ದರ್ಶನ್ ಕಾಲಿಗೆ ಪೆಟ್ಟು: ತುಂಬ ಹೊತ್ತು ನಿಲ್ಲಲು 'ದಾಸ'ನಿಗೆ ಕಷ್ಟ

'ತಾರಕ್' ಚಿತ್ರೀಕರಣದ ಸಮಯದಲ್ಲಿ ಪೆಟ್ಟು

'ತಾರಕ್' ಚಿತ್ರದ ಶೂಟಿಂಗ್ ಟೈಮ್ ನಲ್ಲಿ ದರ್ಶನ್ ಕಾಲಿಗೆ ಪೆಟ್ಟು ಬಿದ್ದಿದೆ. ಆ ಪೆಟ್ಟು ಇನ್ನೂ ವಾಸಿ ಆಗದ ಕಾರಣ ದರ್ಶನ್ ಇನ್ನೂ ಕಷ್ಟ ಪಟ್ಟುಕೊಂಡೇ ನಡೆಯುತ್ತಿದ್ದಾರೆ.

ರಗ್ಬಿ ಆಟದ ಸನ್ನಿವೇಶ

'ತಾರಕ್' ಚಿತ್ರದಲ್ಲಿ ರಗ್ಬಿ ಆಟದ ಸನ್ನಿವೇಶ ಚಿತ್ರೀಕರಿಸುವಾಗ, ದರ್ಶನ್ ರವರ ಕಾಲಿಗೆ ಚೆಂಡು ಬಿತ್ತಂತೆ. ಅಲ್ಲಿಂದ ದರ್ಶನ್ ಕಾಲಲ್ಲಿ ನೋವು ಕಾಣಿಸಿಕೊಂಡಿದೆ.

ತುಂಬಾ ಹೊತ್ತು ನಿಲ್ಲಲು ಆಗಲ್ಲ

ಕಾಲು ನೋವಿನ ಪರಿಣಾಮ ತುಂಬಾ ಹೊತ್ತು ನಿಲ್ಲಲು ದರ್ಶನ್ ಗೆ ಆಗುತ್ತಿಲ್ಲ. ವೈದ್ಯರು ರೆಸ್ಟ್ ತೆಗೆದುಕೊಳ್ಳುವುದಕ್ಕೆ ಹೇಳಿದ್ದರೂ, ವೃತ್ತಿಪರತೆ ಮೆರೆದಿರುವ ದರ್ಶನ್ 'ತಾರಕ್' ಚಿತ್ರದ ಡಬ್ಬಿಂಗ್ ಕಾರ್ಯದಲ್ಲಿ ತೊಡಗಿದ್ದಾರೆ.

'ತಾರಕ್' ಬಿಡುಗಡೆ ಯಾವಾಗ.?

64 ದಿನಗಳಲ್ಲಿ ಶೂಟಿಂಗ್ ಮುಗಿಸಿರುವ 'ತಾರಕ್' ಚಿತ್ರ ಸೆಪ್ಟೆಂಬರ್ 29 ರಂದು ತೆರೆಗೆ ಬರಲಿದೆ.