ಅಪರೂಪದ ಅಭಿಮಾನಿಯನ್ನ ಭೇಟಿ ಮಾಡಿದ ಚಾಲೆಂಜಿಂಗ್ ಸ್ಟಾರ್

ಅಪರೂಪದ ಅಭಿಮಾನಿ ಶ್ಯಾಮ್

ಶ್ಯಾಮ್ ಮೂಲತಃ ಬೆಂಗಳೂರಿನವರು. ಸಾಕಷ್ಟು ವರ್ಷಗಳಿಂದ ದರ್ಶನ್ ಹಾಗೂ ಅವರ ತಂದೆ ತೂಗುದೀಪ ಶ್ರೀನಿವಾಸ್ ಅವರ ಅಭಿಮಾನಿ. ಚಾಲೆಂಜಿಂಗ್ ಸ್ಟಾರ್ ಅಭಿನಯದ ಪ್ರತಿ ಸಿನಿಮಾವನ್ನ ನೋಡುವುದರ ಜೊತೆಗೆ ಚಿತ್ರ ಬಿಡುಗಡೆಯ ದಿನವನ್ನ ಹಬ್ಬದಂತೆ ಆಚರಣೆ ಮಾಡುತ್ತಾರೆ.

ಹೆಸರು ಬದಲಿಸಿಕೊಂಡ ಅಭಿಮಾನಿ

ದರ್ಶನ್ ಅವರ ಮೇಲಿನ ಅಭಿಮಾನಕ್ಕಾಗಿ ಶ್ಯಾಮ್ ತಮ್ಮ ಹೆಸರಿನ ಜೊತೆಗೆ ಗಜ ತೂಗುದೀಪ ಎಂದು ಸೇರಿಸಿಕೊಂಡಿದ್ದಾರೆ. ದರ್ಶನ್ ಅಭಿಮಾನಿಗಳ ಸಮೂಹದಲ್ಲಿ ಶ್ಯಾಮ್ ಗಜ ತೂಗುದೀಪ ಎಂದೇ ಗುರುತಿಸಿಕೊಂಡಿದ್ದಾರೆ.

ಅಪ್ಪನ ಹಚ್ಚೆಯನ್ನ ಮೆಚ್ಚಿದ ಮಗ

ಹಚ್ಚೆ ಹಾಕಿಸಿಕೊಂಡ ಕೆಲವೇ ದಿನಗಳಲ್ಲಿ ಶ್ಯಾಮ್ ದರ್ಶನ್ ಅವರನ್ನ ಭೇಟಿ ಮಾಡಿದ್ದಾರೆ. ತಾವು ಹಾಕಿಸಿಕೊಂಡಿರುವ ಹಚ್ಚೆಯನ್ನ ದರ್ಶನ್ ಅವರಿಗೆ ತೋರಿಸಿ ಮೆಚ್ಚುಗೆಯನ್ನ ಪಡೆದಿದ್ದಾರೆ.

ಟ್ರೇಂಡ್ ಸೆಟ್ ಮಾಡುತ್ತಿದೆ ಹಚ್ಚೆ

ತೂಗುದೀಪ ಶ್ರೀನಿವಾಸ್ ಅವರ ಹಚ್ಚೆ ಅಭಿಮಾನಿಗಳ ಮಧ್ಯೆ ಟ್ರೇಂಡ್ ಸೆಟ್ ಮಾಡುತ್ತಿದೆ. ಸಾಕಷ್ಟು ಜನರು ಇದೇ ರೀತಿಯ ಟ್ಯಾಟೂ ಹಾಕಿಸಿಕೊಳ್ಳಲು ಮನಸ್ಸು ಮಾಡಿದ್ದಾರೆ. ಸದ್ಯ ಹಚ್ಚೆ ಹಾಕಿಸಿಕೊಂಡಿರುವ ಶ್ಯಾಮ್ ಅವರ ಜೊತೆ ನಿಂತು ಟ್ಯಾಟೂ ತೋರಿಸಿಕೊಂಡು ಫೋಟೋಗಳನ್ನ ತೆಗಿಸಿಕೊಳ್ಳುತ್ತಿದ್ದಾರೆ.