ಕನಸುಗಳ ಬೆನ್ನೇರಿ ಹೊರಟ ಟಿವಿ ನಿರೂಪಕ ಗೌರೀಶ್

ಗರುಡಮಾಲ್ ನಲ್ಲಿ ನಡೆದ ಆಡಿಷನ್

ಈ ಆಡಿಷನ್ ಪ್ರೋಗ್ರಾಂನಲ್ಲಿ 40 ರಿಂದ 45 ಹುಡುಗಿಯರು ಭಾಗವಹಿಸಿದ್ದರು. ಎಲ್ಲಾ ಹುಡುಗಿಯರು ಕಲಾಜಗತ್ತಿನಲ್ಲಿ ಸಾಧನೆ ಮಾಡಬೇಕೆನ್ನುವ ಕನಸು ಹೊತ್ತು ಬಂದಿದ್ದರು. ಅವರಲ್ಲಿದ್ದ ಲವಲವಿಕೆ ಮೆಚ್ಚುವಂತದ್ದು.

ನಾಯಕಿ ಇನ್ನೂ ಫೈನಲ್ ಆಗಿಲ್ಲ

ಆಡಿಷನಿಗೆ ಕಾರಣಾಂತರದಿಂದ ಬರಲಾಗದವರು ನಮ್ಮ ಕಚೇರಿಗೆ ಬರಲಿದ್ದಾರೆ. ಗರುಡಮಾಲ್ ನಲ್ಲಿ ಭಾಗವಹಿಸಿದ್ದವರಲ್ಲಿ ಮೂವರನ್ನು ಸಿಲೆಕ್ಟ್ ಮಾಡಿದ್ದೇವೆ. ಇನ್ನೇನು ಕೆಲವೇ ದಿನಗಳಲ್ಲಿ ಮೂವರು ನಾಯಕಿಯರನ್ನು ಅಂತಿಮ ಗೊಳಿಸುತ್ತೇವೆ.

ಮೈಸೂರಿನ ಹುಡುಗಿ

ಆಡಿಷನ್ ನಲ್ಲಿ ಮೈಸೂರಿನ ಕಾವ್ಯಶ್ರೀ ಎನ್ನುವ ಹುಡುಗಿಯೊಬ್ಬಳು ಭಾಗವಹಿಸಿದ್ದಳು. ಅವಳು ನೋಡಲು ಅಷ್ಟೇನೂ ಸುಂದರವಾಗಿರಲಿಲ್ಲ. ಆದರೆ ಅವಳಲ್ಲಿದ್ದ ಪ್ರತಿಭೆ ಕಂಡು ಸತೀಶ್ ನೀನಾಸಂ ಬೆಚ್ಚಿಬಿದ್ದರು. ತಾನೇ, ಆಕೆಗೆ ನಟನೆಯಲ್ಲಿ ಹೆಚ್ಚಿನ ತರಬೇತಿಗಾಗಿ ಕಲಾಶಾಲೆಯೊಂದಕ್ಕೆ ಫೋನ್ ಮಾಡಿ ಹುಡುಗಿಯ ಬಗ್ಗೆ ತಿಳಿಸಿ ಅಲ್ಲಿ ಸೇರುವಂತೆ ಸಲಹೆ ನೀಡಿದರು.

ನಾಯಕರ ಆಯ್ಕೆ

ಚಿತ್ರಕ್ಕೆ ನಾಲ್ವರು ನಾಯಕರು. ನಾಯಕರನ್ನು ಈಗಾಗಲೇ ಆಯ್ಕೆ ಮಾಡಲಾಗಿದೆ. ನಾಯಕಿಯ ಆಯ್ಕೆಯ ನಂತರ ನಾಯಕರು ಮತ್ತು ನಾಯಕಿಯರ ಹೆಸರನ್ನು ಬಹಿರಂಗಗೊಳಿಸುತ್ತೇವೆ.

ಚಿತ್ರದ ಬಗ್ಗೆ

ಚಿತ್ರದ ಎರಡು ಹಾಡಿಗೆ ಯೋಗರಾಜ್ ಭಟ್ ಮತ್ತು ಗುರುಪ್ರಸಾದ್ ಅವರ ಸಾಹಿತ್ಯವಿರುತ್ತದೆ. ಸಿನಿಮಾ ಜಗತ್ತಿನಲ್ಲಿ ಸಾಧಿಸ ಬೇಕೆಂದು ಬರುವವರು ಆರಂಭದಲ್ಲಿ ಎದುರಿಸುವ ತೊಂದರೆಗಳು, ಅನುಭವಗಳನ್ನು ಆಧರಿಸಿ ಚಿತ್ರಕಥೆ ಹಣೆಯಲಾಗಿದೆ. ಚಿತ್ರಕ್ಕೆ ರಘು ದೀಕ್ಷಿತ್ ಅವರ ಸಂಗೀತವಿದೆ ಎನ್ನುತ್ತಾರೆ ಗೌರೀಶ್ ಅಕ್ಕಿ. ಆಲ್ ದಿ ಬೆಸ್ಟ್ ಗೌರೀಶ್ ಎಂಡ್ ಟೀಂ.