ಸಿಸಿಬಿ ವಿಚಾರಣೆ ಮುಗಿಸಿದ ದಿಗಂತ್ ಹೊಸ ಚಿತ್ರದ ಶೂಟಿಂಗ್‌ಗೆ ಗ್ರೀನ್ ಸಿಗ್ನಿಲ್

'ಮಾರಿಗೋಲ್ಡ್' ಚಿತ್ರೀಕರಣಕ್ಕೆ ದಿಗಂತ್ ಸಜ್ಜು

ಹಲವು ದಿನಗಳ ಮುಂಚೆಯೇ ಮಾರಿಗೋಲ್ಡ್ ಚಿತ್ರವನ್ನು ದಿಗಂತ್ ಒಪ್ಪಿಕೊಂಡಿದ್ದರು. ಒಂದು ಹಂತದ ಶೂಟಿಂಗ್ ಸಹ ಮುಗಿಸಿದ್ದರು. ಎರಡನೇ ಹಂತದ ಚಿತ್ರೀಕರಣ ಆರಂಭಿಸುವಷ್ಟರಲ್ಲಿ ಲಾಕ್‌ಡೌನ್ ಜಾರಿಯಾಗಿತ್ತು. ಲಾಕ್‌ಡೌನ್ ಬಳಿಕ ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕಿರುವ ಹಿನ್ನೆಲೆ ಮತ್ತೆ ಮಾರಿಗೋಲ್ಡ್ ಶೂಟಿಂಗ್ ಆರಂಭವಾಗುತ್ತಿದೆ.

ಸೆಪ್ಟೆಂಬರ್ 18ಕ್ಕೆ ಶೂಟಿಂಗ್

ಈ ಹಿಂದೆ ನಿಗದಿಯಾಗಿರುವಂತೆಯೇ ಸೆಪ್ಟೆಂಬರ್ 18 ರಂದು ಮಾರಿಗೋಲ್ಡ್ ಚಿತ್ರೀಕರಣ ನಡೆಸಲು ಚಿತ್ರತಂಡ ನಿರ್ಧರಿಸಿದ್ದು, ದಿಗಂತ್ ಸಹ ಭಾಗಿಯಾಗಲಿದ್ದಾರೆ. ಬೆಂಗಳೂರಿನಲ್ಲಿಯೇ ಚಿತ್ರೀಕರಣ ಮಾಡಲು ಮಾರಿಗೋಲ್ಡ್ ಚಿತ್ರತಂಡ ನಿರ್ಧರಿಸಿದೆ.

ಮತ್ತೆ ವಿಚಾರಣೆಗೆ ಕರೆದರೆ....

ದಿಗಂತ್ ಮತ್ತು ಐಂದ್ರಿತಾ ರೇ ಅವರ ವಿಚಾರಣೆ ಸಂಪೂರ್ಣವಾಗಿ ಮುಗಿದಿಲ್ಲ. ಮೊದಲ ಹಂತದಲ್ಲಿ ವಿಚಾರಣೆ ಮುಗಿದಿದೆ, ಎರಡನೇ ಹಂತದ ವಿಚಾರಣೆಗೆ ಮತ್ತೆ ನೋಟಿಸ್ ಕೊಡುತ್ತೇವೆ ಎಂದು ಸಿಸಿಬಿ ಪೊಲೀಸರು ತಿಳಿಸಿದ್ದರು. ಹೀಗಾಗಿ, ಮತ್ತೆ ವಿಚಾರಣೆಗೆ ಬುಲಾವ್ ಬಂದರೆ ಹಾಜರಾಗುತ್ತೇವೆ ಎಂದು ದಿಗಂತ್ ದಂಪತಿ ಹೇಳಿದ್ದಾರೆ. ಒಂದು ವೇಳೆ ಮತ್ತೆ ಸಿಸಿಬಿ ಪೊಲೀಸರು ಕರೆದರೆ ಒಂದು ದಿನ ಸಮಯ ಬಿಡುವು ಮಾಡಿಕೊಂಡು ಹೋಗಿ ಬರಲು ಸ್ಟಾರ್ಸ್ ನಿರ್ಧರಿಸಿದ್ದಾರೆ.

Recommended Video

ನನ್ನ ನಂಬಿ ಸರ್ಕಾರ ದೊಡ್ಡ ಜವಾಬ್ದಾರಿ ಕೊಟ್ಟಿದೆ | Shruthi Krishna | Filmibeat Kannada

ಮಾರಿಗೋಲ್ಡ್ ನಿರ್ದೇಶಕ ಯಾರು?

ಅಂದ್ಹಾಗೆ, ಮಾರಿಗೋಲ್ಡ್ ಚಿತ್ರವನ್ನು ರಾಘವೇಂದ್ರ ನಾಯಕ್ ನಿರ್ದೇಶನ ಮಾಡುತ್ತಿದ್ದು. ರಘುವರ್ಧನ್ ನಿರ್ಮಾನ ಮಾಡುತ್ತಿದ್ದಾರೆ. ಇದೊಂದು ಕ್ರೈಂ ಆಧಾರಿತ ಚಿತ್ರವಾಗಿದ್ದು, ಸೆಪ್ಟೆಂಬರ್ 18 ರಿಂದ ಅಕ್ಟೋಬರ್ 10ರವರೆಗೂ ಶೂಟಿಂಗ್ ಶೆಡ್ಯೂಲ್ ಮಾಡಲಾಗಿದೆ. ದಿಗಂತ್‌ಗೆ ಜೋಡಿಯಾಗಿ ಸಂಗೀತಾ ನಟಿಸುತ್ತಿದ್ದಾರೆ.