ಧ್ರುವ ಸರ್ಜಾ ಮೊದಲ ಸಂಭಾವನೆ ಎಷ್ಟು? ಅದರಲ್ಲಿ ಏನ್ ಮಾಡಿದ್ರು.?

ಧ್ರುವ ಸರ್ಜಾ ಮೊದಲ ಸಂಭಾವನೆ

ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅವರು ಮೊದಲ ಚಿತ್ರಕ್ಕೆ ಪಡೆದ ಸಂಭಾವನೆ 50 ಸಾವಿರದ ಒಂದು ರೂಪಾಯಿ. ಇದು ಸುಮಾರು ಆರೇಳು ವರ್ಷಗಳ ಹಿಂದೆ. ಧ್ರುವ ಅಭಿನಯದ ಮೊದಲ ಸಿನಿಮಾ 'ಅದ್ಧೂರಿ'. ಎಪಿ ಅರ್ಜುನ್ ನಿರ್ದೇಶನದ 'ಅದ್ಧೂರಿ' ಸಿನಿಮಾವನ್ನ ಕೀರ್ತಿ ಸ್ವಾಮಿ ಮತ್ತು ಶಂಕರ್ ರೆಡ್ಡಿ ಎಂಬುವವರು ನಿರ್ಮಾಣ ಮಾಡಿದ್ದರು.

ಆ ಸಂಭಾವನೆ ಹಣವನ್ನ ಏನು ಮಾಡಿದ್ರು.?

ಧ್ರುವ ಸರ್ಜಾ ಅವರಿಗೆ ಸಿಕ್ಕ ಮೊದಲ ಸಂಭಾವನೆ ಐದು ನಿಮಿಷದಲ್ಲಿ ಖರ್ಚಾಯಿತು. ಧ್ರುವ ತಮ್ಮ ತಂದೆ 5 ಸಾವಿರ, ಅಜ್ಜಿಗೆ 5 ಸಾವಿರ, ಅಂಕಲ್ ಅರ್ಜುನ್ ಸರ್ಜಾ ಅವರಿಗೆ 5 ಸಾವಿರ ನೀಡಿದ್ರಂತೆ. ನಂತರ ಅರ್ಜುನ್ ಸರ್ಜಾ ಅವರು ಬಟ್ಟೆ ತಗೋ ಎಂದು ಹೇಳಿ ಕಳಿಸಿದ್ದರು ಎಂದು ಧ್ರುವ ಸರ್ಜಾ ಸಂದರ್ಶನವೊಂದರದಲ್ಲಿ ಹೇಳಿಕೊಂಡಿದ್ದಾರೆ.

ಈಗ ದುಬಾರಿ ನಟ

ಒಂದು ಸಮಯದಲ್ಲಿ ಕೇವಲ 50 ಸಾವಿರ ಪಡೆದುಕೊಂಡಿದ್ದ ನಟ ಈಗ ಕೋಟ್ಯಾಂತರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಈ ಹಿಂದೆ ವರದಿಯಾಗಿದ್ದ ಪ್ರಕಾರ ಒಂದು ಚಿತ್ರಕ್ಕೆ 6 ಕೋಟಿ ತೆಗೆದುಕೊಳ್ಳುತ್ತಾರೆ ಎನ್ನಲಾಗಿತ್ತು. ಆದ್ರೆ, ಆ ಬಗ್ಗೆ ಯಾವುದೇ ಅಧಿಕೃತವಾಗಿಲ್ಲ.

'ಪೊಗರು' ಚಿತ್ರದಲ್ಲಿ ಬ್ಯುಸಿ

ನಂದ ಕಿಶೋರ್ ನಿರ್ದೇಶನದ 'ಪೊಗರು' ಚಿತ್ರದಲ್ಲಿ ಧ್ರುವ ಸರ್ಜಾ ಅಭಿನಯಿಸುತ್ತಿದ್ದಾರೆ. ಬಹುತೇಕ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ ಮತ್ತಷ್ಟು ಸನ್ನಿವೇಶಗಳನ್ನ ಬಾಕಿ ಉಳಿಸಿಕೊಂಡಿದೆಯಂತೆ. ಅದನ್ನ ಮುಗಿಸಿ ಆದಷ್ಟೂ ಬೇಗ ತೆರೆಮೇಲೆ ಬರುವ ತಯಾರಿ ನಡೆಸುತ್ತಿದೆ.