ಕನ್ನಡದ ನಟಿಯರ ಮೇಲಿನ ಅನ್ಯಾಯದ ವಿರುದ್ದ ಹರಿಪ್ರಿಯಾ ರಣಕಹಳೆ..!

ಅರ್ಧದಷ್ಟೂ ಇಲ್ಲ.!

''ಕನ್ನಡದ ಸ್ಟಾರ್ ನಟರ ಸಂಭಾವನೆಯಲ್ಲಿ ಅರ್ಧದಷ್ಟೂ ಹಣವನ್ನು ನಟಿಯರಿಗೆ ನೀಡುವುದಿಲ್ಲ. ಕತೆ ಹೇಳುವಾಗಲೇ ಕಡಿಮೆ ಬಜೆಟ್ ಸಿನಿಮಾ ಅಡ್ಜಸ್ಟ್ ಮಾಡಿಕೊಳ್ಳಿ ಅಂತಾರೆ'' ಎಂದು 'ವಿಜಯ ಕರ್ನಾಟಕ' ಪತ್ರಿಕೆಗೆ ನಟಿ ಹರಿಪ್ರಿಯಾ ಹೇಳಿಕೆ ನೀಡಿದ್ದಾರೆ.

ಹೆಚ್ಚು ಸಂಭಾವನೆ ಯಾಕೆ ಕೊಡಬಾರದು..?

''ನಾಯಕಿ ಗ್ಲಾಮರಸ್ ಆಗಿರಬೇಕು, ಇಮೇಜ್ ಇರಬೇಕು, ಒಳ್ಳೆ ಅರ್ಟಿಸ್ಟ್ ಆಗಿರಬೇಕು ಅಂತ ಬಯಸುವ ನಿರ್ಮಾಪಕರು ಅದೆಲ್ಲಾ ಇರುವ ನಟಿಯರಿಗೆ ಹೆಚ್ಚು ಸಂಭಾವನೆ ಯಾಕೆ ಕೊಡಬಾರದು..?'' - ಹರಿಪ್ರಿಯಾ, ನಟಿ

ಪರಭಾಷಾ ನಟಿಯರಿಗೆ

''ಪರಭಾಷಾ ನಟಿಯರು ಕನ್ನಡಕ್ಕೆ ಬಂದಾಗ ಹೆಚ್ಚು ಸಂಭಾವನೆ ನೀಡುವುದರ ಜೊತೆಗೆ, ಸ್ಟಾರ್ ಹೋಟೆಲ್, ಫ್ಲೈಟ್ ಚಾರ್ಜ್... ಎಲ್ಲವನ್ನು ಕೊಡುತ್ತಾರೆ. ಕನ್ನಡದ ನಟಿಯರಿಂದ ಈ ಹಣ ಉಳಿಯುತ್ತೆ ಅಂತನಾದ್ರೂ ನಮ್ಮ ಸಂಭಾವನೆ ಹೆಚ್ಚಿಸಬಹುದಲ್ವಾ'' - ಹರಿಪ್ರಿಯಾ, ನಟಿ

ಇದು ಅನ್ಯಾಯ

''ಒಳ್ಳೆ ಕತೆ ಬಂದಾಗ ನಾನು ಖಂಡಿತ ಸಂಭಾವನೆ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ. ಆದರೆ ಒಮ್ಮೊಮ್ಮೆ ಕೂತು ಇದರ ಬಗ್ಗೆ ಯೋಚಿಸಿದಾಗ ಬೇಸರವಾಗುತ್ತದೆ. ಸಮಾನತೆ ಬಗ್ಗೆ ಮಾತನಾಡುವ ನಾವು ಹಣದ ವಿಷಯಕ್ಕೆ ಬಂದಾಗ ಲಿಂಗಭೇದ ಮಾಡುವುದು ಅನ್ಯಾಯ'' - ಹರಿಪ್ರಿಯಾ, ನಟಿ

ರಮ್ಯಾ ವಾದ ಮಾಡಿದ್ದರು

ಕನ್ನಡದಲ್ಲಿ ಸಂಭಾವನೆ ತಾರತಮ್ಯದ ಬಗ್ಗೆ ಮೊದಲು ಮಾತನಾಡಿದ್ದು ನಟಿ ರಮ್ಯಾ. ಆ ಬಳಿಕ ಐಂದ್ರಿತಾ ರೇ ಕೂಡ ಈ ಬಗ್ಗೆ ದನಿ ಎತ್ತಿದ್ದರು.