ಅರೇ..ಅಭಿಮಾನಿಗಳಿಗಾಗಿ ಮತ್ತೆ 'ಗಾಳಿಪಟ' ಹಾರಿಸ್ತಾರಂತೆ ಭಟ್ಟರು!

'ಗಾಳಿಪಟ 2' ಸಿನಿಮಾ ಮಾಡ್ತಾರಂತೆ ಭಟ್ಟರು

ರೊಮ್ಯಾಂಟಿಕ್ -ಕಾಮಿಡಿ ಸಿನಿಮಾಗಳನ್ನ ನಿರ್ದೇಶನ ಮಾಡಿ ಸಕ್ಸಸ್ ಪಡೆದುಕೊಂಡಿರುವ ನಿರ್ದೇಶಕ ಯೋಗರಾಜ್ ಭಟ್ ಮತ್ತೆ 'ಗಾಳಿಪಟ' ಹಾರಿಸಲು ಸಜ್ಜಾಗಿದ್ದಾರೆ ಎನ್ನುವ ಸುದ್ದಿ ಗಾಂಧಿನಗರದಲ್ಲಿ ಹರಿದಾಡುತ್ತಿದೆ. ಅಂದರೆ 'ಗಾಳಿಪಟ 2 'ಚಿತ್ರಕ್ಕೆ ಭಟ್ಟರು ಆಕ್ಷನ್ ಕಟ್ ಹೇಳಲಿದ್ದಾರಂತೆ.

ಭಟ್ಟರ ನಿರ್ದೇಶನದಲ್ಲಿ 'ಗಾಳಿಪಟ 2'

'ಗಾಳಿಪಟ 2' ಸಿನಿಮಾವನ್ನು ನಿರ್ದೇಶನ ಮಾಡಲು ಮನಸ್ಸು ಮಾಡಿರುವ ಯೋಗರಾಜ್ ಭಟ್ ಹೊಸ ಕಲಾವಿದರನ್ನು ಚಿತ್ರಕ್ಕೆ ನಾಯಕರನ್ನಾಗಿ ಆಯ್ಕೆ ಮಾಡಿಕೊಂಡು ಸಿನಿಮಾ ಮಾಡುತ್ತಾರಂತೆ.

'ಗಾಳಿಪಟ 2' ಚಿತ್ರಕ್ಕೆ ತಯಾರಿ

ಸದ್ಯ 'ಪಂಚತಂತ್ರ' ಸಿನಿಮಾದ ಪೋಸ್ಟ್ ಪ್ರೊಡಕ್ಷನ್ಸ್ ನಲ್ಲಿ ಬ್ಯುಸಿ ಆಗಿರುವ ಯೋಗರಾಜ್ ಭಟ್ 'ಪಂಚತಂತ್ರ' ಚಿತ್ರೀಕರಣ ಮುಗಿಸಿದ ನಂತರ 'ಗಾಳಿಪಟ 2' ಸಿನಿಮಾ ತಯಾರಿ ಮಾಡಿಕೊಳ್ಳಲಿದ್ದಾರಂತೆ.

'ಗಾಳಿಪಟ 2' ಚಿತ್ರಕ್ಕೆ ಇದೆ ನಿರೀಕ್ಷೆ

ಯೋಗರಾಜ್ ಭಟ್ 'ಗಾಳಿಪಟ 2' ಸಿನಿಮಾ ನಿರ್ದೇಶನ ಮಾಡುತ್ತಾರೆ ಎನ್ನುವ ವಿಚಾರ ಹಬ್ಬುತ್ತಿದ್ದ ಹಾಗೆ ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಾಗಿದೆ. ಸಂಭಾಷಣೆ, ಕಥೆ, ಹಾಡುಗಳು ಹಾಗೂ ಕರ್ನಾಟಕದ ಅದ್ಬುತ ತಾಣಗಳನ್ನು ಪ್ರೇಕ್ಷಕರ ಮುಂದಿಟ್ಟ 'ಗಾಳಿಪಟ' ಚಿತ್ರದಂತೆ 'ಗಾಳಿಪಟ 2' ಕೂಡ ಇರಲಿ ಎನ್ನುವುದು ಅಭಿಮಾನಿಗಳ ಆಶಯವಾಗಿದೆ.