ದುಬಾರೆ ಫಾರೆಸ್ಟ್‌ನಲ್ಲಿ 'ಸಲಗ' ವಿಜಯ್ ಜೊತೆಗೆ ಆಡಿ‌ಕುಣಿದ ಮಾವುತರು

ದುನಿಯಾ ವಿಜಯ್ ನಟಿಸಿ, ಚೊಚ್ಚಲ ಬಾರಿಗೆ ನಿರ್ದೇಶನ ಮಾಡಿರುವ ಸಲಗ ಸಿನಿಮಾ ತೆರೆಗೆ ಬರಲು ಸಜ್ಜಾಗಿದೆ. ಮೇ 15 ರಂದು ಸಲಗ ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.

Recommended Video

ಸಲಗ ಚಿತ್ರದ ಹಾಡುಗಳು ಹಾಗೂ ಟೀಸರ್ ಭರ್ಜರಿ ಸದ್ದು ಮಾಡಿದೆ. ದುನಿಯಾ ವಿಜಿಯ ಮೇಕಿಂಗ್ ಶೈಲಿ ಹೆಚ್ಚು ಕುತೂಹಲ ಮೂಡಿಸಿದ್ದು, ಸಲಗದ ಅಬ್ಬರ ಜೋರಾಗಿಯೇ ಇದೆ.

ಈ ನಡುವೆ ದುಬಾರೆ ಅರಣ್ಯಕ್ಕೆ ಭೇಟಿ ನೀಡಿದ್ದ ದುನಿಯಾ ವಿಜಯ್ ರಿಯಲ್ ಸಲಗಗಳ ಜೊತೆ ಸಮಯ ಕಳೆದಿದ್ದಾರೆ. ಅಲ್ಲಿನ ಮಾವುತರ ಜೊತೆ ಆಡಿಕುಣಿದಿದ್ದಾರೆ. ದುನಿಯಾ ವಿಜಯ್ ಅವರನ್ನು ನೋಡಿದ ಪ್ರವಾಸಿಗರು ಖುಷಿಯಾಗಿ ಅವರ ಜೊತೆ ಫೋಟೋ ತೆಗೆಸಿಕೊಂಡಿದ್ದಾರೆ.

ಅರಣ್ಯದ ಪ್ರದೇಶದ ಪೊಲೀಸ್ ಹಾಗೂ ಸಿಬ್ಬಂದಿ ಜೊತೆ ಮಾತುಕತೆ ನಡೆಸಿದ ದುನಿಯಾ ವಿಜಯ್, ಅವರೊಟ್ಟಿಗೆ ವಾಲಿಬಾಲ್ ಆಡಿ ಎಂಜಾಯ್ ಮಾಡಿದರು.

ರಿಯಲ್ ಸಲಗಗಳ ಅಡ್ಡೆಗೆ ಫ್ಯಾಮಿಲಿ ಜೊತೆಗೆ ಟ್ರಿಪ್ ಹೋಗಿದ್ದ ವಿಜಯ್ ಅವರನ್ನು, ಈ ಸಂದರ್ಭವನ್ನ ವಿಜಿ ಪುತ್ರ ಸಾಮ್ರಾಟ್ ವಿಡಿಯೋ ಶೂಟ್ ಮಾಡಿದ್ದು, ಆ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇನ್ನುಳಿದಂತೆ ಕೆಪಿ ಶ್ರೀಕಾಂತ್ ನಿರ್ಮಾಣದ ಈ ಚಿತ್ರದಲ್ಲಿ ದುನಿಯಾ ವಿಜಯ್, ಧನಂಜಯ್, ಸಂಜನಾ ಆನಂದ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.