ಟಾಲಿವುಡ್ ನಲ್ಲಿ ಭೈರವನಾಗಿ ನಟರಾಕ್ಷಸನ ಅಬ್ಬರ ಶುರು

ಟಾಲಿವುಡ್ ನಲ್ಲಿ ಡಾಲಿ

ನಟ ಧನಂಜಯ ತೆಲುಗು ಚಿತ್ರದಲ್ಲಿ ಅಭಿನಯ ಮಾಡುವುದು ಕನ್ಫರ್ಮ್ ಆಗಿದೆ. ಸಿನಿಮಾವನ್ನು ರಾಮ್ ಗೋಪಾಲ್ ವರ್ಮ ತಮ್ಮ ಬ್ಯಾನರ್ ನಲ್ಲಿ ನಿರ್ಮಾಣ ಮಾಡುತ್ತಿದ್ದು ರಿಷಿ ಕಂಬೈನ್ಸ್ ವರ್ಮಾ ಜೊತೆ ಕೈ ಜೋಡಿಸಲಿದ್ದಾರೆ.

ಭೈರವನಾಗಿ ಬದಲಾದ ಡಾಲಿ

ಧನಂಜಯ ಅಭಿನಯದ ಸಿನಿಮಾಗೆ 'ಭೈರವ-ಗೀತಾ' ಎನ್ನುವ ಹೆಸರಿಸಲು ಸಿದ್ದತೆ ಮಾಡಿಕೊಂಡಿದ್ದಾರಂತೆ. ಕನ್ನಡ ಹಾಗೂ ತೆಲುಗಿನಲ್ಲಿ ಚಿತ್ರ ನಿರ್ಮಾಣವಾಗುತ್ತಿದ್ದು ನವ ನಿರ್ದೇಶಕ ಸಿದ್ಧಾರ್ಥ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಡಾಲಿ-ಮಾಸ್ತಿ-ವರ್ಮ ಭೇಟಿ

ನಟ ಧನಂಜಯ ಹಾಗೂ ಡೈಲಾಗ್ ರೈಟರ್ ಮಾಸ್ತಿ ಅವರನ್ನು ಹೈದ್ರಾಬಾದ್ ಗೆ ಕರೆಸಿಕೊಂಡ ರಾಮ್ ಗೋಪಾಲ್ ವರ್ಮ ಕನ್ನಡಕ್ಕೆ ಸಂಭಾಷಣೆ ಬರೆಯಲು ಮಾಸ್ತಿ ಅವರ ಜೊತೆ ಚರ್ಚೆ ನಡೆಸಿದ್ದಾರಂತೆ. ಸದ್ಯ ಅಧಿಕೃತವಾಗಿ ಮಾಹಿತಿ ಹೊರಬಂದಿಲ್ಲವಾದರೂ ಧನಂಜಯ ಅಭಿನಯದ ತೆಲುಗು ಚಿತ್ರದ ಕನ್ನಡ ಅವತರಣಿಕೆಯಲ್ಲಿ ಮಾಸ್ತಿ ಕೂಡ ಕೆಲಸ ಮಾಡಲಿದ್ದಾರೆ ಎನ್ನುತಿವೆ ಮೂಲಗಳು.

ಇದೇ ತಿಂಗಳು ಚಿತ್ರೀಕರಣ

ಭೈರವ-ಗೀತಾ ಸಿನಿಮಾದ ಚಿತ್ರೀಕರಣ ಜೂನ್ 15 ರಂದು ಶುರುವಾಗಲಿದ್ಯಂತೆ. ಜೂನ್ 20 ರಂದು ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆ ಮಾಡುವ ಪ್ರಯತ್ನದಲ್ಲಿದೆ ಸಿನಿಮಾತಂಡ.

ಸ್ಯಾಂಡಲ್ ವುಡ್ ಜೊತೆ ಟಾಲಿವುಡ್

ಟಾಲಿವುಡ್ ನಲ್ಲಿ ನಿರ್ಮಾಣವಾಗುತ್ತಿರುವ 'ಭೈರವ-ಗೀತಾ' ಸಿನಿಮಾ ಕಥೆ ತೆಲುಗು ಹಾಗೂ ಕನ್ನಡ ಎರಡು ಜನರಿಗೂ ಕನೆಕ್ಟ್ ಆಗುವಂತಿದೆಯಂತೆ. ತೆಲುಗು ಚಿತ್ರದ ಜೊತೆಯಲ್ಲಿ ಧನಂಜಯ ಸೂರಿ ನಿರ್ದೇಶನದ 'ಪಾಪ್ ಕಾರ್ನ್ ಮಂಕಿ ಟೈಗರ್' ಸಿನಿಮಾದಲ್ಲಿಯೂ ಅಭಿನಯ ಮಾಡುತ್ತಿದ್ದಾರೆ.