ವಿಡಿಯೋ: ಶೂಟಿಂಗ್ ಸೆಟ್‌ನಲ್ಲಿ ಮ್ಯಾಜಿಕ್ ಮಾಡಿ ಚಕಿತಗೊಳಿಸಿದ ಗಣೇಶ್

ಶೂಟಿಂಗ್ ಸೆಟ್‌ನಲ್ಲಿ ಗಣೇಶ್ ಮ್ಯಾಜಿಕ್

ಆರೆಂಜ್ ಸಿನಿಮಾದ ಸೆಟ್‌ನಲ್ಲಿ ಗಣೇಶ್‌ ಮಾಡಿದ್ದ ಮ್ಯಾಜಿಕ್ ನ ವಿಡಿಯೋ ಇದೀಗ ವೈರಲ್ ಆಗಿದೆ. ನೆಲದ ಮೇಲೆ ಕೂತು ಸುತ್ತಲೂ ಜನರನ್ನು ಗುಡ್ಡೆಹಾಕಿಕೊಂಡು ಗಣೇಶ್ ಮ್ಯಾಜಿಕ್ ಮಾಡಿದ್ದಾರೆ. ಈ ವಿಡಿಯೋ ಲಾಕ್‌ಡೌನ್‌ಗೆ ಮುಂಚಿನದ್ದು ಎನ್ನಲಾಗುತ್ತಿದೆ.

ತಂತ್ರಜ್ಞರೊಬ್ಬರಿಗೆ ಮ್ಯಾಜಿಕ್ ಮಾಡಿದ ಗಣೇಶ್

ಇಸ್ಪಿಟ್ ಎಲೆಗಳನ್ನು ಹಿಡಿದು ಗಣೇಶ್ ಅವರು ಚಿತ್ರದ ತಂತ್ರಜ್ಞರೊಬ್ಬರನ್ನು ಎದುರಿಗೆ ಕೂರಿಸಿಕೊಂಡು ಒಂದು ಎಲೆಯನ್ನು ಎತ್ತಿಕೊಳ್ಳುವಂತೆ ಹೇಳುತ್ತಾರೆ. ಅದರಂತೆ ಆತ ಆರು ಸಂಖ್ಯೆಯ ಕಪ್ಪು ಬಣ್ಣದ ಎಲೆಯನ್ನು ಗಣೇಶ್‌ ಗೆ ಕಾಣದಂತೆ ಎತ್ತಿಕೊಳ್ಳುತ್ತಾರೆ. ಆ ನಂತರ ಎತ್ತಿಕೊಂಡ ಎಲೆಯನ್ನು ಮತ್ತೆ ಉಳಿದ ಕಾರ್ಡ್‌ನೊಳಗೆ ಇಡುತ್ತಾರೆ.

ಇಸ್ಪಿಟ್ ಎಲೆಗಳ ಮ್ಯಾಜಿಕ್

ಗಣೇಶ್ ಆ ಎಲೆಗಳನ್ನು ಎತ್ತಿಕೊಂಡು ಎರಡು ಮೂರು ಬಾರಿ ಸೂಕ್ಷ್ಮವಾಗಿ ಗಮಿಸುತ್ತಾರೆ. ನಂತರ ಗಣೇಶ್ ಅವರೇ 'ನೀವು ಎತ್ತಿಕೊಂಡ ಕಾರ್ಡ್ ಯಾವುದೆಂದು ಕೇಳುತ್ತಾರೆ. ಅದಕ್ಕೆ ಆತ ಆರು ಎನ್ನುತ್ತಾನೆ. 'ಎರಡು ಕಾರ್ಡನ್ನು ಕಾಣದಂತೆ ತಿರುಗಿಸಿ ಇಟ್ಟು, ಮೂರನೇ ಕಾರ್ಡನ್ನು ಎಲ್ಲರಿಗೂ ಕಾಣುವಂತೆ ನೆಲದ ಮೇಲೆ ಇಡು' ಎಂದು ಗಣೇಶ್ ಕಾರ್ಡಿನ ಕಟ್ಟನ್ನು ಎದುರಿನವರಿಗೆ ನೀಡುತ್ತಾರೆ.

ಅರೇ ಅದೇ ಕಾರ್ಡ್!

ಅದರಂತೆ ಆತ ಎರಡು ಕಾರ್ಡನ್ನು ಹಿಮ್ಮುಖವಾಗಿ ನೆಲದ ಮೇಲಿಟ್ಟು, ಮೂರನೇ ಕಾರ್ಡನ್ನು ಕಾಣುವಂತೆ ಮೇಲ್ಮುಖವಾಗಿ ನೆಲದ ಮೇಲಿಟ್ಟರೆ ಏನಾಶ್ಚಾರ್ಯ ಅದೇ ಆರು ಸಂಖ್ಯೆಯ ಕಪ್ಪು ಬಣ್ಣದ ಕಾರ್ಡು. ಅಲ್ಲಿ ಮ್ಯಾಜಿಕ್ ನೋಡಲು ನೆರೆದಿದ್ದ ಎಲ್ಲರೂ ಆಶ್ಚರ್ಯ ಚಕಿತರಾಗಿಹೋಗುತ್ತಾರೆ.