ಗೋಲ್ಡನ್ ಸ್ಟಾರ್ ಗಣೇಶ್ 'ಬುಗುರಿ' ಆಟ ಶುರು

ಗೋಲ್ಡನ್ ಸ್ಟಾರ್ ಗಣೇಶ್ ಈಗ ಮತ್ತೆ ಆಕ್ಷನ್ ಕಡೆಗೆ ಮುಖ ಮಾಡಿದ್ದಾರೆ. 'ದಿಲ್ ರಂಗೀಲಾ' ಬಳಿಕ ಅವರು ಇನ್ನೊಂದು ಚಿತ್ರಕ್ಕೆ ಅಣಿಯಾಗಿದ್ದಾರೆ. ಎಂ.ಡಿ.ಶ್ರೀಧರ್ ಅವರು ಆಕ್ಷನ್ ಕಟ್ ಹೇಳುತ್ತಿರುವ 'ಬುಗುರಿ' ಚಿತ್ರ ಫೋಟೋಶೂಟ್ ಮುಗಿಸಿಕೊಂಡಿದೆ.

ಈ ಹಿಂದೆ ಶ್ರೀಧರ್ ಅವರು ಗಣೇಶ್ ಜೊತೆ 'ಚೆಲ್ಲಾಟ' ಹಾಗೂ 'ಕೃಷ್ಣ' ಚಿತ್ರಗಳನ್ನು ಮಾಡಿದ್ದಾರೆ. ಇದೀಗ ಆರು ವರ್ಷಗಳ ಗ್ಯಾಪ್ ಬಳಿಕ ಮತ್ತೊಮ್ಮೆ ಇಬ್ಬರೂ ಕೈಜೋಡಿಸಿದ್ದಾರೆ. ಅಂದಹಾಗೆ 'ಬುಗುರಿ' ಪಕ್ಕಾ ಸ್ವಮೇಕ್ ಚಿತ್ರ ಎಂಬುದು ವಿಶೇಷ. [ಪೂಜಾಗಾಂಧಿಯನ್ನ ಎತ್ತಿದ ಗಣೇಶ್ ಈಗ ಮತ್ತೆ ರೆಡಿ!]

ಗಣೇಶ್

ಗಣೇಶ್ ಅಭಿನಯದ 'ಶ್ರಾವಣಿ ಸುಬ್ರಹ್ಮಣ್ಯ' ಚಿತ್ರ ಶತಕ ಬಾರಿಸಿದೆ. 'ದಿಲ್ ರಂಗೀಲಾ' ಚಿತ್ರ ಅರ್ಧ ಸೆಂಚುರಿ ಪೂರೈಸಿದೆ. ಅದಕ್ಕೂ ಮುಂಚಿನ 'ಆಟೋರಾಜ' ಚಿತ್ರವೂ ಐವತ್ತು ದಿನಗಳ ಪ್ರದರ್ಶನ ಕಂಡಿದೆ. ಆದರೆ ಅದ್ಯಾಕೋ ಏನೋ 'ಸಕ್ಕರೆ' ಚಿತ್ರ ಸಿಹಿಯಾಗಲಿಲ್ಲ. ಒಟ್ಟಾರೆಯಾಗಿ ಗಣೇಶ್ ಮತ್ತೆ ಟ್ರ್ಯಾಕ್ ಗೆ ಮರಳಿದ್ದಾರೆ. 'ಬುಗುರಿ' ಚಿತ್ರದ ಟೈಟಲ್ ಅವರ ಅಭಿಮಾನಿಗಳಿಗೂ ಸಖತ್ ಇಷ್ಟವಾಗಿದೆ. (ಏಜೆನ್ಸೀಸ್)