ಮುಂದಿನ ವರ್ಷ ಪೂರ್ತಿ ಚಿತ್ರಮಂದಿರದಲ್ಲೇ ಇರಲಿದ್ದಾರೆ ಹರಿಪ್ರಿಯಾ.!

'ಕಥಾ ಸಂಗಮ'ಕ್ಕೂ ಮುಂಚೆ 'ಬೆಲ್ ಬಾಟಂ'

ನಿರ್ದೇಶಕ ರಿಷಭ್ ಶೆಟ್ಟಿ ನಿರ್ದೇಶನದ 'ಕಥಾ ಸಂಗಮ' ಸಿನಿಮಾ ಶುರುವಾಗಿ ತುಂಬಾ ದಿನ ಆಯ್ತು. ಎಲ್ಲ ಅಂದುಕೊಂಡಂತೆ ಆಗಿದ್ದರೇ, ಈ ಸಿನಿಮಾ ಇಷ್ಟೊತ್ತಿಗೆ ಬಿಡುಗಡೆಯಾಗಬೇಕಿತ್ತು. ಬಟ್, ಅದೇನ್ ಆಯ್ತೋ ಗೊತ್ತಿಲ್ಲ. ಸದ್ದು ಸುದ್ದಿಯಲ್ಲದೇ ಸೈಲೆಂಟ್ ಆಗಿದೆ. ಅಂದ್ಹಾಗೆ, 'ಕಥಾ ಸಂಗಮ' ಚಿತ್ರದಲ್ಲಿ ಹರಿಪ್ರಿಯಾ ನಟಿಸಿದ್ದಾರೆ. ಬಹುಶಃ ಮುಂದಿನ ವರ್ಷ ಈ ಸಿನಿಮಾ ತೆರೆಗೆ ಬರಲಿದೆ. ಅದಕ್ಕೂ ಮುಂಚೆಯೇ ಅಂದ್ರೆ, ಮುಂದಿನ ವರ್ಷದ ಆರಂಭದಲ್ಲೇ ಹರಿಪ್ರಿಯಾ ಹಾಗೂ ರಿಷಬ್ ಶೆಟ್ಟಿ ಅಭಿನಯದ 'ಬೆಲ್ ಬಾಟಂ' ಸಿನಿಮಾ ಬರಲಿದೆ.

'ಸೂಜಿದಾರ' ಜೊತೆ 'ಪಾರ್ವತಮ್ಮನ ಮಗಳು'

ರಂಗಕರ್ಮಿ ಮೌನೇಶ್ ಬಡಿಗೇರ್ ನಿರ್ದೇಶನ ಹಾಗೂ ಹರಿಪ್ರಿಯಾ ನಟಿಸಿರುವ 'ಸೂಜಿದಾರ' ಸಿನಿಮಾದ ಶೂಟಿಂಗ್ ನಡೆಯುತ್ತಿತ್ತು. ನಂತರ ಅದು ಯಾಕೋ ಸೈಲೆಂಟ್ ಆಗಿದೆ. ಬಹುಶಃ ಈ ಸಿನಿಮಾನೂ ಮುಂದಿನ ವರ್ಷ ಬರಬಹುದು. ನಂತರ 'ಕನ್ನಡ ಗೊತ್ತಿಲ್ಲ' ಎಂಬ ಸಿನಿಮಾದಲ್ಲಿ ಹರಿಪ್ರಿಯಾ ಅಭಿನಯಿಸುತ್ತಿದ್ದಾರೆ.

'ಕನ್ನಡ ಗೊತ್ತಿಲ್ಲ' ಜೊತೆ 'ಕುರುಕ್ಷೇತ್ರ' ಸರ್ಪ್ರೈಸ್

ಹರಿಪ್ರಿಯಾ ಅವರು 25ನೇ ಸಿನಿಮಾ 'ಡಾಟರ್ ಆಫ್ ಪಾರ್ವತಮ್ಮ'. ಈ ಚಿತ್ರದ ಪೋಸ್ಟರ್ ಈಗಾಗಲೇ ಬಿಡುಗಡೆಯಾಗಿದೆ. ಶೂಟಿಂಗ್ ಕೂಡ ನಡೆದಿದೆ. ಹರಿಪ್ರಿಯಾ ಹಾಗೂ ಹಿರಿಯ ನಟಿ ಸುಮಲತಾ ನಟಿಸಿದ್ದಾರೆ. ಅದಕ್ಕೂ ಮೊದಲೇ ದರ್ಶನ್ ಅಭಿನಯದ 'ಕುರುಕ್ಷೇತ್ರ' ಸಿನಿಮಾ ಬರುತ್ತೆ. ಈ ಚಿತ್ರದಲ್ಲಿ ವಿಶೇಷ ಹಾಡಿಗೆ ಹರಿಪ್ರಿಯಾ ಹೆಜ್ಜೆ ಹಾಕಿದ್ದಾರೆ.

'ಎಲ್ಲಿದ್ದೆ ಇಲ್ಲಿ ತನಕ' ಮತ್ತು 'ಬಿಚ್ಚುಗತ್ತಿ'

ಈಗಾಗಲೇ ಹರಿಪ್ರಿಯಾ ಅಭಿನಯದ ಆರು ಸಿನಿಮಾಗಳು ಮುಂದಿನ ವರ್ಷಕ್ಕೆ ಕಾದು ಕುಂತಿದೆ. ಇದೀಗ, ಸೃಜನ್ ಲೋಕೇಶ್ ನಾಯಕನಾಗಿರುವ 'ಎಲ್ಲಿದ್ದೆ ಇಲ್ಲಿ ತನಕ' ಹಾಗೂ ರಾಜವರ್ಧನ್ ಅಭಿನಯದ 'ಬಿಚ್ಚುಗತ್ತಿ' ಚಿತ್ರಗಳಲ್ಲಿ ಹರಿಪ್ರಿಯಾ ನಾಯಕಿಯಾಗಿದ್ದಾರೆ. ಈ ಎರಡು ಸಿನಿಮಾ ಮುಂದಿನ ವರ್ಷವೇ ರಿಲೀಸ್ ಆಗಲಿದೆಯಂತೆ. ಸದ್ಯಕ್ಕೆ ಏಂಟು ಸಿನಿಮಾ ಆಯ್ತು. ಇನ್ನೂ ಹಲವು ಚಿತ್ರಗಳು ಹರಿಪ್ರಿಯಾ ಖಾತೆಗೆ ಬರಲಿದೆ. ಒಟ್ನಲ್ಲಿ, ಮುಂದಿನ ವರ್ಷಪೂರ್ತಿ ಥಿಯೇಟರ್ ನಲ್ಲೇ ಇರ್ತಾರೆ ಅನ್ನೋದು ಮಾತ್ರ ಪಕ್ಕಾ.