ಕನ್ನಡಕ್ಕೆ 3-ಈಡಿಯೆಟ್ಸ್ ರೀಮೇಕ್! ಹೀರೋಗಳು ಯಾರಾಗಬಹುದು?

ರೀಮೇಕ್ ಮಾಡೋ ಆಲೋಚನೆನಾ?

ಕೆಜಿಎಫ್ ಚಿತ್ರದ ಕಾರ್ಯಕಾರಿ ನಿರ್ಮಾಪಕ ಕಾರ್ತಿಕ್ ಗೌಡ ''ಕನ್ನಡದಲ್ಲಿ 3 ಈಡಿಯೆಟ್ಸ್ ರೀಮೇಕ್ ಆದರೆ ಯಾರು ನಟಿಸಬಹುದು?'' ಎಂದು ಕನ್ನಡ ಪ್ರೇಕ್ಷಕರನ್ನು ಪ್ರಶ್ನಿಸಿದ್ದಾರೆ. ಇದ್ದಕ್ಕಿದ್ದಂತೆ 3 ಈಡಿಯೆಟ್ಸ್ ಸಿನಿಮಾದ ರೀಮೇಕ್ ಕುರಿತು ಆಲೋಚನೆ ಮುಂದಿಟ್ಟಿರುವುದನ್ನು ಗಮನಿಸಿದರೆ, ಕೆಆರ್‌ಜಿ ಸ್ಟುಡಿಯೋಸ್ ಪೋಸ್ಟ್ ರೀಮೇಕ್ ಮಾಡುವ ಆಸಕ್ತಿ ತೋರಿದ್ಯಾ ಅನುಮಾನಕ್ಕೆ ಕಾರಣವಾಗಿದೆ.

ಗಣೇಶ್ ಮತ್ತು ತಂಡಕ್ಕೆ ಹೆಚ್ಚಿನ ಒಲವು

3 ಈಡಿಯೆಟ್ಸ್ ಸಿನಿಮಾ ರೀಮೇಕ್ ಮಾಡಿದ್ರೆ ಅದರಲ್ಲಿ ಗಣೇಶ್ ಅವರನ್ನು ನೋಡಲು ಹೆಚ್ಚು ಜನರು ಆಸಕ್ತಿ ತೋರುತ್ತಿದ್ದಾರೆ. ಗೋಲ್ಡನ್ ಸ್ಟಾರ್ ಜೊತೆಯಲ್ಲಿ ಗಾಳಿಪಟ ತಂಡವನ್ನು ನೋಡಲು ಬಯಸುತ್ತಿದ್ದಾರೆ. ಗೋಲ್ಡನ್ ಸ್ಟಾರ್ ಜೊತೆ ರಾಜೇಶ್ ಕೃಷ್ಣನ್, ದಿಗಂತ್, ಅಶೋಕ್, ಅಜಯ್ ರಾವ್, ಸತೀಶ್ ನೀನಾಸಂ ಅವರ ಹೆಸರು ಸಹ ಚರ್ಚೆಯಾಗ್ತಿದೆ.

ಹುಡುಗರು ಕಾಂಬಿನೇಷನ್!

ಅಮೀರ್ ಖಾನ್ ಪಾತ್ರಕ್ಕೆ ಪುನೀತ್ ರಾಜ್ ಕುಮಾರ್ ಸೂಕ್ತ ಎಂದು ಅಭಿಪ್ರಾಯ ವ್ಯಕ್ತಪಡಿಸುತ್ತಿರುವ ಅಭಿಮಾನಿಗಳು, ಮಾಧವನ್ ಹಾಗೂ ರಾಜ್ ಪಾತ್ರಗಳಿಗೆ ಶ್ರೀನಗರ ಕಿಟ್ಟಿ, ಯೋಗೇಶ್, ಧನಂಜಯ್, ಪ್ರಜ್ವಲ್ ದೇವರಾಜ್, ಡಾರ್ಲಿಂಗ್ ಕೃಷ್ಣ ಹೆಸರು ಸಹ ಚರ್ಚೆಯಾಗ್ತಿದೆ.

ನಮಗೆ ಅನಂತ್ ನಾಗ್ ಮಾಡಲಿ

ಹೀರೋಗಳಾಗಿ ಯಾರು ಬೇಕಾದರೂ ಮಾಡಲಿ. ಆದರೆ 3 ಈಡಿಯೆಟ್ ಚಿತ್ರದಲ್ಲಿ ಬೊಮ್ಮನ್ ಇರಾನಿ ಪ್ರಮುಖ ಪಾತ್ರದಲ್ಲಿ ಮಾಡಿದ್ದಾರೆ. ಆ ಪಾತ್ರವನ್ನ ಕನ್ನಡದಲ್ಲಿ ಅನಂತ್ ನಾಗ್ ಅವರೇ ಮಾಡಲಿ ಎಂಬ ಅಭಿಪ್ರಾಯವೂ ಬರ್ತಿದೆ.

ರೀಮೇಕ್ ಬೇಡ ಎನ್ನುವವರು ಇದ್ದಾರೆ

ಇದೊಳ್ಳೆ ಕಥೆ ಆಯ್ತು. ಇಷ್ಟು ವರ್ಷದ ಆದ್ಮೇಲೆ ರೀಮೇಕ್ ಚರ್ಚೆ ಏಕೆ. ಈ ಸಿನಿಮಾವನ್ನು ಕನ್ನಡದಲ್ಲಿ ರೀಮೇಕ್ ಮಾಡುವುದು ಬೇಡ ಎಂಬ ಅಭಿಪ್ರಾಯವೂ ಟ್ವಿಟ್ಟರ್‌ನಲ್ಲಿ ಚರ್ಚೆಯಾಗ್ತಿದೆ. ಕೆಲವರು ರೀಮೇಕ್ ಏಕೆ ಡಬ್ಬಿಂಗ್ ಆಯ್ಕೆ ಇದೆ ಅಲ್ವಾ? ಎಂದು ಹೇಳುತ್ತಿದ್ದಾರೆ.