ಮುಂದಿನ ಚಿತ್ರದ ಬಗ್ಗೆ ಕೊನೆಗೂ ಬಾಯ್ಬಿಟ್ಟ 'ರಾಜಕುಮಾರ' ನಿರ್ದೇಶಕ ಸಂತೋಷ್

'ರಾಜಕುಮಾರ' ಸಂಭ್ರಮ

'ರಾಜಕುಮಾರ' ಸಿನಿಮಾದ 100ನೇ ದಿನದ ವಿಶೇಷವಾಗಿ ನಟ ಪುನೀತ್ ಮತ್ತು ನಿರ್ದೇಶಕ ಸಂತೋಷ್ ಆನಂದ್ ರಾಮ್ 'ನರ್ತಕಿ' ಚಿತ್ರಮಂದಿರಕ್ಕೆ ಭೇಟಿ ಕೊಟ್ಟಿದ್ದರು. ಇದೇ ವೇಳೆ ಸಂತೋಷ್ ತಮ್ಮ ಮುಂದಿನ ಚಿತ್ರದ ಬಗ್ಗೆ ಮಾತನಾಡಿದ್ದಾರೆ.

'ರಣರಂಗ' ಸಿನಿಮಾ

ಈ ಹಿಂದೆ ಹರಿಡಾಡಿದ್ದ ಸುದ್ದಿ ಈಗ ನಿಜಾವಾಗಿದೆ. ಸಂತೋಷ್ ಆನಂದ್ ರಾಮ್ ತಮ್ಮ ಮುಂದಿನ ಸಿನಿಮಾವನ್ನು ನಟ ಶಿವಣ್ಣನೊಂದಿಗೆ ಮಾಡಲಿದ್ದು, ಚಿತ್ರದ ಟೈಟಲ್ 'ರಣರಂಗ' ಅಂತ ಫಿಕ್ಸ್ ಆಗಿದೆ.

ಅಭಿಮಾನಿಯ ಪ್ರಶ್ನೆ

ಚಿತ್ರಮಂದಿರಕ್ಕೆ ಭೇಟಿ ಕೊಟ್ಟಿದ್ದ ಸಂತೋಷ್ ಆನಂದ್ ರಾಮ್ ಅವರಿಗೆ ಅಭಿಮಾನಿಯೊಬ್ಬರು 'ರಣರಂಗ' ಸಿನಿಮಾ ಯಾವಾಗ ಅಂತ ಪ್ರಶ್ನಿಸಿದರು. ಆಗ ಸಂತೋಷ್ ''ಹೌದು, ರಣರಂಗನೇ.. ಶಿವಣ್ಣನೊಂದಿಗೆ ಸಿನಿಮಾ ಮಾಡಬೇಕು ಎನ್ನುವುದು ನನ್ನ ದೊಡ್ಡ ಆಸೆ. ನಾನು ಬಹಳ ದಿನದಿಂದ ಅದಕ್ಕಾಗಿ ಕಾಯುತ್ತಿದ್ದೇನೆ.'' ಅಂತ ಉತ್ತರಿಸಿದ್ದಾರೆ.

ಮುಂದಿನ ತಿಂಗಳು ಸೆಟ್ಟೇರುತ್ತೆ

ಶಿವಣ್ಣ ಮತ್ತು ಸಂತೋಷ್ ಕಾಂಬಿನೇಶನ್ 'ರಣರಂಗ' ಸಿನಿಮಾ ಮುಂದಿನ ತಿಂಗಳು ಸೆಟ್ಟೇರುವ ಸಾದ್ಯತೆ ಇದೆ. ಸದ್ಯ ಈ ಚಿತ್ರದ ಕಥೆ ಮಾಡುವುದರಲ್ಲಿ ಸಂತೋಷ್ ಬಿಜಿ ಇದ್ದಾರಂತೆ.