ಜ್ಯೂನಿಯರ್ ಆರ್ಟಿಸ್ಟ್ ಮೇಲಿನ ಹಲ್ಲೆ ಆರೋಪಕ್ಕೆ ದರ್ಶನ್ ಕೊಟ್ಟ ಸ್ಪಷ್ಟನೆ ಏನು.?

ನಿರ್ಮಾಪಕರಿಗೆ ನಷ್ಟ ಆಗಲ್ವಾ.?

''ಸಿನಿಮಾ ಮೇಲೆ ಒಬ್ಬ ನಿರ್ಮಾಪಕ ಮೂವತ್ತು ಕೋಟಿ ಬಂಡವಾಳ ಹಾಕುತ್ತಾರೆ. ಸಹ ಕಲಾವಿದರಿಗೆ ಪ್ರತಿ ದಿನ ಪೇಮೆಂಟ್ ಕೊಡ್ತಾರೆ. ಬೆಳಗ್ಗೆ, ಮಧ್ಯಾಹ್ನ ಊಟ ಕೊಡ್ತಾರೆ. ಅವರಿಗೆ ಪಿಕಪ್-ಡ್ರಾಪ್ ಕೂಡ ಇದೆ. ಹೀಗಿದ್ದರೂ, ಅವರು ಮೊಬೈಲ್ ನಲ್ಲಿ ಚಿತ್ರೀಕರಣವನ್ನ ಸೆರೆ ಹಿಡಿಯಬಹುದೇ.?'' ಎನ್ನುತ್ತಾರೆ ನಟ ದರ್ಶನ್

ಕೇಳುವುದೇ ತಪ್ಪಾ.?

''ಇದೇ ಶೂಟಿಂಗ್ ನ ನಾವು ಪಬ್ಲಿಕ್ ಪ್ಲೇಸ್ ನಲ್ಲಿ ಮಾಡಿದ್ದು, ಅದನ್ನ ಜನ ಶೂಟ್ ಮಾಡಿದ್ರೆ, ಅದನ್ನ ಕೇಳುವ ಅಧಿಕಾರ ನಮಗೆ ಇರ್ತಿರ್ಲಿಲ್ಲ. ಯಾಕಂದ್ರೆ, ನಾವು ಪಬ್ಲಿಕ್ ಪ್ಲೇಸ್ ನಲ್ಲಿದ್ದೇವೆ. ಆದ್ರೆ, ನಾವು ಸೆಟ್ ನಲ್ಲಿ ಶೂಟ್ ಮಾಡ್ತಿರೋದನ್ನ, ಅವರು ರೆಕಾರ್ಡ್ ಮಾಡಿ ಕೇವಲ ಲೈಕ್ಸ್-ಕಾಮೆಂಟ್ಸ್ ಗೋಸ್ಕರ ಫೇಸ್ ಬುಕ್ ನಲ್ಲಿ ಹಾಕೊಂಡ್ರೆ, ಸಿನಿಮಾ ಏನಾಗುತ್ತೆ.? ಇದನ್ನೆಲ್ಲ ಕೇಳುವುದೇ ತಪ್ಪಾ.?'' ಎಂದು ಪ್ರಶ್ನಿಸುತ್ತಾರೆ ನಟ ದರ್ಶನ್

ದರ್ಶನ್ ನನಗೆ ಹೊಡೆದ್ರು ಅಂತಾರೆ ಶಿವಶಂಕರ್

''ದರ್ಶನ್ ಸರ್ ಏಕಾಏಕಿ ನನಗೆ ಹೊಡೆದು, ನನ್ನನ್ನ ಅವಾಚ್ಯ ಶಬ್ಧಗಳಿಂದ ನಿಂದಿಸಿದರು. ಫೋಟೋ ತೆಗೆದವರು ಯಾರು.? ಅವರನ್ನ ಹೊರಗೆ ಕಳುಹಿಸಿ ಅಂತ ದರ್ಶನ್ ಸರ್ ನನಗೆ ಹೇಳಬಹುದಿತ್ತು. ಆದ್ರೆ, ಏನ್ನನ್ನೂ ವಿಚಾರಿಸದೆ ನನ್ನ ಮೇಲೆ ಕೈ ಮಾಡಿದ್ದಾರೆ'' ಎಂದು ಆರೋಪಿಸುತ್ತಾರೆ ಶಿವಶಂಕರ್.

ನಿರ್ಮಾಪಕಿ ಶೈಲಜಾ ನಾಗ್ ಹೇಳುವುದೇನು.?

''ದರ್ಶನ್ ಹಾಗೆಲ್ಲ ಖಂಡಿತ ಮಾಡಿಲ್ಲ. ದರ್ಶನ್ ಹೊಡೆದಿಲ್ಲ. ''ಮೊಬೈಲ್ ನ ಇಳಿಸು.. ಎರಡು ಬಾರಿ ಈಗಾಗಲೇ ಹೇಳಿದ್ದೇವೆ'' ಅಂತ ಹೇಳಿದ್ರು ಅಷ್ಟೇ. ಅವರ ಮೇಲೆ ದರ್ಶನ್ ಕೈ ಮಾಡಿಲ್ಲ. ನಾನು ನಿರ್ಮಾಪಕಿ ಆಗಿ ಎದುರಿಗೇ ಕೂತಿದ್ದೆ'' ಅಂತ ಹೇಳ್ತಾರೆ 'ಯಜಮಾನ' ನಿರ್ಮಾಪಕಿ ಶೈಲಜಾ ನಾಗ್.