'ವೇದ' ಶಿವಣ್ಣ ಆರ್ಭಟಕ್ಕೆ ಕ್ಷಣಗಣನೆ: ರಾಜ್ಯಾದ್ಯಂತ ಭರ್ಜರಿ ಸಂಭ್ರಮಾಚರಣೆಗೆ ಶಿವ ಸೈನ್ಯ ಸಿದ್ಧ!

ಶಿವ ಸೈನ್ಯದಿಂದ ಸಂಭ್ರಮಾಚರಣೆ

ರಾಜ್ಯಾದ್ಯಂತ 300ಕ್ಕೂ ಅಧಿಕ ಸ್ಟ್ರೀನ್‌ಗಳಲ್ಲಿ 'ವೇದ' ಸಿನಿಮಾ ರಿಲೀಸ್ ಆಗ್ತಿದೆ. 5 ದಿನ ಮೊದ್ಲೆ ಅಡ್ವಾನ್ಸ್ ಟಿಕೆಟ್ ಬುಕ್ಕಿಂಗ್ ಕೂಡ ಶುರುವಾಗಿತ್ತು. ಈಗಾಗಲೇ ಅಭಿಮಾನಿಗಳು ಫಸ್ಟ್ ಡೇ ಫಸ್ಟ್ ಶೋ ನೋಡಲು ಟಿಕೆಟ್ ಬುಕ್ ಮಾಡಿಕೊಂಡು ಕಾಯುತ್ತಿದ್ದಾರೆ. ಶಿವಸೈನ್ಯ ಅಭಿಮಾನಿ ಸಂಘದಲ್ಲಿ ವಿವಿಧ ಜಿಲ್ಲೆಗಳ ಥಿಯೇಟರ್‌ ಅಂಗಳದಲ್ಲಿ ಸಂಭ್ರಮಾಚರಣೆಗೆ ಸಿದ್ದತೆ ಮಾಡಿಕೊಳ್ಳಲಾಗಿದೆ. 'ವೇದ' ಚಿತ್ರಕ್ಕೆ ಭರ್ಜರಿ ಓಪನಿಂಗ್ ಸಿಗುವ ನಿರೀಕ್ಷೆ ಇದೆ.

ಎಲ್ಲೆಲ್ಲಿ ಹೇಗೆ ಸಂಭ್ರಮಾಚರಣೆ?

ಬೆಂಗಳೂರಿನ ಶಿವಸೈನ್ಯ ಅಭಿಮಾನಿ ಸಂಘ ನರ್ತಕಿ ಥಿಯೇಟರ್‌ನಲ್ಲಿ ಬೆಳಗ್ಗೆ 10.30 ಶೋಗೂ ಮೊದಲು ಪರದೆ ಮುಂದೆ ಸಂಭ್ರಮಾಚರಣೆ ಮಾಡಲಿದ್ದಾರೆ. ಚಿತ್ರದುರ್ಗ ಹಾಗೂ ಚಿಕ್ಕಬಳ್ಳಾಪುರದಲ್ಲಿ ಶಿವಸೈನ್ಯ ತಂಡ ಶಿವಣ್ಣನ ಕಟೌಟ್‌ಗೆ ಹಾರ ಹಾಕಿ, ಪಟಾಕಿ ಸಿಡಿಸಿ ಸಂಭ್ರಮಿಸಲಿದ್ದಾರೆ. ಚಾಮರಾಜನಗರದಲ್ಲಿ ಶಿವಣ್ಣನ ಕಟೌಟ್‌ಗೆ ಹಾರ ಹಾಕಿ, ಪಟಾಕಿ ಸಿಡಿಸಿ ಸಂಭ್ರಮಾಚರಣೆ. ಇನ್ನು ನೆಲಮಂಗಲದ ರೂಪ ಥಿಯೇಟರ್‌ನಲ್ಲಿ ಶಿವಣ್ಣನ ಭಾವಚಿತ್ರಕ್ಕೆ ಹಾಲಿನ ಅಭಿಷೇಕ, ಹೂವಿನ ಹಾರ ಹಾಕಿ ಪಟಾಕಿ ಸಿಡಿಸಲಾಗುತ್ತದೆ. ಶೋ ಮುಗಿದ ಬಳಿಕ ಅಭಿಮಾನಿಗಳಿಗೆ ಬಿರಿಯಾನಿ ಹಂಚಲು ಸಿದ್ಧತೆ ನಡೆಸಿದ್ದಾರೆ.

