ಮೊದಲ ವಾರದಲ್ಲಿ 'ಪೊಲಿಟಿಷಿಯನ್' ಕೊಳ್ಳೆ ಹೊಡೆದಿದ್ದೆಷ್ಟು ಕೋಟಿ?

ಮೊದಲ ವಾರಕ್ಕೆ 2 ಕೋಟಿ

'ಹಂಬಲ್ ಪೊಲಿಟಿಷಿಯನ್ ನೊಗರಾಜ್' ಚಿತ್ರದ ಬಂಡವಾಳ ಸುಮಾರು 2.7 ಕೋಟಿ. ಈ ಚಿತ್ರದ ಕೆಲಕ್ಷನ್ ಅದನ್ನ ಮೀರಿಸಿದ್ದು, ನಿರ್ಮಾಪಕರು ಹಾಕಿದ್ದ ಬಂಡವಾಳ ವಾಪಸ್ ಬಂದಿದೆಯಂತೆ. ನಿರ್ಮಾಪಕರು ಹೇಳುವ ಪ್ರಕಾರ ಸುಮಾರು 2.5 ಕೋಟಿ ಗಳಿಕೆ ಕಂಡಿದೆ.

ಎರಡು ಪಟ್ಟು ಲಾಭ?

ಸದ್ಯ, ಭಾರತದಲ್ಲಿ ಮಾತ್ರ ಸಿನಿಮಾ ರಿಲೀಸ್ ಆಗಿದೆ. ಇನ್ನು ಹೊರದೇಶಗಳಲ್ಲಿ ಚಿತ್ರ ತೆರೆಕಾಣಬೇಕಿದೆ. ಅದರ ಜೊತೆ ಟಿವಿ ಪ್ರಸಾರ ಹಕ್ಕು, ರೀಮೇಕ್ ಹಕ್ಕು, ಡಬ್ಬಿಂಗ್ ಹಕ್ಕು ಇನ್ನು ಮಾರಟವಾಗಿಲ್ಲ. ಇದರಿಂದ ಮತ್ತಷ್ಟು ಲಾಭ ಬರುವ ನಿರೀಕ್ಷೆಯಿದೆ.

ಗ್ರಾಮೀಣ ಪ್ರದೇಶದಲ್ಲಿ ಸಿನಿಮಾಗೆ ಮಿಶ್ರಪ್ರತಿಕ್ರಿಯೆ

ಅಂದ್ಹಾಗೆ, 'ಹಂಬಲ್ ಪೊಲಿಟಿಷಿಯನ್ ನೊಗರಾಜ್' ಚಿತ್ರಕ್ಕೆ ನಗರಗಳಲ್ಲಿ ಅತ್ಯುತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಆದ್ರೆ, ಗ್ರಾಮೀಣ ಭಾಗದಲ್ಲಿ ಚಿತ್ರಕ್ಕೆ ಮಿಶ್ರಪ್ರತಿಕ್ರಿಯೆ ಸಿಕ್ಕಿದೆ ಎಂದು ಸ್ವತಃ ನಿರ್ಮಾಪಕರೇ ಹೇಳುತ್ತಿದ್ದಾರೆ. ಯಾಕಂದ್ರೆ, ಚಿತ್ರದಲ್ಲಿ ಇಂಗ್ಲೀಷ್ ಹೆಚ್ಚು ಬಳಸಿರುವುದು ಇದಕ್ಕೆ ಕಾರಣವಂತೆ.

ಸಂತಸಗೊಂಡ ನಾಯಕ

ಈ ಚಿತ್ರದ ನಾಯಕ ಡ್ಯಾನಿಶ್ ಸೇಠ್ ಚಿತ್ರದ ಕಲೆಕ್ಷನ್ ಬಗ್ಗೆ ಫುಲ್ ಖುಷಿಯಾಗಿದ್ದಾರೆ. ಚಿತ್ರಕ್ಕೆ ಹಾಕಿದ್ದ ಬಂಡವಾಳ ವಾಪಸ್ ಆಗಿರುವುದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ. ಇದು ಡ್ಯಾನಿಶ್ ಅಭಿನಯದ ಚೊಚ್ಚಲ ಸಿನಿಮಾ. ಸಾದ್ ಖಾನ್ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದಾರೆ. ರೋಜರ್ ನಾರಾಯಣ್, ಶ್ರುತಿ ಹರಿಹರನ್ ಕೂಡ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.