ಪವರ್ ಸ್ಟಾರ್ ಬಿಟ್ಟ ಸಿನಿಮಾ ಗೋಲ್ಡನ್ ಸ್ಟಾರ್ ಪಾಲು

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ 'ನಿನ್ನಿಂದಲೇ' ಸಿನಿಮಾ ಶೂಟಿಂಗ್ ನ ವೇಳೆ ತೆಲುಗು ಸಿನಿಮಾವೊಂದರ ರೀಮೇಕ್ ನಲ್ಲಿ ನಟಿಸೋ ಆಫರ್ ಬಂದಿತ್ತು. ಆದರೆ ಹಿಂದೆ ರೀಮೇಕ್ ಸಿನಿಮಾ ಸೋತಿದ್ದಕ್ಕೋ ಏನೋ ಪುನೀತ್ ಆ ಸಿನಿಮಾದ ಆಫರನ್ನು ತಿರಸ್ಕರಿಸಿದ್ರು. ಆ ಸಿನಿಮಾ ಈಗ ಗೋಲ್ಡನ್ ಸ್ಟಾರ್ ಗಣೇಶ್ ಪಾಲಾಗಿದೆ.

ಅಂದಹಾಗೆ ಪವರ್ ಸ್ಟಾರ್ ಪುನೀತ್ ಬೇಡ ಅಂದ ಸಿನಿಮಾ ತೆಲುಗಿನ ಯಶಸ್ವಿ ಚಿತ್ರ 'ಗುಂಡೇಜಾರಿ ಗುಲ್ಲಂತಯಿಂದಿ' (ಹೃದಯ ಜಾರಿ ಕಾಣೆಯಾಗಿದೆ) ಅನ್ನೋ ಸ್ವೀಟ್ ಸ್ವೀಟ್ ಲವ್ ಸ್ಟೋರಿ. ಪುನೀತ್ ಸ್ವೀಟ್ ಲವ್ ಸ್ಟೋರಿಗಿಂತ ಒಂದು ಪವರ್ ಫುಲ್ ಕ್ಯಾರೆಕ್ಟರ್ ಮಾಡೋ ಪ್ಲಾನ್ ನಲ್ಲಿದ್ರು ಅನ್ನಿಸುತ್ತೆ. ಇನ್ನು ರೀಮೇಕ್ ಸಿನಿಮಾಗಳು ಪುನೀತ್ ಗೆ ಗೆಲವು ತಂದುಕೊಟ್ಟಿರೋದು ಅಷ್ಟಕ್ಕಷ್ಟೇ. [ದಿಲ್ ರಂಗೀಲಾ ಚಿತ್ರವಿಮರ್ಶೆ]

ಆದರೆ ಪುನೀತ್ ಗೆ ಒಂದ್ಸಾರಿ ಪೊಲೀಸ್ ಆಫೀಸರ್ ಆಗಿ ಮಿಂಚ್ಬೇಕು ಅನ್ನೋ ಆಸೆ ಇತ್ತು ಅನ್ನಿಸುತ್ತೆ. ಇನ್ನು ತೆಲುಗು ನಿರ್ಮಾಪಕರು ಅರ್ಜೆಂಟ್ ಆಗಿ ಸಿನಿಮಾ ಮಾಡ್ಬೇಕು ಅಂತ ಹೊರಟಿದ್ರು ಗಣೇಶ್ ಗೂ ಸ್ಟೋರಿ ಇಷ್ಟವಾಯ್ತು. ಸಿನಿಮಾ ಸದ್ಯದಲ್ಲೇ ಶುರುವಾಗ್ತಿದೆ. ಕನ್ನಡ ಟೈಟಲ್ ಇನ್ನೂ ಪಕ್ಕಾ ಆಗಿಲ್ಲ.