ಅಪ್ಪಾಜಿ ಅಂತ ಎಲ್ಲರೂ ಹೇಳ್ತಾರೆ ಬಿಡಿ, ಆದ್ರೆ ಈ ನಟನಿಗಾಗಿ ನಾನು ಪ್ರಾಣ ಕೊಡ್ತೀನಿ ಎಂದ ಶಿವಣ್ಣ!

ಮೊದಲು ಕಮಲ್ ಹಾಸನ್ ಎಂದ್ರೆ ತುಂಬಾ ಇಷ್ಟ

ನಟ ಇಶಾನ್ ಮೊದಲು ಭೇಟಿಯಾದಾಗಲೇ ಈತ ಪಕ್ಕಾ ಹೀರೊ ಮೆಟೀರಿಯಲ್ ಎಂದುಕೊಂಡಿದ್ದೆ, ನಟನಾಗಲು ಯಾವ ರೀತಿಯ ಪರ್ಸನಾಲಿಟಿ ಇರಬೇಕೋ ಅದೇ ರೀತಿ ಇಶಾನ್ ಇದ್ದಾನೆ ಎಂದ ಶಿವ ರಾಜ್‌ಕುಮಾರ್ ಸಾಮಾನ್ಯವಾಗಿ ನಾನು ಹೀರೊ ಎಂದರೆ ಕಮಲ್ ಹಾಸನ್ ರೀತಿ ಇರಬೇಕು ಎಂದು ಯಾವಾಗಲೂ ಹೇಳುತ್ತೇನೆ ಎಂದರು ಹಾಗೂ ನಾನು ಮೊದಲು ಇಷ್ಟಪಡುವ ನಟ ಕಮಲ್ ಹಾಸನ್ ಎಂದು ತಿಳಿಸಿದರು.

ಅಪ್ಪಾಜಿ ಅಂತ ಎಲ್ಲರೂ ಹೇಳ್ತಾರೆ ಬಿಡಿ

ಹೀಗೆ ಕಮಲ್ ಹಾಸನ್ ಕುರಿತು ಮಾತನಾಡುವುದನ್ನು ಮುಂದುವರೆಸಿದ ಶಿವ ರಾಜ್‌ಕುಮಾರ್ ಅಪ್ಪಾಜಿ ಅಂತ ಎಲ್ಲರೂ ಹೇಳ್ತಾರೆ ಬಿಡಿ, ಅವರು ಯಾರಿಗೆ ತಾನೇ ಸ್ಪೂರ್ತಿಯಲ್ಲ. ಆದರೆ ನನಗೆ ತುಂಬಾ ಸ್ಫೂರ್ತಿ ಎಂದರೆ ಅದರು ಕಮಲ್ ಹಾಸನ್ ಅವರು. ಬಹಳ ಬಹಳ ಇಷ್ಟ ಅವರೆಂದರೆ ಈಗಲೂ ಕೂಡ ಪ್ರಾಣ ಕೊಡ್ತೀನಿ ಅಂತಹ ಒಂದು ಪ್ರೀತಿ ಕಮಲ್ ಹಾಸನ್ ಮೇಲೆ, ಏಕೆಂದರೆ ನಟ ಎಂದರೆ ಅವರ ರೀತಿ ಇರಬೇಕು, ಅವರ ರೀತಿ ಕಣ್ಣು, ಪರ್ಸನಾಲಿಟಿ ಇರಬೇಕು ಎಂದು ಶಿವ ರಾಜ್‌ಕುಮಾರ್ ಹೇಳಿದರು. ಮಾತು ಮುಂದುವರಿಸಿದ ಶಿವ ರಾಜ್‌ಕುಮಾರ್ ನಂತರ ಅವರ ರೀತಿ ಹೃತಿಕ್ ರೋಷನ್ ಸೇರಿದಂತೆ ತುಂಬಾ ನಟರು ಬಂದರು, ಅದೇ ರೀತಿ ಇಶಾನ್ ಕೂಡ ಎಂದು ಹೊಗಳಿದರು.

ಕಾಂತಾರ ಹೊಗಳಿದ ಶಿವಣ್ಣ

ಇನ್ನು ಇದೇ ಕಾರ್ಯಕ್ರಮದಲ್ಲಿ ಸದ್ಯದ ಸೆನ್ಸೇಶನ್ ಕಾಂತಾರ ಚಿತ್ರದ ಬಗ್ಗೆಯೂ ಶಿವ ರಾಜ್‌ಕುಮಾರ್ ಮೆಚ್ಚುಗೆ ವ್ಯಕ್ತಪಡಿಸಿದರು. ಕಾಂತಾರ ಚಿತ್ರದ ಟ್ರೈಲರ್ ವೀಕ್ಷಿಸಿದ ನಂತರ ರಿಷಬ್ ಶೆಟ್ಟಿಗೆ ಕಾಲ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದೆ ಹಾಗೂ ವಿಶೇಷವಾಗಿ ಸಿಂಗಾರ ಸಿರಿಯೇ ಹಾಡು ನನ್ನನ್ನು ತುಂಬಾ ಕಾಡುತ್ತಿದೆ ಎಂದು ರಿಷಬ್ ಶೆಟ್ಟಿ ಬಳಿ ಹೇಳಿದ್ದೆ ಎಂದರು ಶಿವ ರಾಜ್‌ಕುಮಾರ್. ಚಿತ್ರೀಕರಣದಲ್ಲಿ ಬ್ಯುಸಿ ಇರುವ ಕಾರಣ ಕಾಂತಾರ ಚಿತ್ರವನ್ನು ವೀಕ್ಷಿಸಲಾಗಲಿಲ್ಲ ಆದರೆ ಇನ್ನೆರಡು ದಿನಗಳಲ್ಲಿ ಕಾಂತಾರ ಚಿತ್ರವನ್ನು ನೋಡುತ್ತೇನೆ ಎಂದು ಶಿವಣ್ಣ ಹೇಳಿದರು.