ಧ್ರುವ ಸರ್ಜಾ ದಂಪತಿಗೆ ಕೊರೊನಾ ನೆಗೆಟಿವ್: ಅಣ್ಣನ ಆಶೀರ್ವಾದ ಎಂದ ನಟ

ಕೊರೊನಾ ವರದಿ ನೆಗೆಟಿವ್ ಬಂದಿದೆ

ಆದರೆ ಇಂದು ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಆರೋಗ್ಯದ ಬಗ್ಗೆ ಮಾಹಿತಿ ನೀಡಿರುವ ಧ್ರುವ ಸರ್ಜಾ, 'ನಾನು ಮತ್ತು ಪತ್ನಿ ಕೊರೊನಾ ಪರೀಕ್ಷೆಗೆ ಒಳಗಾಗಿದ್ದು, ನೆಗೆಟಿವ್ ವರದಿ ಬಂದಿದೆ' ಎಂದು ಹೇಳಿದ್ದಾರೆ.

'ಅಣ್ಣನ ಆಶೀರ್ವಾದ ನಮ್ಮ ಮೇಲಿದೆ'

'ನಿಮ್ಮ ಎಲ್ಲ ಪ್ರಾರ್ಥನೆಗಳಿಗೆ ಹಾಗೂ ನಮ್ಮ ಅಣ್ಣನ ಆಶೀರ್ವಾದ ನಮ್ಮ ಮೇಲಿದ್ದಿದ್ದರಿಂದ ಆರೋಗ್ಯ ಇಷ್ಟು ಬೇಗ ಸುಧಾರಿಸಿದೆ, ಎಲ್ಲಾ ಕಠಿಣ ಘಟ್ಟಗಳಲ್ಲಿ ನಮ್ಮ ಜೊತೆ ನಿಲ್ಲುವ ಮಾವ ಅರ್ಜುನ್ ಸರ್ಜಾ ಅವರಿಗೆ ಧನ್ಯವಾದಗಳು' ಎಂದು ಧ್ರುವ ಹೇಳಿದ್ದಾರೆ.

ವೈದ್ಯರಿಗೆ ವಿಶೇಷ ಧನ್ಯವಾದ

'ನಮ್ಮ ವೈದ್ಯ ಸುರ್ಜಿತ್ ಪಾಲ್ ಸಿಂಗ್ ಹಾಗೂ ಆರೋಗ್ಯ ಸಹಾಯಕ ರಾಜ್‌ಕುಮಾರ್ ಎ ಅವರಿಗೂ ವಿಶೇಷ ಧನ್ಯವಾದಗಳು' ಎಂದು ತಮಗೆ ಸಹಾಯ ಮಾಡಿದವರನ್ನು ನೆನಪಿಸಿಕೊಂಡಿದ್ದಾರೆ ಧ್ರುವ ಸರ್ಜಾ.

ಅರ್ಜುನ್ ಸರ್ಜಾ ಪುತ್ರಿಗೆ ಕೊರೊನಾ

ಅರ್ಜುನ್ ಸರ್ಜಾ ಅವರ ಪುತ್ರಿ ಐಶ್ವರ್ಯಾ ಸರ್ಜಾ ಅವರಿಗೂ ಕೊರೊನಾ ಪಾಸಿಟಿವ್ ಆಗಿದ್ದು, ವೈದ್ಯರ ಸಲಹೆ ಮೇರೆಗೆ ಮನೆಯಲ್ಲೇ ಐಸೋಲೇಶನ್‌ಗೆ ಒಳಗಾಗಿದ್ದಾರೆ.