ಆಟೋಗಳಲ್ಲಿ 'ವೇದ' ಪ್ರಚಾರ

ಈಗಾಗಲೇ 'ವೇದ' ಚಿತ್ರಕ್ಕಾಗಿ ಭರ್ಜರಿ ಪ್ರಚಾರ ಮಾಡಲಾಗುತ್ತಿದೆ. ಇತ್ತೀಚೆಗೆ ಶಿವಣ್ಣನ ಮನೆಯಲ್ಲೇ ಪ್ರೀ ರಿಲೀಸ್‌ ಈವೆಂಟ್ ಮಾಡಲಾಗಿತ್ತು. ಹಂಪಿನಗರದ ಕ್ರೀಡಾಂಗಣದಲ್ಲಿ ಆಟೋಗಳನ್ನ ವೇದ ಅಕ್ಷರ ರೀತಿಯಲ್ಲಿ ನಿಲ್ಲಿಸಿ ಅಭಿಮಾನಿಗಳು ಪ್ರಚಾರ ಮಾಡಿದ್ದಾರೆ. ಅ ವಿಡಿಯೋ ಈ ವೈರಲ್ ಆಗಿದೆ. ಇನ್ನು ಚಿತ್ರತಂಡ ಕೆಜಿ ರಸ್ತೆಯ ನರ್ತಕಿ ಥಿಯೇಟರ್‌ನಲ್ಲಿ ಅಭಿಮಾನಿಗಳ ಜೊತೆ ಸಿನಿಮಾ ನೋಡಲು ಬರ್ತಿದೆ.

60ರ ದಶಕದ ಕಥೆ

ಈ ಬಾರಿ ಫ್ಯಾಂಟಸಿ, ಮೈಥಾಲಜಿ ಬಿಟ್ಟು 60 ದಶಕದಲ್ಲಿ ನಡೆದ ಒಂದು ಕಾಲ್ಪನಿಕ ಕಥೆಯನ್ನು ವೇದ ಚಿತ್ರದಲ್ಲಿ ಹೇಳಲಾಗ್ತಿದೆ. ಶಿವಣ್ಣ 2 ಶೇಡ್‌ಗಳಿರೋ ಪಾತ್ರದಲ್ಲಿ ಅಬ್ಬರಿಸಿದ್ದಾರೆ. ಈ ರಿವೇಂಜ್‌ ಡ್ರಾಮಾದಲ್ಲಿ ಶಿವಣ್ಣನ ಜೊತೆಗೆ ಅದಿತಿ, ಶ್ವೇತ ಚೆಂಗಪ್ಪ, ವೀಣಾ ಪೊನ್ನಪ್ಪ ಕೂಡ ಪವರ್‌ಫುಲ್ ರೋಲ್‌ಗಳಲ್ಲಿ ಮಿಂಚಿದ್ದಾರೆ. ಅರ್ಜುನ್ ಜನ್ಯಾ ಮ್ಯೂಸಿಕ್ ಚಿತ್ರಕ್ಕಿದೆ. 'ವೇದ' ಚಿತ್ರದ ಪ್ರೀಮಿಯರ್ ಶೋಗಳು ನಡೀತಿಲ್ಲ. ಆದರೆ ಬೆಳಗ್ಗೆ 5 ಗಂಟೆಗೆ ಹಲವೆಡೆ ಮೊದಲ ಪ್ರದರ್ಶನ ಶುರುವಾಗಲಿದೆ.