ಮುನಿರತ್ನ ಬೆನ್ನಿಗೆ ಬಿದ್ದ ಡಿ-ಬಾಸ್ ಫ್ಯಾನ್ಸ್: ಹೋದಲ್ಲಿ ಬಂದಲ್ಲಿ ಒಂದೇ ಪ್ರಶ್ನೆ.!

ಮುನಿರತ್ನ ಫೇಸ್ ಬುಕ್ ಪೇಜ್ ನಲ್ಲಿ 'ಕುರುಕ್ಷೇತ್ರ'

ಮುನಿರತ್ನ ಸದ್ಯ ರಾಜಕೀಯ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ. ಸಭೆ, ಪ್ರಚಾರ ಅಂತ ಓಡಾಡುತ್ತಿರುವ ಮುನಿರತ್ನ ರಾಜಕೀಯ ವಿಚಾರವಾಗಿ ಫೇಸ್ ಬುಕ್ ನಲ್ಲಿ ಯಾವುದೆ ಪೋಸ್ಟ್ ಗಳನ್ನು ಹಾಕಿದ್ರು ಅದಕ್ಕೆ ಅಭಿಮಾನಿಗಳು 'ಮೊದಲು 'ಕುರುಕ್ಷೇತ್ರ' ಸಿನಿಮಾ ರಿಲೀಸ್ ಮಾಡಿ ಸಾರ್' ಎನ್ನುವ ಕಮೆಂಟ್ ಗಳನ್ನು ಹಾಕುತ್ತಿದ್ದಾರೆ. ಡಿ ಬಾಸ್ ಸಿನಿಮಾ ಮೊದಲು ತೋರಿಸಿ ಆಮೇಲೆ ನಿಮ್ಮ ಕೆಲಸಗಳನ್ನು ಮಾಡಿ ಎಂದು ರೊಚ್ಚಿಗೆದ್ದಿದ್ದಾರೆ.

ಚುನಾವಣೆ ಮುಗಿದರು ಕಾಣುತ್ತಿಲ್ಲ ರಿಲೀಸ್ ಸೂಚನೆ

ಈ ಮೊದಲು 'ಕುರುಕ್ಷೇತ್ರ' ರಿಲೀಸ್ ಯಾವಾಗ ಅಂದ್ರೆ ಚುನಾವಣೆ ಎಂಬ ನೆಪ ಎದುರಾಗಿತ್ತು. ರಾಜಕೀಯದಲ್ಲಿ ಬ್ಯುಸಿ ಇದ್ದ ಮುನಿರತ್ನ ಅವರಿಗೆ ಸಿನಿಮಾ ಕಡೆ ಗಮನ ಕೊಡಲು ಸಾಧ್ಯವಾಗಿರಲಿಲ್ಲ. ಅಲ್ಲದೆ ನಿಖಿಲ್ ಕೂಡ ಬಣ್ಣ ಹಚ್ಚಿರುವ ಕಾರಣ ನೀತಿ ಸಂಹಿತೆ ಎದುರಾಗಿದೆ. ಹಾಗಾಗಿ ಸಿನಿಮಾ ಬಿಡುಗೆಡೆಯ ಬಗ್ಗೆ ಚುನಾವಣೆಯ ನಂತರ ಹೇಳುತ್ತಾರೆ ಎಂದು ಅಭಿಮಾನಿಗಳ ಆಸೆಯಾಗಿತ್ತು. ಆದ್ರೀಗ ಚುವಾವಣೆ ಮುಗಿದು ದಿನಗಳೆ ಕಳೆದರು 'ಕುರುಕ್ಷೇತ್ರ' ರಿಲೀಸ್ ಬಗ್ಗೆ ಯಾವುದೇ ಸುಳಿವು ಸಿಗುತ್ತಿಲ್ಲ.

ಸಿ ಎಂ v/s ದರ್ಶನ್ ಎಫೆಕ್ಟ್ ಆಗಬಹುದಾ

ಕುರುಕ್ಷೇತ್ರ ಸಿನಿಮಾದಲ್ಲಿ ಸಿ ಎಂ ಕುಮಾರ ಸ್ವಾಮಿ ಮಗ ನಿಖಿಲ್ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಆದ್ರೆ ಕುರುಕ್ಷೇತ್ರ ದರ್ಶನ್ ಅವರ 50ನೇ ಸಿನಿಮಾ. ಸದ್ಯದ ಪರಿಸ್ಥಿತಿಯಲ್ಲಿ ದರ್ಶನ್ ಮತ್ತು ಸಿ ಎಂ ನಡುವೆ ಯಾವುದು ಸರಿ ಇಲ್ಲ. ಮಂಡ್ಯ ಪ್ರಚಾರದ ಅಖಾಡದಿಂದ ಶುರುವಾದ ಮಾತಿನ ವಾರ್ ಇಂದಿಗೂ ಮುಂದುವರೆದಿದೆ. ಇದರ ನಡುವೆ ಮುನಿರತ್ನ ಸಿಎಂ ಕುಮಾರಸ್ವಾಮಿಗೆ ತೀರ ಆಪ್ತರು. ಈ ಎಲ್ಲಾ ಕಾರಣಗಳು ಕುರುಕ್ಷೇತ್ರ ಸಿನಿಮಾ ರಿಲೀಸ್ ಆಗಲು ತಡವಾಗುತ್ತಿದೆಯ ಎನ್ನು ಅನುಮಾನಗಳು ಕಾಡುತ್ತಿದೆ.

ನಾಲ್ಕು ಭಾಷೆಯ ಪೋಸ್ಟರ್ಸ್ ರಿಲೀಸ್

ಇತ್ತೀಚಿಗಷ್ಟೆ ನಾಲ್ಕು ಭಾಷೆಯ ಟೈಟಲ್ ಪೋಸ್ಟರ್ ರಿಲೀಸ್ ಮಾಡುವ ಮೂಲಕ ಸಿನಿಮಾ ಸಿನಿಮಾ ಕೆಲಸಗಳು ನಡೆಯುತ್ತಿದೆ ಎನ್ನುವುದನ್ನು ತೋರಿಸಿಕೊಟ್ಟಿದ್ದರು. 2ಡಿ ಮತ್ತು 3ಡಿ ಎರಡರಲ್ಲು ಸಿನಿಮಾ ತಯಾರಾಗಿದೆ. ಕನ್ನಡ ಜೊತೆಗೆ ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಯಲ್ಲೂ ಚಿತ್ರ ತೆರೆಗೆ ಬರುತ್ತಿದೆ. ಎಲ್ಲಾ ಕೆಲಸಗಳನ್ನು ಮುಗಿಸಿರುವ ಕುರುಕ್ಷೇತ್ರ ಯಾವಾಗ ತೆರೆಗೆ ಬರುತ್ತೆ ಎನ್ನುವುದೇ ದೊಡ್ಡ ಪ್ರಶ್ನೆ ಆಗಿದೆ.