'ತಾರಕ್' ಟ್ರೈಲರ್ ಯಾಕೆ ರಿಲೀಸ್ ಆಗ್ಲಿಲ್ಲ? ಕಾರಣ ಇಲ್ಲಿದೆ.!

ಸಂಜೆ 6 ಗಂಟೆಗೆ ರಿಲೀಸ್ ಆಗಬೇಕಿತ್ತು

ಸೆಪ್ಟೆಂಬರ್ 21 ರಂದು ಸಂಜೆ 6 ಗಂಟೆಗೆ 'ತಾರಕ್' ಟ್ರೈಲರ್ ರಿಲೀಸ್ ಆಗುತ್ತೆ ಎಂದು ಸ್ವತಃ ಚಿತ್ರತಂಡ ಒಂದು ವಾರದ ಮುಂಚೆಯೇ ಹೇಳಿತ್ತು. ಅದರಂತೆ ನಿನ್ನೆ ದರ್ಶನ್ ಅಭಿಮಾನಿಗಳು, ಸಂಜೆಯಾಗುತ್ತಿದ್ದಂತೆ, ಫೇಸ್ ಬುಕ್, ಯ್ಯೂಟ್ಯೂಬ್ ಗೆ ಲಾಗ್ ಇನ್ ಆಗಿ ಕೂತಿದ್ದರು. ಆದ್ರೆ, ಸಂಜೆ 6 ಮುಗಿದು 9 ಆದರೂ ಟ್ರೈಲರ್ ಮಾತ್ರ ರಿಲೀಸ್ ಆಗಲೇ ಇಲ್ಲ.

ಟ್ರೈಲರ್ ರಿಲೀಸ್ ಆಗದಿರಲು ಕಾರಣ

'ತಾರಕ್' ಚಿತ್ರದ ಟ್ರೈಲರ್ ನಿನ್ನೆಯೇ ಬಿಡುಗಡೆಯಾಗಬೇಕಿತ್ತಂತೆ. ಅದಕ್ಕೆ ಎಲ್ಲ ತಯಾರಿ ಮಾಡಿಕೊಂಡಿದ್ದರಂತೆ. ಆದ್ರೆ, ಅಂತಿಮ ಕ್ಷಣದಲ್ಲಿ ತಾಂತ್ರಿಕ ಸಮಸ್ಯೆಗಳಿಂದ ಟ್ರೈಲರ್ ರಿಲೀಸ್ ಮಾಡಲು ಆಗ್ಲಿಲ್ಲವೆಂದು ಚಿತ್ರತಂಡ ಅಧಿಕೃತವಾಗಿ ಹೇಳಿದೆ.

ಮತ್ಯಾವಾಗ ಟ್ರೈಲರ್ ಬರುತ್ತೆ?

ನಿರೀಕ್ಷೆಯಂತೆ ಕಾದು ನಿರಾಸೆಯಾದ ಅಭಿಮಾನಿಗಳು ಇನ್ನು ಒಂದು ಕಾಯಲೇಬೇಕು. ಯಾಕಂದ್ರೆ, 'ತಾರಕ್' ಟ್ರೈಲರ್ ಸೆಪ್ಟೆಂಬರ್ 23 ರಂದು ಸಂಜೆ 4 ಗಂಟೆಗೆ ಬಿಡುಗಡೆ ಮಾಡಲಿದ್ದಾರಂತೆ.

ಹವಾ ಎಬ್ಬಿಸಿರುವ ತಾರಕ್

ದರ್ಶನ್, ದೇವರಾಜ್, ಶ್ರುತಿ ಹರಿಹರನ್, ಶಾನ್ವಿ ಶ್ರೀವಾಸ್ತವ್ ಅಭಿನಯದ ತಾರಕ್ ಸ್ಯಾಂಡಲ್ ವುಡ್ ನಲ್ಲಿ ಹವಾ ಎಬ್ಬಿಸಿದೆ. ಟೀಸರ್ ಮತ್ತು ಹಾಡುಗಳ ಮೂಲಕ ಅಭಿಮಾನಿಗಳಲ್ಲಿ ಕುತೂಹಲ ಕೆರಳಿಸಿದೆ. ಈ ಟ್ರೈಲರ್ ಮೂಲಕ ರೆಕಾರ್ಡ್ ಬ್ರೇಕ್ ಮಾಡಲು ಸಜ್ಜಾಗುತ್ತಿರುವ 'ತಾರಕ್' ದಸರಾ ಹಬ್ಬದ ಪ್ರಯುಕ್ತ ಸೆಪ್ಟೆಂಬರ್ 29 ರಂದು ಚಿತ್ರಮಂದಿರಕ್ಕೆ ಬರ್ತಿದೆ.