡಿಯೋ

ಹಾಡಿನ ಚಿತ್ರೀಕರಣಕ್ಕೂ ಮೊದಲು ದರ್ಶನ್ ಒಂದು ದಿನ ನೃತ್ಯ ತರಬೇತಿ ನಡೆಸಿದ್ದಾರೆ. ಇದೀಗ ಚಾಲೆಂಜಿಂಗ್ ಸ್ಟಾರ್ ರಿಹರ್ಸಲ್ ನಡೆಸಿರುವ ಮೇಕಿಂಗ್ ವಿಡಿಯೋವನ್ನು ರಿಲೀಸ್ ಮಾಡಲಾಗಿದೆ. ನೃತ್ಯ ನಿರ್ದೇಶಕ ಭೂಷಣ್ ಡಾನ್ಸ್ ಸ್ಟೆಪ್ ನೋಡಿ ಫಿದಾ ಆಗಿರುವ ದರ್ಶನ್, ಈ ಹಿಂದೆ ಯಾವುದೇ ಸಿನಿಮಾದಲ್ಲೂ ಮಾಡಿರದ ಕಷ್ಟದ ಸ್ಟೆಪ್‌ಗಳನ್ನು ಕಲಿತು ರಾಬರ್ಟ್ ಚಿತ್ರದಲ್ಲಿ ಹೆಜ್ಜೆ ಹಾಕಿದ್ದಾರೆ.

ತರುಣ್ ಸುಧೀರ್ ಸಂತಸ

ಡಿ ಬಾಸ್ ಗೆ ನಾಯಕಿ ಆಶಾ ಭಟ್ ಕೂಡ ಸಾಥ್ ನೀಡಿದ್ದು, ಅದ್ಭುತವಾಗಿ ನೃತ್ಯ ಮಾಡಿದ್ದಾರೆ. ಈ ಬಗ್ಗೆ ಇಡೀ ಟೀಂ ಫುಲ್ ಖುಷ್ ಆಗಿದೆ. ಸದ್ಯ ರಿಲೀಸ್ ಆಗಿರುವ ಮೇಕಿಂಗ್ ವಿಡಿಯೋದಲ್ಲಿ ಈ ಹಾಡು ಅದ್ಭುತವಾಗಿ ಮೂಡಿಬಂದಿರುವ ಬಗ್ಗೆ ನಿರ್ದೇಶಕ ತರುಣ್ ಸುಧೀರ್ ಸಂತಸ ವ್ಯಕ್ತಪಡಿಸಿದ್ದಾರೆ.

ಕರ್ನಾಟಕದಲ್ಲಿ 656 ಚಿತ್ರಮಂದಿರಗಳಲ್ಲಿ ರಿಲೀಸ್

ಕರ್ನಾಟಕ ರಾಜ್ಯಾದ್ಯಂತ ಸುಮಾರು 656 ಚಿತ್ರಮಂದಿರಗಳಲ್ಲಿ ರಾಬರ್ಟ್ ಸಿನಿಮಾ ತೆರೆಕಾಣುತ್ತಿದೆ. ಸದ್ಯದ ವರದಿ ಪ್ರಕಾರ, ಕನ್ನಡ ಸಿನಿಮಾವೊಂದು ನಮ್ಮ ರಾಜ್ಯದಲ್ಲಿ ಇಷ್ಟು ದೊಡ್ಡ ಮಟ್ಟದ ಬಿಡುಗಡೆ ಕಾಣುತ್ತಿರುವುದು ಇದೇ ಮೊದಲು. ಪೊಗರು ಹಾಗೂ ಹೀರೋ ಸಿನಿಮಾ ಪ್ರದರ್ಶನವಾಗುತ್ತಿದ್ದ ಹಲವು ಚಿತ್ರಮಂದಿರಗಳು ರಾಬರ್ಟ್ ಪಾಲಾಗಿದೆ ಎಂಬ ವಿಚಾರವೂ ವರದಿಯಾಗಿದೆ. ಕನ್ನಡದ ಜೊತೆಗೆ ತೆಲುಗಿನಲ್ಲೂ ಅತೀ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆಗೆ ಬರುತ್ತಿದೆ.