For Quick Alerts
    ALLOW NOTIFICATIONS  
    For Daily Alerts

    ಡಾ.ರಾಜ್‌ಕುಮಾರ್ ಯೋಗಗುರು ಹೊನ್ನಪ್ಪ ನಿಧನ

    |

    ಡಾ.ರಾಜ್‌ಕುಮಾರ್ ಅವರ ಯೋಗ ಗುರು ಆಗಿದ್ದ ಹೊನ್ನಪ್ಪ ಫಕೀರಪ್ಪ ನಾಯ್ಕರ್ ಇಂದು (ಮೇ 20) ನಿಧನರಾಗಿದ್ದಾರೆ.

    90 ವರ್ಷ ವಯಸ್ಸಾಗಿದ್ದ ಹೊನ್ನಪ್ಪ ನಾಯ್ಕರ್ ಅವರಿಗೆ ಕೊರೊನಾ ಸೋಂಕು ತಗುಲಿತ್ತು. ಬೆಂಗಳೂರಿನ ಜೆ.ಪಿ.ನಗರದಲ್ಲಿ ವಾಸವಿದ್ದ ಹೊನ್ನಪ್ಪ ಅವರು ಕನಕಪುರ ರಸ್ತೆಯಲ್ಲಿ ಆಶ್ರಮವೊಂದನ್ನು ನಡೆಸುತ್ತಿದ್ದರು.

    ಡಾ.ರಾಜ್‌ಕುಮಾರ್ ಅವರಿಗೆ ಹಲವು ವರ್ಷಗಳ ಕಾಲ ಹೊನ್ನಪ್ಪ ನಾಯ್ಕರ್ ಅವರೇ ಯೋಗ ಹೇಳಿಕೊಡುತ್ತಿದ್ದರು. 'ಕಾಮನಬಿಲ್ಲು' ಸಿನಿಮಾದಲ್ಲಿ ರಾಜ್‌ಕುಮಾರ್ ಪ್ರದರ್ಶಿಸಿರುವ ಅದ್ಭುತ ಯೋಗಭಂಗಿಗಳ ಹಿಂದೆ ಹೊನ್ನಪ್ಪ ನಾಯ್ಕರ್ ಅವರ ಯೋಗದಾನವೂ ಇದೆ.

    ಡಾ.ರಾಜ್‌ಕುಮಾರ್ ಮಾತ್ರವಲ್ಲದೇ ಪಾರ್ವತಮ್ಮ ರಾಜ್‌ಕುಮಾರ್ ಹಾಗೂ ಅಣ್ಣಾವ್ರ ಕುಟುಂಬದ ಇತರರಿಗೂ ಹೊನ್ನಪ್ಪ ಯೋಗಾಭ್ಯಾಸ ಮಾಡಿಸುತ್ತಿದ್ದರು. ರಾಘವೇಂದ್ರ ರಾಜ್‌ಕುಮಾರ್ ಅವರಿಗೆ ಪಾರ್ಶ್ವವಾಯುವಾದ ಬಳಿಕ ಅವರಿಗೂ ಹೊನ್ನಪ್ಪ ಯೋಗಭ್ಯಾಸ ಹೇಳಿಕೊಟ್ಟಿದ್ದರು. ರಾಘವೇಂದ್ರ ರಾಜ್‌ಕುಮಾರ್ ಬಹುಬೇಗ ಚೇತರಿಸಿಕೊಂಡು ಚಿತ್ರೀಕರಣಗಳಿಗೆ ತೆರಳುವಷ್ಟರ ಮಟ್ಟಿಗೆ ದೇಹಾರೋಗ್ಯ ಸುಧಾರಿಸುವಂತಾಗುವ ಹಿಂದೆ ಹೊನ್ನಪ್ಪ ನಾಯ್ಕರ್ ಶ್ರಮವಿದೆ.

    ಹೊನ್ನಪ್ಪ ಅವರ ಅಗಲಿಕೆಗೆ ಸಂತಾಪ ಸೂಚಿಸಿರುವ ರಾಘವೇಂದ್ರ ರಾಜ್‌ಕುಮಾರ್, ''ಅಪ್ಪಾಜಿಯವರ ಯೋಗಗುರುಗಳು ಅಗಲಿದ್ದು ಈ ಕ್ಷಣ ಮನಸ್ಸಿಗೆ ತುಂಬಲಾರದಷ್ಟು ದುಃಖವಾಗಿದೆ. ಗುರು ಬ್ರಹ್ಮಃ ಗುರು ವಿಷ್ಣು, ಗುರು ದೇವೋ ನಮಃ'' ಎಂದು ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಹಾಕಿದ್ದಾರೆ.

    ಸ್ಯಾಂಡಲ್ ವುಡ್ ಮ್ಯೂಸಿಷಿಯನ್ ಮನೆಬಾಗಿಲಿಗೆ ದಿನಸಿ ವ್ಯವಸ್ಥೆ | Filmibeat Kannada

    ಈ ಹಿಂದೆ ಪೊಲೀಸ್ ಇಲಾಖೆಯಲ್ಲಿ ಕೆಲಸ ಮಾಡುತ್ತಿದ್ದ ಹೊನ್ನಪ್ಪ ಅವರಿಗೆ ಮೂವರು ಮಕ್ಕಳಿದ್ದಾರೆ. ಹೊನ್ನಪ್ಪನವರ ಅಂತಿಮ ಸಂಸ್ಕಾರವನ್ನು ಕನಕಪುರ ಬಳಿಯ ನಾಗದೇವನಹಳ್ಳಿ ಬಳಿ ನೆರವೇರಿಸಲು ಕುಟುಂಬದವರು ನಿಶ್ಚಯಿಸಿದ್ದಾರೆ.

    English summary
    Dr Rrajkumar's Yoga teacher Honnappa Pakeerappa Naykar passed away. He was Yoga teacher to Parvathamma Rajkumar also.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X