'ಕೆಸಿಸಿ'ಗೆ ಬರದಿದ್ದರೂ ಸ್ಟೇಡಿಯಂ ತುಂಬ 'ಡಿ ಬಾಸ್' ಜೈಕಾರ

ಸ್ಟೇಡಿಯಂ ತುಂಬ ಡಿ ಬಾಸ್ ಜಪ

ಎರಡು ದಿನಗಳು ನಡೆದ 'ಕೆಸಿಸಿ' ಸೀಸನ್ 2 ನಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಭಾಗಿ ಆಗದೇ ಇದ್ದರೂ ಕೂಡ ಅವರ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಿಸಿಕೊಂಡಿದ್ದು ವಿಶೇಷವಾಗಿತ್ತು.

ದರ್ಶನ್ ಫೋಟೋ ಹಿಡಿದು ಜೈಕಾರ

ಚಾಲೆಂಜಿಂಗ್ ಸ್ಟಾರ್ ಆಟ ಆಡುತ್ತಿಲ್ಲ ಎಂದು ತಿಳಿದಿದ್ದರೂ ಕೂಡ ಅಭಿಮಾನಿಗಳು ತನ್ನ ನೆಚ್ಚಿನ ನಟನ ಫೋಟೋ ಮತ್ತು ನೇಮ್ ಪ್ಲೇಟ್ ಗಳನ್ನು ಹಿಡಿದು ಜೈಕಾರ ಹಾಕಿದ್ರು. ಬಣ್ಣಗಳ ಮೂಲಕ ಡಿ ಬಾಸ್ ಹೆಸರುಗಳನ್ನು ಬರೆಸಿಕೊಂಡು ಪ್ರಚಾರ ಮಾಡಿದ್ರು.

ದಾಸನಿಗಾಗಿ ಕಾದಿದ್ದ ಅಭಿಮಾನಿಗಳು

'ಕೆಸಿಸಿ' ಪ್ರೆಸ್ ಮೀಟ್ ನಲ್ಲಿ ಡಿ ಬಾಸ್ ಕಾಣಿಸಿಕೊಳ್ಳದಿದ್ದರೂ, ಪಂದ್ಯದ ನಡೆಯುವ ಸಮಯದಲ್ಲಾದರೂ ಸ್ಟೇಡಿಯಂ ನಲ್ಲಿ ಕಾಣಿಸಿಕೊಳ್ಳಬಹುದೆಂದು ಅಭಿಮಾನಿಗಳು ಕಾತುರರಾಗಿದ್ದರು. ಅದರ ಜೊತೆಯಲ್ಲಿ ಸ್ಟಾರ್ ಗಳು ಪ್ರವೇಶಿಸುವ ದಾರಿಯಲ್ಲಿ ಸಾಕಷ್ಟು ಅಭಿಮಾನಿಗಳು ಕಾದು ಕುಳಿತಿದ್ದರು.

ಮುಂದಿನ ಸೀಸನ್ ನಲ್ಲಿ ಬರ್ತಾರಾ ಡಿ ಬಾಸ್?

'ಕೆಸಿಸಿ' ಅಂತ ತಂಡ ಕಟ್ಟಿಕೊಂಡು ಕ್ರಿಕೆಟ್ ಆಡುತ್ತಿರುವ ಉದ್ದೇಶ ಕನ್ನಡ ಸಿನಿಮಾರಂಗದಲ್ಲಿ ಎಲ್ಲರೂ ಒಗ್ಗಟ್ಟಿನಿಂದ ಇರಬೇಕು ಎನ್ನುವುದು. ಹಾಗಾಗಿ ಮುಂದಿನ ಸೀಸನ್ ನಲ್ಲಾದರೂ ದರ್ಶನ್, ದುನಿಯಾ ವಿಜಯ್ ಸೇರಿದಂತೆ ಇನ್ನು ಉಳಿದುಕೊಂಡಿರುವ ಅನೇಕ ಸ್ಟಾರ್ ಗಳು ಸೇರಿಕೊಳ್ಳಲಿ ಎನ್ನುವುದು ನಮ್ಮ ಹಾಗೂ ಅಭಿಮಾನಿಗಳ ಆಶಯ.